الصيد فى مصر

الصيد فى مصر (http://www.egyhunt.net/index.php)
-   الصيد بالصقور (http://www.egyhunt.net/forumdisplay.php?f=8)
-   -   قبل ما تجيب الصقر (http://www.egyhunt.net/showthread.php?t=3080)

nilehunter 10-09-02 02:25 PM

قبل ما تجيب الصقر
 
يا خوانا الكلام اللى هقوله ده لاى حد عايز يجيب صقر , الغرض منه توضيح كم المسئولية الواقعة على الصقار و ليس الغرض منه توبيخ احد او احباط احد و تذكر انك ان كنت فعلا عندك هدف لا انا ولا غيرى نقدر نقف فى طرىق تحقيقه:
قبل ما تجيب الصقر:
-لازم تعرف انه مش طير اليف يوضع فى قفص للفرجه او يوضع على اليد للمنظره (هات ببغاء ألطف:)) الصقر طائر جارح بينه و بين الصقار عهد غير مكتوب ينص على ان يصيد الاول للثانى على ان يوفر له الغذاء و الحمايه و الصحه الجيدة
-لازم تعرف انت عايز تصيد ايه و على اساسه تجيب صقر نوعه ايه
- لازم تعرف كل حاجه عن الصقر الى ادق التفاصيل: الأكل ,الماء, السلوك, المعدات,طرق التدريب, الامراض
-لازم تعرف ان الصقر له احتياجات خاصه:
ا)مكان للتربية (مش قفص) 2فى2 متر على الأقل محمى من الشمس و تيارات الهواء
ب) لحوم مختلفه على مدار السنه(دجاج ارانب سمان جرذان) اعرف ناس مربيه سمان مخصوص لصقورها (محدش يقوللى كبدة)
ج) وقت وقت وقت, لازم على الأقل ساعتين فى اليوم كل يوم و على الأقل تطير ثلاث مرات في الاسبوع(مش بلاى ستيشن تشيلها في كرتونتها و تطلعها وقت ما انت عايز) يعني مواعيد شغلك و اجازاتك و ارتباطاتك العائليه و سفرياتك في حساباتك قبل ما تجيب الصقر
-لازم تقرا كتب و تدور في النت و تسأل اهل الخبره أو تتلمذ على ايد صقار قديم (لو مستثقلها يبقى الصقارة مش ليك)
- لو بعد ما قعدت مع نفسك قعدة صدق و حسبتها صح لقيت الموضوع يناسبك يبقى اتوكل على الله و ابتدى بالوكرىlanner falcon صقر قوى وطباعه هادئه و يغفر اخطاء المبتدءين و سهل التدرىب و يمكن صيد طرائد مختلفه بيه
اسف على الاطالة

هشام سمير 10-09-02 03:20 PM

رد: قبل ما تجيب الصقر
 
تسلم
والله لك كل التحيه على الموضوع الاكثر من رائع انا عن نفسى استفدت
وهى دى فعلاً المواضيع الفعاله المفيده التى تفيد الهوايه وتنميها وتحافظ على كرامى الطائر
سلمت يمينك وجزاك الله خيراً

golden eagle 10-09-02 06:10 PM

رد: قبل ما تجيب الصقر
 
كلام سليم و جهد مشكور بس كل الكلام ده بديهى لأن عمر ما حد هايشترى حاجه او يدخل مجال من غير ما يعمل كل ده والا يكون جاهل وحرام عليه لأن الطير نفس قبل ما يكون حاجه بتربيها أو هوايه وتسلم ايدك على الافاده
تقبل مرورى

محمد ابو غازى 10-09-08 12:22 AM

رد: قبل ما تجيب الصقر
 
الله ينور عليك هوة دة الصح للى يبغى

Hazem a.alsalam 10-09-21 11:13 AM

رد: قبل ما تجيب الصقر
 
موضوع اكثر من رائع ,,,
تقبل تحياتى

smsmn8888 10-09-21 01:08 PM

رد: قبل ما تجيب الصقر
 
خلاص انا هجيب بغبغان غلابوى وبنص لسان


الساعة الآن 10:58 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir