الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   وصلنا للعالمية يا رجالة (http://www.egyhunt.net/showthread.php?t=2341)

محمد عز 10-06-08 07:14 PM
وصلنا للعالمية يا رجالة
 
أصدقائي وأخواني أعضاء المنتدى ممن تعرفت عليهم بالفعل وممن لم يحالفني الحظ بالتعرف عليهم بعد،
فيه ظاهرة غريبة من أسبوعين شغالة في المنتدى وهي ان ناس بيسجلوا عضويات ويبعتوا مشاركات للترويج عن سلع وخدمات عجيبة وليس لها علاقة بالصيد لا من بعيد ولا من قريب
الأغرب ان المشاركات دي بالانجليزي وأصحابها زي ما واضح من اللغة انهم عرب بيعرفوا انجليزي كويس او اجانب بيعرفوا عربي!!!!
يعني المنتدى بقى بيعاني من البياعين العرب والأجانب
يعني وصلنا للعالمية يارجالة
أنا شفت بالصدفة اتنين واحد بيبيع انذار حريق والتاني بيعلن عن مكتب للتوظيف بالخارج!
ايه رأيكم في الظاهرة الجديدة دي؟

حسام عبادي 10-06-08 08:16 PM
رد: وصلنا للعالمية يا رجالة
 
والله يا أستاذنا لو بصينا للجانب المشرق
ده يعني فعلآ إن منتدانا بقى نشط للدرجه إللي بقت تطمع أصحاب الإعلان فيه

طيب والناس إللي بتعرض مشاكل كمبيوتر وحاجات من دي؟
هل مختلط عليهم الأمر مع منتدى تاني ولا ناس بتتسلى ؟

خط الصعيد 10-06-08 09:09 PM
رد: وصلنا للعالمية يا رجالة
 
يا استاذ محمد اكبر دلليل انة وصل للعالمية ان خط الصعيد مشترك فية يعنى معنى كدة انكم عبرتو الحدود ..
بس انا شايف من وجه نظرى المتواضعة ان دة مش كويس لانة هيلغى خصوصية المنتدى الى تاسس عليها المنتدى فى الاساس و هى جمع محبى الهواية و التعارف بينهم و تحقيق التكامل ما بين الاعضاء

محمد عز 10-06-09 01:58 AM
رد: وصلنا للعالمية يا رجالة
 
اقتباس:
المشاركة الأصلية كتبت بواسطة حسام عبادي (المشاركة 18531)
والله يا أستاذنا لو بصينا للجانب المشرق
ده يعني فعلآ إن منتدانا بقى نشط للدرجه إللي بقت تطمع أصحاب الإعلان فيه

طيب والناس إللي بتعرض مشاكل كمبيوتر وحاجات من دي؟
هل مختلط عليهم الأمر مع منتدى تاني ولا ناس بتتسلى ؟
يا أستاذ حسام انا فعلا متفق معاك ان منتدانا بقى نشط نشاط ملحوظ والبركة في الأعضاء اللي جددوا دماء المنتدى وخبرة المؤسسين وأركان المنتدى من المشرفين والصيادين الكبار
المشكلة هي ان الناس دي داخلة بإعلانات وش
يعني مش مهم عندهم الصيد أوفنونه أو الهواية
وطبعا عملا بنظرية جه او ما جاش هما بيعلنوا عن اللي يفيدهم بس ومش هاممهم الا مصلحتهم وده اعتقد يتنافى مع روح المنتدى

محمد عز 10-06-09 02:10 AM
رد: وصلنا للعالمية يا رجالة
 
اقتباس:
المشاركة الأصلية كتبت بواسطة خط الصعيد (المشاركة 18532)
يا استاذ محمد اكبر دلليل انة وصل للعالمية ان خط الصعيد مشترك فية يعنى معنى كدة انكم عبرتو الحدود ..
بس انا شايف من وجه نظرى المتواضعة ان دة مش كويس لانة هيلغى خصوصية المنتدى الى تاسس عليها المنتدى فى الاساس و هى جمع محبى الهواية و التعارف بينهم و تحقيق التكامل ما بين الاعضاء
والله انت دمك زي العسل ياشا
ياباشا احنا معاك وهنعبر الحدود الشرقية ان شاء الله ونرجع الحق لأصحابه ونقفل الدكان اللي بناه الانجليز سنة 1948 جنبنا
ويا باشا احنا كده معاك هنلعب في كاس العالم 2014 بس اللعيبة بتوعنا تركز وينزلوا الملعب فاييقين ويعرفوا انهم بيمثلوا مصر وممكن يأخدوا الكأس بس يعرفوا مكانة بلادهم والشعب الطيب اللي عاوز يفرح في أي مناسبة تنسيه همومه
المهم انا متضامن مع وجهة نظرك ان المنتدى لازم يحاول على قدر المستطاع انه يحافظ على خصوصية الصيد والود اللي بين الأعضاء وتنمية الهواية الراقية وترقيتها
وان كان فيه خروج بسيط عن النص فده مقبول نسبيا ولكن مش معنى كده انها تبقى مفتوحة على البحري لأي اعلانات (مش مدفوعة طبعاً) او محاولات ولو غير مقصودة لتشتيت اتجاه المنتدى عن الصيد ودي هتكون بداية ضعف المنتدى وتعميم وتعويم أهدافه
ولك مني ولكل الزملاء خالص التحية والتقدير

Gamohunter 10-06-09 02:23 AM
رد: وصلنا للعالمية يا رجالة
 
انا كمان متفق معاكم لانه لو الموضوع تطور مش بعيد يجى ناس تعلن عن ابر خياطه وامشاط ولبن دكر
المفروض تكون المشاركات فى مجال اليد وبس ولو فيه بعض المشاركات اللى فيها دعابه مافيش مانع

galal khalifa 10-06-09 08:50 AM
رد: وصلنا للعالمية يا رجالة
 
الموضوع مختلف من وجهو نظري خالص انا شايف ان الناس الي بيبعت الحاجات دية وحاجات في بعض الاحيان اباحية مش المقصود بيها انها تبيع لالالا المقصود الشوشرة علي المنتدي واعضاء علشان لما تكلم حد او حد ينقدك يقول لك شوف ياعم دا المنتدي بتاعكم بيتحط علية صورة اباحية وكلام مالوش دعوة بالصيد .
يا جماعة في ناس كل فكرها انها تستهدف المنتدي وتشوة صورتة وانت يا محمد عارف ناس منهم ولكن سيب الناس تعمل الي هي عايزاة احنا الاصل والمنتدي بتاعنا بقالة اكتر من اربع سنوات وفية 1560 عضو وكفاية العلاقة الجميلة الي بين الاعضاء واديك شوفت ناس بتخاف علي بعض وسيبك من الناس . وشكرا علي المشاركة وتواجدتك
الدائم معانا واشكر كل الي شارك وخاصة خط الصعيد والصعيد كلة

Oonyx 10-06-13 11:43 PM
رد: وصلنا للعالمية يا رجالة
 
يا سيادنا دي اسمها spambots ودي شركة بتتفق مع الأجهزة والشركات الاعلاناتية عشان تعمل دعاية لمنتجاتها في الأسواق مع تحيد المنطقة المحددة وأي لغة مواجهة لأصحابها. وكمان هتلاقوا إن ده تزامن مع وجود اعلانات بتيجي عن طريق الخطأ لبريدكم الالكتروني.
فكرة عمل ال spambot إنه بيدخل على الموقع ويسجل فيها عضويات وهمية ويعرضوا منتجاتهم وكذلك سرقة البريد الالكتروني لدى الاعضاء لارسال رسائل لهم وكلما زاد عدد الرسائل للناس زاد ربح الشركة من شركة المنتج.
وده اللي قادر اقولكم عليه والموضوع كبير بس ده المختصر المفيد.
اخوكم عامر

galal khalifa 10-06-14 08:41 AM
رد: وصلنا للعالمية يا رجالة
 
اقتباس:
المشاركة الأصلية كتبت بواسطة Oonyx (المشاركة 18759)
يا سيادنا دي اسمها spambots ودي شركة بتتفق مع الأجهزة والشركات الاعلاناتية عشان تعمل دعاية لمنتجاتها في الأسواق مع تحيد المنطقة المحددة وأي لغة مواجهة لأصحابها. وكمان هتلاقوا إن ده تزامن مع وجود اعلانات بتيجي عن طريق الخطأ لبريدكم الالكتروني.
فكرة عمل ال spambot إنه بيدخل على الموقع ويسجل فيها عضويات وهمية ويعرضوا منتجاتهم وكذلك سرقة البريد الالكتروني لدى الاعضاء لارسال رسائل لهم وكلما زاد عدد الرسائل للناس زاد ربح الشركة من شركة المنتج.
وده اللي قادر اقولكم عليه والموضوع كبير بس ده المختصر المفيد.
اخوكم عامر
انا متفق معاك يا عامر spambots ولكن الموضوع بيبقا فية صور وحاجات مش محترمة دية بردة شركات عالمية الحدق يفهم

mezo_hunter 10-06-14 10:19 PM
رد: وصلنا للعالمية يا رجالة
 
الاسلام عليكم
انا رائي ان الاعلانات طول مامنها ضرر علي المنتدي و اصحاب المنتدي يبئه عادي حتي الان لكن لو كترت و حولت تغير مصار المنتدي او تشوه سمعة المنتدي فاكيد لزم تتوقف في الحال.بس لحد ديلوقتي خلونا نبس للجانب المشرق.
ده رائي السخصي و تقبولو مروري

الادارة 10-06-15 01:16 AM
رد: وصلنا للعالمية يا رجالة
 
اقتباس:
المشاركة الأصلية كتبت بواسطة oonyx (المشاركة 18759)
يا سيادنا دي اسمها spambots ودي شركة بتتفق مع الأجهزة والشركات الاعلاناتية عشان تعمل دعاية لمنتجاتها في الأسواق مع تحيد المنطقة المحددة وأي لغة مواجهة لأصحابها. وكمان هتلاقوا إن ده تزامن مع وجود اعلانات بتيجي عن طريق الخطأ لبريدكم الالكتروني.
فكرة عمل ال spambot إنه بيدخل على الموقع ويسجل فيها عضويات وهمية ويعرضوا منتجاتهم وكذلك سرقة البريد الالكتروني لدى الاعضاء لارسال رسائل لهم وكلما زاد عدد الرسائل للناس زاد ربح الشركة من شركة المنتج.
وده اللي قادر اقولكم عليه والموضوع كبير بس ده المختصر المفيد.
اخوكم عامر
هيا دي بالظبط المشكله .. وللاسف انا بحاول احاربها لان كل اصحاب المواقع ومستخدمي الانترنت بيعانوا منها فعلا .. مجرد التبليغ عن الموضوع كافى .. هيتم حذفه وحذف العضويه .. وكان شيئا لم يكن :)

galal khalifa 10-06-15 08:05 AM
رد: وصلنا للعالمية يا رجالة
 
اقتباس:
المشاركة الأصلية كتبت بواسطة ahmose (المشاركة 18798)
هيا دي بالظبط المشكله .. وللاسف انا بحاول احاربها لان كل اصحاب المواقع ومستخدمي الانترنت بيعانوا منها فعلا .. مجرد التبليغ عن الموضوع كافى .. هيتم حذفه وحذف العضويه .. وكان شيئا لم يكن :)
دا الي انا بعملة وانا لة عامل حذف وايقاف لعضو هارينا اعلانات وكلام مالوش دعوة بالمنتدي


الساعة الآن 06:21 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir