الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   بخصوص الرمايه و ترخيص سلاح (http://www.egyhunt.net/showthread.php?t=47074)

peterpeter 14-08-25 12:17 AM

بخصوص الرمايه و ترخيص سلاح
 
السلام عليكم ورحمه الله و بركاته
عندي استفسار مهم و عاوز أجابه من حضراتكم
انا اعمل بمجال الحراسات الخاصه مع احد السياسيين
اولا عاوز اعرف أتعلم الرمايه فين ؟؟ محتاج مكان أتعلم فيه ضرب النار
بس يكون بيدي شهاده او حاجه تثبت اني بضرب نار كويس

ثانيا

بعد ما أتعلم الرمايه و ضرب النار محتاج اني أرخص سلاح
عندي الي يخلصلي اجراءات الترخيص
بس علي حسابي طبعا
فعايز اعرف يكلفني قد ايه إجراءات الترخيص
و اني اشتري مسدس حلوان يكون في حدود كام

LEGION 14-08-25 01:12 AM

رد: بخصوص الرمايه و ترخيص سلاح
 
الحلوان أسعاره بقت خرافية جدا دلوقتي
معرفش رقم محدد لكنه في السنوات الأخيرة تضاعف

أما عن التدريب فأكيد في طبعا
قطاع تدريب متخصص في مصلحة الأمن العام في وزارة الداخلية
بس حضرتك قلت حاجتين عكس بعض
حراسات خاصة دي معناها إنك ضابط
يبقي إزاي بتدور علي رخصة و سلاح

أما لو حضرتك بتشتغل في شركة أمن متخصصة
يبقي تنسي فكرة الترخيص دي خالص
و الشخص إللي وعدك بده مش هيعرف ينفذ وعده
قانون تنظيم شركات الأمن حاليا لا يسمح بذلك إلا من خلال شروط صعبة أوي

وليد سالم 14-08-25 01:23 AM

رد: بخصوص الرمايه و ترخيص سلاح
 
طب ممكن نعرف ازاي حضرتك تعمل في مجال الحراسات الخاصة لاحد الشخصيات السياسية بدون ما تعرف ازاي تستخدم سلاح وتعرف مباديئ التصويب وضرب النار
مع ان اللي نعرفة ان الحراسات الخاصة لرجال السياسة يتم اختيارها من رجال الامن من جهاز الداخلية والامن الوطني لاصحاب الاماكن الاكثر حساسية في الدولة اما رجال السياسة العاديين يتم تخصيص الحراسة لهم بواسطة الامن العام

طب وحضرتك بتسال عن طريقة ومصاريف استخراج الترخيص مع انك بتقول ان عندك اللي هيخلصلك موضوع الترخيص طب وهو في حارس خاص لاحدي الشخصيات العامة من رجال السياسة لا يحمل ترخيص سلاح او حتي السلاح نفسة

وحضرتك بتسال في المنتدي عن اماكن تعلم الرماية بسلاح طبعا هيكون ناري مش بنادق رش و pcp لصيد الطيور زي بتاعتنا واكيد طبعا مش هتتعلم الرماية بمسدسات صوت زي المعروضة عندنا لدي تجار المنتدي

واكيد حضرتك تعرف ان الشخصية السياسية اللي حضرتك بتقوم بحراستها تعلم جيدا انك لا تملك سلاح لحراستها ولا تعلم كيفية التصويب واستخدامه ومع ذلك محتفظة بخدماتك حتي الان للحراسة والحماية بيد حارس اعزل

وبردو اكيد حضرتك لو سالت اللي تبعك اللي هيخلصلك الرخصة بمعرفته واكيد هو يعمل بجهه امنية عن اماكن تعلم الرماية هيفيدك اكتر مننا

بصراحة اكيد حضرتك بتهرج وحبيت تعمل موضوع جديد من نوعه هههههههههههههههههه

والله يا عم انت فكرتني بفيلم اسماعيل يس في الطيران لما ركب الطياره وطار بيها وبعدين اعد يدور في صفحات كتاب تعلم الطيران عن موضوع ( كيف تهبط الطائره ) بالذمه ده اسمه كلام يا باشا
:no::no::sante::sante:

peterpeter 14-08-25 08:54 AM

رد: بخصوص الرمايه و ترخيص سلاح
 
يا استاذ وليد شكرًا علي استهزاءك بكلامي و عدم إفادتي باي معلومة
بس للتوضيح فقط
انا حارس خاص مع هذه الشخصيه ( جارد ) و هذه الشخصيه معاه حاليا حراسه تانيه من الداخلية
معاه ظابط و ٣ أمناء شرطه
بس دول حضرتك مش دايمين دول بيبقوا فتره بس و الوزاره بتسحبهم تاني و بترفع عنو الحراسه
فهو طلب مني اني اتدرب علي إطلاق النار و اشتري سلاح و هو ها يرخصهولي بتليفون و ده شيء سهل جدا بالنسباله
لان تعامله مع وزير الداخليه و رئيس الوزراء مباشره

انا بس دخلت أسئل الأعضاء المحترمين هنا علشان افهم لاني مليش قوي في موضوع السلاح ده و قدامي وقت قليل
قبل ما حراسه الداخليه تترفع عنو و انا الي أكون بدالها ساعتها فلازم أكون مسلح

اتمني حضرتك تكون فهمت و اتمني اكتر اني ألاقي حد يساعدني . شكرآ

el7awi 14-08-25 09:22 AM

رد: بخصوص الرمايه و ترخيص سلاح
 
ممكن حضرتك تسأل استاذ سليمان بخصوص المسدس و اسمة علي المنتدي (سليمان بك ) الراجل دة كان كاتب موضوع جامد جدا بس غريبة اوي اوي انة معملش ضجة و تحس ان اتكتم علية هو كان كاتب انة بيعرف يستورد مسدسات من برة و كان كاتب اسماء بعض انواعع المسدسات الشهيرة و بنادق الخرطوش واسعار وهم الهكلر يو اس لي مثﻻ كان ب20500 خالص كل المصاريف متهيألي دة احسن لك من الحلوان بكتير و فرق سعر بسيط

وليد سالم 14-08-25 09:50 AM

رد: بخصوص الرمايه و ترخيص سلاح
 
يا استاذي العزيز انا مستهزئتش بحضرتك ولا حاجه لا سمح الله وانا عمري ما قللت من شان اي حد علي المنتدي منذ دخولي علية والكل يشهد ولكني اعبر عن رايي في بعض المواضيع التي تكون مبهمه وليست مفهومة بشكل ساخر ليس سخرية من كاتب الموضوع ماعاذ الله ولكن من الحوار نفسة لانه غير مفهوم

انت بنفسك عايز اخد رايك في كتابتك لراس الموضوع الاصلي وايضا تنظر لتوضيحك الاخير
(((( انا حارس خاص مع هذه الشخصيه ( جارد ) و هذه الشخصيه معاه حاليا حراسه تانيه من الداخلية
معاه ظابط و ٣ أمناء شرطه
بس دول حضرتك مش دايمين دول بيبقوا فتره بس و الوزاره بتسحبهم تاني و بترفع عنو الحراسه
فهو طلب مني اني اتدرب علي إطلاق النار و اشتري سلاح و هو ها يرخصهولي بتليفون و ده شيء سهل جدا بالنسباله
لان تعامله مع وزير الداخليه و رئيس الوزراء مباشره
)))) طب لو انت مكان حد من الاعضاء هتفهم المقصد من الموضوع الرئيسي ولا هتفهم المقصد من الشرح الاخير لحضرتك
طب ماكان من الاول تشرح عشان نفهم ونفيدك او حتي ندلك علي اللي يقدر يفيدك

واخيرا انا اعتذر عن تعليقي اذا كان سببلك اي ضيق او زعل انا اعتذرلك علي العام وليس برسالة خاصة لان ده من حقك ولاني املك شجاعة الاعتذار بس بردوا انت مكنتش موضح مقصدك من الموضوع في الاول ووضحته في تعليقك بالشرح
وانا اتاسف لك مره تانية لعلك تقبل اسفي واهلا بك بين اخواتك بس بذمتك ايه رايك في اخر حته في التعليق بتاعي بتاع ( كيف تهبط الطائره )
:lov::lov::lov::lov::lov::lov:

وليد سالم 14-08-25 10:02 AM

رد: بخصوص الرمايه و ترخيص سلاح
 
اقتباس:

المشاركة الأصلية كتبت بواسطة el7awi (المشاركة 566358)
ممكن حضرتك تسأل استاذ سليمان بخصوص المسدس و اسمة علي المنتدي (سليمان بك ) الراجل دة كان كاتب موضوع جامد جدا بس غريبة اوي اوي انة معملش ضجة و تحس ان اتكتم علية هو كان كاتب انة بيعرف يستورد مسدسات من برة و كان كاتب اسماء بعض انواعع المسدسات الشهيرة و بنادق الخرطوش واسعار وهم الهكلر يو اس لي مثﻻ كان ب20500 خالص كل المصاريف متهيألي دة احسن لك من الحلوان بكتير و فرق سعر بسيط


الموضوع متعتمش علية ولا حاجة الموضوع موجود في مكانه علي القسم زي ماهو للي يحب يتابع وادي الرابط يا استاذ الحاوي


http://www.egyhunt.net/showthread.php?t=46862

peterpeter 14-08-25 11:11 AM

رد: بخصوص الرمايه و ترخيص سلاح
 
طب تمام كده عرفت تكلفه استيراد سلاح بالجمارك بس انا قبل ما ابديء في اي اجراء

محتاج مكان معتمد أتدرب فيه علي استخدام السلاح و التصويب و يكون يديني شهاده بده او اعتراف من اني علي درايه باستخدام السلاح و مؤهل لحمل و استخدام سلاح
فين المكان و تكون تكلفته حوالي قد ايه

وليد سالم 14-08-25 12:06 PM

رد: بخصوص الرمايه و ترخيص سلاح
 
اقتباس:

المشاركة الأصلية كتبت بواسطة peterpeter (المشاركة 566363)
طب تمام كده عرفت تكلفه استيراد سلاح بالجمارك بس انا قبل ما ابديء في اي اجراء

محتاج مكان معتمد أتدرب فيه علي استخدام السلاح و التصويب و يكون يديني شهاده بده او اعتراف من اني علي درايه باستخدام السلاح و مؤهل لحمل و استخدام سلاح
فين المكان و تكون تكلفته حوالي قد ايه

بص يا عم انت الاول هتخلي الراجل اللي انت شغال معاه يستصدرلك موافقة باستخراج ترخيص لحمل سلاح بغرض الحراسة الشخصية وبعد كده هيقوم هو بالاتصال بحد من الداخلية بمعارفة عشان يسمحلك فالتدريب علي الرماية واستخدام السلاح الناري وده هيكون في مركز تدريب الحراسات الخاصة في طريق الاسماعيلية بعد موقف العاشر مباشرة وده المركز المتخصص في تدريب افراد الحراسات الخاصة

وتدريبك هيبتدي الاول بانك تعرف ازاي مسكة السلاح وشد الاجزاء وردها وطريقة تلقيم الخزنه وفك السلاح وتجميعه مره اخري وده يعتبر من التدريب المبدئي وهو ملزم
وتاني خطوه انت هتدرب علي اطلاق زخيره فشنك الاول قبل استخدام الطلقات الحية لتعود سماعك لصوت الطلقات الحية وردة الاجزاء

وبعد كده تنتهي بالخطوه الاخيره بالتدريب علي الضرب بالرصاص الحي داخل تبة بنفس مركز التدريب
بس المركز مش هيوفرلك لا السلاح ولا الزخيره اللي هتدرب بيها انت هتتدرب علي حاجتك نفسها عشان كده لازم يكون معاك الترخيص والسلاح تكون فعلا مشترية

وبعد كده في انتهاء فترة التدريب بتستخرج لك شهادة معتمده من المركز بختم شعار الجمهورية معتمد من الداخلية من انتهاء فترة تدريبك علي حمل واستخدام سلاح ناري

بس الرسوم انا بصراحة مش عارف كام بس مظنش هتكون كتير لان طول الفتره مش كبيره

_SAIKO_ 14-08-25 09:34 PM

رد: بخصوص الرمايه و ترخيص سلاح
 
مركز التدريب علي السلاح ده ممكن المدنيين يروحوا ولا هيكون في قيود يا وليد باشا ؟

LEGION 14-08-25 11:41 PM

رد: بخصوص الرمايه و ترخيص سلاح
 
اقتباس:

المشاركة الأصلية كتبت بواسطة peterpeter (المشاركة 566356)
يا استاذ وليد شكرًا علي استهزاءك بكلامي و عدم إفادتي باي معلومة
بس للتوضيح فقط
انا حارس خاص مع هذه الشخصيه ( جارد ) و هذه الشخصيه معاه حاليا حراسه تانيه من الداخلية
معاه ظابط و 3 أمناء شرطه
بس دول حضرتك مش دايمين دول بيبقوا فتره بس و الوزاره بتسحبهم تاني و بترفع عنو الحراسه
فهو طلب مني اني اتدرب علي إطلاق النار و اشتري سلاح و هو ها يرخصهولي بتليفون و ده شيء سهل جدا بالنسباله
لان تعامله مع وزير الداخليه و رئيس الوزراء مباشره

انا بس دخلت أسئل الأعضاء المحترمين هنا علشان افهم لاني مليش قوي في موضوع السلاح ده و قدامي وقت قليل
قبل ما حراسه الداخليه تترفع عنو و انا الي أكون بدالها ساعتها فلازم أكون مسلح

اتمني حضرتك تكون فهمت و اتمني اكتر اني ألاقي حد يساعدني . شكرآ

هو أولا أنا رديت علي حضرتك فوق
و إنت مأخدتش بالك
بالنسبة لكلام حضرتك
ده كان زمان أيام السويقة
دلوقتي مفيش حاجة إسمها بتليفون تطلع رخصة
حتي لو إللي إنت بتحرسه ده وزير الخارجية
ده أولاً

ثانيا و بفرض إن الحراسة هتترفع عنه في وقت ما
في كتير أوي أوي معاهم سلاح مرخص و بيعملوا في الحراسات الخاصة
فري لانسر.... يعني بيتعاقدوا مع العميل مباشرة
و أغلبهم خدموا فيالداخلية و القوات المسلحة
و ليهم خلفية عسكرية
و منهم عدد غير قليل خدم في وحدات خاصة
أنا كل إللي عايز أعرفه فقط من باب حب المعرفة
إزاي هو هيبدأ مع حضرتك رحلة تعليم إطلاق نار ثم ترخيص و هو ممكن يجيب حارس محترفد
يحمي بلد بإللي فيها مش مجرد شخصية سياسية
تقبل إحترامي و تأكد إني أناقشك و لا أستهزأ بك

LEGION 14-08-25 11:43 PM

رد: بخصوص الرمايه و ترخيص سلاح
 
اقتباس:

المشاركة الأصلية كتبت بواسطة _saiko_ (المشاركة 566389)
مركز التدريب علي السلاح ده ممكن المدنيين يروحوا ولا هيكون في قيود يا وليد باشا ؟

مفيش حاجة إسمها كده أساسا
المركز ده لضباط الشرطة فقط
حتي لو الضابط خرج من الخدمة ممنوع يتدرب فيه

LEGION 14-08-25 11:45 PM

رد: بخصوص الرمايه و ترخيص سلاح
 
اقتباس:

المشاركة الأصلية كتبت بواسطة وليد سالم (المشاركة 566364)
بص يا عم انت الاول هتخلي الراجل اللي انت شغال معاه يستصدرلك موافقة باستخراج ترخيص لحمل سلاح بغرض الحراسة الشخصية وبعد كده هيقوم هو بالاتصال بحد من الداخلية بمعارفة عشان يسمحلك فالتدريب علي الرماية واستخدام السلاح الناري وده هيكون في مركز تدريب الحراسات الخاصة في طريق الاسماعيلية بعد موقف العاشر مباشرة وده المركز المتخصص في تدريب افراد الحراسات الخاصة

وتدريبك هيبتدي الاول بانك تعرف ازاي مسكة السلاح وشد الاجزاء وردها وطريقة تلقيم الخزنه وفك السلاح وتجميعه مره اخري وده يعتبر من التدريب المبدئي وهو ملزم
وتاني خطوه انت هتدرب علي اطلاق زخيره فشنك الاول قبل استخدام الطلقات الحية لتعود سماعك لصوت الطلقات الحية وردة الاجزاء

وبعد كده تنتهي بالخطوه الاخيره بالتدريب علي الضرب بالرصاص الحي داخل تبة بنفس مركز التدريب
بس المركز مش هيوفرلك لا السلاح ولا الزخيره اللي هتدرب بيها انت هتتدرب علي حاجتك نفسها عشان كده لازم يكون معاك الترخيص والسلاح تكون فعلا مشترية

وبعد كده في انتهاء فترة التدريب بتستخرج لك شهادة معتمده من المركز بختم شعار الجمهورية معتمد من الداخلية من انتهاء فترة تدريبك علي حمل واستخدام سلاح ناري

بس الرسوم انا بصراحة مش عارف كام بس مظنش هتكون كتير لان طول الفتره مش كبيره

مع كامل إحترامي و تقديري لحضرتك
إللي مش محتاج طبعا توضيح

مفيش حاجة إسمها كده أصلا
المركز ده لتدريب و تأهيل ضباط الشرطة علي أعمال الحراسات
و مينفعش مدني يتدرب فيه من أساسه
لا عمره حصل و لا عمره هيحصل و لو بعد مليون سنة

المتاح الوحيد لو الكلام ده أصلا من أرض الواقع
إنه هيتدبر في مركز تدريب بالأجر تابع لمصلحة الأمن العام
و تكالفيه مش قليلة خالص
و ده بعد إستخراج تصريح حمل سلاح
و حيازة سلاح بالفعل و إثباته علي الرخصة

تقبل تحياتي وليد بك

Target Store 14-08-26 01:57 AM

رد: بخصوص الرمايه و ترخيص سلاح
 
يجب ان تبدأ تعليم اساسيات الرماية بمسدس ضغط هواء (رش) خصوصا اذا لم تمارسها من قبل
و ذلك اثناء اجراءات صدور ترخيص السلاح

ثم تبدأ بالتعلم و التدريب على سلاحك و الاهتمام بالاوضاع التكتيكية بسبب ظروف عملك ( وضع استعداد - تدريب جاف )

و بعد ما تستلم سلاحك اسأل عن دورات تدريب المدنيين بنادى الرماية بالقوات المسلحة ( لذوى الاسلحة المرخصة فقط )
و خلى بالك ان نادى الرمايو مفهوش تدريب تكتيكى للمدنيين حاليا .. التدريب الحالى مجرد رماية و نشان فقط لذوى الاسلحة المرخصة و يوجد مدرسة تعليم رماية ضغط هواء بالنادى


هناك حل آخر
عضوية شرفية من خلال عضوية عاملة باحدى نوادى الصيد .. حتدفع اشتراك ل 3 شهور و تمارس الرماية بالنادى فقط ( خرطوش - رصاص) و هذا مفيد للممارسة و المحافظة على المستوى العام للرماية فقط

و الصح تبتدى بمسدس ضغط هواء مؤقتا و لو لمدة اسبوعين (*افضل نتيجة بأقل تكلفة)

hogan 14-08-29 02:31 AM

رد: بخصوص الرمايه و ترخيص سلاح
 
بص ياباشا موضوعك اسهل من السهوله
اولا انت لا تحمل سلاح ولكم الشركه التى تعمل بها هى التى تقوم بالترخيص وتعمل لك رخص حمل سلاح بغرض حمايه شخصيات مهمه وخلى باك الموضوع ده سهل فى حاله تواجد شركه حراسات وانا عملت الموضوع ده قبل سابق
بالنسبه للتدريب عند عمل الرخصه للسلاح من قبل الشركه بتقوم بعمل طلب وزاره الداخليه لتعلم حمايه الشخصيات والموضوع ده بيكون فيه ظابط من الحراسات الخاصه
وموضع اشركات الخاصه موقوف موقتا
واى استفسار انا فى الخدمه

LEGION 14-08-29 10:03 PM

رد: بخصوص الرمايه و ترخيص سلاح
 
اقتباس:

المشاركة الأصلية كتبت بواسطة hogan (المشاركة 566587)
بص ياباشا موضوعك اسهل من السهوله
اولا انت لا تحمل سلاح ولكم الشركه التى تعمل بها هى التى تقوم بالترخيص وتعمل لك رخص حمل سلاح بغرض حمايه شخصيات مهمه وخلى باك الموضوع ده سهل فى حاله تواجد شركه حراسات وانا عملت الموضوع ده قبل سابق
بالنسبه للتدريب عند عمل الرخصه للسلاح من قبل الشركه بتقوم بعمل طلب وزاره الداخليه لتعلم حمايه الشخصيات والموضوع ده بيكون فيه ظابط من الحراسات الخاصه
وموضع اشركات الخاصه موقوف موقتا
واى استفسار انا فى الخدمه

أقسم بالله الداخلية ما بتدرب حد
و لا حصل و لا هيحصل
يا جماعه إحنا مش في أمريكا للكلام إللي بتقولوه ده
و بعدين ريح دماغك هو الموضوع أصلا شكله أيس كريم

الأهم من كل ده حمد لله علي السلامة

BAHRAWY 14-09-08 12:28 AM

رد: بخصوص الرمايه و ترخيص سلاح
 
اقتباس:

المشاركة الأصلية كتبت بواسطة وليد سالم (المشاركة 566349)
طب ممكن نعرف ازاي حضرتك تعمل في مجال الحراسات الخاصة لاحد الشخصيات السياسية بدون ما تعرف ازاي تستخدم سلاح وتعرف مباديئ التصويب وضرب النار
مع ان اللي نعرفة ان الحراسات الخاصة لرجال السياسة يتم اختيارها من رجال الامن من جهاز الداخلية والامن الوطني لاصحاب الاماكن الاكثر حساسية في الدولة اما رجال السياسة العاديين يتم تخصيص الحراسة لهم بواسطة الامن العام

طب وحضرتك بتسال عن طريقة ومصاريف استخراج الترخيص مع انك بتقول ان عندك اللي هيخلصلك موضوع الترخيص طب وهو في حارس خاص لاحدي الشخصيات العامة من رجال السياسة لا يحمل ترخيص سلاح او حتي السلاح نفسة

وحضرتك بتسال في المنتدي عن اماكن تعلم الرماية بسلاح طبعا هيكون ناري مش بنادق رش و pcp لصيد الطيور زي بتاعتنا واكيد طبعا مش هتتعلم الرماية بمسدسات صوت زي المعروضة عندنا لدي تجار المنتدي

واكيد حضرتك تعرف ان الشخصية السياسية اللي حضرتك بتقوم بحراستها تعلم جيدا انك لا تملك سلاح لحراستها ولا تعلم كيفية التصويب واستخدامه ومع ذلك محتفظة بخدماتك حتي الان للحراسة والحماية بيد حارس اعزل

وبردو اكيد حضرتك لو سالت اللي تبعك اللي هيخلصلك الرخصة بمعرفته واكيد هو يعمل بجهه امنية عن اماكن تعلم الرماية هيفيدك اكتر مننا

بصراحة اكيد حضرتك بتهرج وحبيت تعمل موضوع جديد من نوعه هههههههههههههههههه

والله يا عم انت فكرتني بفيلم اسماعيل يس في الطيران لما ركب الطياره وطار بيها وبعدين اعد يدور في صفحات كتاب تعلم الطيران عن موضوع ( كيف تهبط الطائره ) بالذمه ده اسمه كلام يا باشا
:no::no::sante::sante:

انا كنت هكتب كلامك بس انت سبقتني
سيدي الفاضل من اهم صفات الحارس الشخص لاي شخص كان اولا المهارات القتالية واستخدام السلاح الصامت او الابيض ةن تسليح الفرد للحراسات بيبقي بكذا وسيله مش طبنجة بس ثانيا لو كنت معين من قبل شركة او تعاقد شخصي لازم تحصل علي رخصة حارس خاص من الداخلية الي طبعا بتتاكد انك تصلح حارس خاص من عدمه ودي بيصرح بيها للمدنين و بعد كدا بتطلع ليك ازن تدريب رماية في احد اماكن التدريب التابع للشرطة تدريب رماية متقن بتبقي فرقة 15 يوم و 5 ايام صيانة السلاح و بعد كدا بتاخد شهادة تقدر ترخ السلاح بمهنتك طبعا بعد تعديل البطاقة و يفضل لمن يحصل علي رخصة حارس خاص الظباط الاحتياط و المجندين بالصاعقة و المظلات و الحرس الجمهوري و ظباط الشرطة و الامناء و المجندين وخاصة الذين عاملو في ادارة الحراسات الخاصة بالداخلية الذي تمت استقالتهم او انهاء خدماتهم لاي سبب
لانهم موهلين بدنيا و زهنيا لذلك
وطبعا في اكثر من مدرسه علميه في مهارات الحارس الخاص ولازم علي الاقل تبقي عندك معلومات عن هذه المدارس لان بيبقي في اكتر من روح تذهق لو سيادتك اتصرفت تصرف بدون حكمه وكمان بيختبرو برعتك في السرعة و حسن التصرف في الاعتاداءت بكذا موقف وطريقه تفاعل سيادتك مع المواقف الطارئه يعني الموضوع مش سهل ولو حتي طلعت رخصة السلاح مش هتقدر تمارس المهنه لانها لها قوانين و ضوابط ولازم اسم سيادتك يسجل في اكتر من جهه امنية للاستعلام عنك لانه لو شخصيه سياسيه بتاخد رخصة حارس خاص مفعله لاتفاقيات و رخصه سلاح من نوع خاص وشكرا ارجو ان تكون استفدت
فارجو دراسة اي موضوع قبل التحدث فية

LEGION 14-09-10 09:25 AM

رد: بخصوص الرمايه و ترخيص سلاح
 
اقتباس:

المشاركة الأصلية كتبت بواسطة bahrawy (المشاركة 567192)
انا كنت هكتب كلامك بس انت سبقتني
سيدي الفاضل من اهم صفات الحارس الشخص لاي شخص كان اولا المهارات القتالية واستخدام السلاح الصامت او الابيض ةن تسليح الفرد للحراسات بيبقي بكذا وسيله مش طبنجة بس ثانيا لو كنت معين من قبل شركة او تعاقد شخصي لازم تحصل علي رخصة حارس خاص من الداخلية الي طبعا بتتاكد انك تصلح حارس خاص من عدمه ودي بيصرح بيها للمدنين و بعد كدا بتطلع ليك ازن تدريب رماية في احد اماكن التدريب التابع للشرطة تدريب رماية متقن بتبقي فرقة 15 يوم و 5 ايام صيانة السلاح و بعد كدا بتاخد شهادة تقدر ترخ السلاح بمهنتك طبعا بعد تعديل البطاقة و يفضل لمن يحصل علي رخصة حارس خاص الظباط الاحتياط و المجندين بالصاعقة و المظلات و الحرس الجمهوري و ظباط الشرطة و الامناء و المجندين وخاصة الذين عاملو في ادارة الحراسات الخاصة بالداخلية الذي تمت استقالتهم او انهاء خدماتهم لاي سبب
لانهم موهلين بدنيا و زهنيا لذلك
وطبعا في اكثر من مدرسه علميه في مهارات الحارس الخاص ولازم علي الاقل تبقي عندك معلومات عن هذه المدارس لان بيبقي في اكتر من روح تذهق لو سيادتك اتصرفت تصرف بدون حكمه وكمان بيختبرو برعتك في السرعة و حسن التصرف في الاعتاداءت بكذا موقف وطريقه تفاعل سيادتك مع المواقف الطارئه يعني الموضوع مش سهل ولو حتي طلعت رخصة السلاح مش هتقدر تمارس المهنه لانها لها قوانين و ضوابط ولازم اسم سيادتك يسجل في اكتر من جهه امنية للاستعلام عنك لانه لو شخصيه سياسيه بتاخد رخصة حارس خاص مفعله لاتفاقيات و رخصه سلاح من نوع خاص وشكرا ارجو ان تكون استفدت
فارجو دراسة اي موضوع قبل التحدث فية

و أخيرا أتي صوت العقل
بقالي 3 أسابيع بلالي في الكلام ده
و محدش مصدقني
:)

gamalmg 14-09-28 02:53 PM

رد: بخصوص الرمايه و ترخيص سلاح
 
افراد الامن لا يرخص لهم الا في حاله الحراسات الدبلوماسيه الخاصة و داه بيطلع من الامن الوطني اما بالنسبة للرمايه فعندك نادي الرماية و مصلحة الامن العام .

تقبل تحياتي
النقيب / جمال الشاعر


الساعة الآن 03:57 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir