الصيد فى مصر - أولاد الشوارع و طلعة العندليب

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - أولاد الشوارع و طلعة العندليب (http://www.egyhunt.net/showthread.php?t=15342)

GEN- I A Z

11-09-10 01:56 AM

أولاد الشوارع و طلعة العندليب

السلام عليكم

النهارده كنت طالع أصطاد بعد الظهر كده فى طلعة خفيفة ورا بيتي

و انا واقف جه تكتك و نزل منه واحد ظريف و جالى و عاوز يمسك السلاح و يقولى وريهونى و انا معلق السلاح بالحزام فى رقبتي و معمره و الواد بيقولى ده بيعور قلته بيموت و رحت غزه فبطنه راح قالى خد بالك بقى و جرى يركب التكتك

و انا واقف تحت نخلة مستني الطرائد لاقيت عيل صغير شكله ابن شوارع جاى يجري عليه و يقولى انا عاوز تعويض انته ضربتني بالنار هات فلوس هات البندقية هات حمامه قلتله يابني انا مصطدتش حاجه أصلا

المهم سبت الجنينه و رحت جنينه تانيه و برده الواد ورايه ورايه حاجه غبيه اوى لما العيال تزفك وانته ماشى فى الشارع و الحلاوة انه بقى ماسك كل واحد معدي فى الشارع يقوله الحق ده بيصطاد ده بيضربني

و الواد فضل ورايه لحد ما طهقني و كل الى اصطدته 6 عندليب لول

mohd_wafik

11-09-10 02:39 AM

رد: أولاد الشوارع و طلعة العندليب

اهو بقى تقريبا زي إلى حصلي انهرده بس نصيحتي ليك إلى اكتسبتها من اخوانا الاعضاء متصطادش في اماكن سكنيه و ياريت متصطدش لوحدك ...الحمد لله جت على كده .... تقبل تحياتي

hema777h

11-09-10 02:45 AM

رد: أولاد الشوارع و طلعة العندليب

الله يخرب بيتك يااااااااا مبارك

GEN- I A Z

11-09-10 03:08 AM

رد: أولاد الشوارع و طلعة العندليب

اقتباس:

المشاركة الأصلية كتبت بواسطة mohd_wafik (المشاركة 195257)

تقريبا حكاية المضايقات ده كترت الواحد لازم يجيب له سلاح بقى ولا ايه

mohd_wafik

11-09-10 03:10 AM

رد: أولاد الشوارع و طلعة العندليب

لا لا لا لا يا دكتور بالهداوه

samraghost

11-09-10 03:28 AM

رد: أولاد الشوارع و طلعة العندليب

ماعلش يا دوك بس اكيد كلنا مر بينا المواقف دى واحسن تصرف فى المواقف الى زى دى انك تاخد الواد بالحسنه وتكلمه بالراحه وتقوله عيب كده يا حبيبى وكده يعنى لانك لو شتمته او اتنرفزت عليه هايلم عليك كل العيال الى يعرفهم والى مايعرفهومش وبعدين يا جماعه بعد كل لاى بيحصل ده واحداث وزاره الداخليه والسفاره الاسرائليه الاوضاع مابقتش تطمن خالص والفوضى عمت فى كل مكان ونصيحه ماحدش يبقى يطلع لوحده خاصتا لو مش معاه عربيه او ماحدش يصتاد فى مناطق سكنيه والله الحافظ (المهم قولى ايه العندليب ده)

GEN- I A Z

11-09-10 03:30 AM

رد: أولاد الشوارع و طلعة العندليب

و انا واقف جه تكتك و نزل منه واحد ظريف و جالى و عاوز يمسك السلاح و يقولى وريهونى و انا معلق السلاح بالحزام فى رقبتي و معمره و الواد بيقولى ده بيعور قلته بيموت و رحت غزه فبطنه راح قالى خد بالك بقى و جرى يركب التكتك

samraghost

11-09-10 03:37 AM

رد: أولاد الشوارع و طلعة العندليب

انا لو حكيت على البلاوى الى بتحصل اليومين دول خاصتا ان انا من السنبلاوين والتوكتوك منتشر عندنا جدا وكل البلاد الى حوالينا ارياف لو قلت لك ان كل كام يوم واحد صاحب توكتوك يلاقوه مقتول ومرمى فى الميه او الناس سايبينه وسارقين التوكتوك

اخر حادثه ودى من الغرائب ولازم تقول سبحان الله وان كل واحد له عمر ناس خدو واحد بتوكتوك يوصلهم بلد جنبا وفى الطريق زى ماقلت قالوله سيب التوكتوك وانزل لاما هانموتك ولان التوكتوك هو كل حاجه بالنسبه له ومصدر رزقه شبك معاهم قاموا دبحينه ورموه فى الميه وميه غويطه ولان له عمر طلع من الميه وراح المستشفى وخيط رقبته ولسه ايش ومسكوا الناس سبحان الله بجد له عمر

GEN- I A Z

11-09-10 03:50 AM

رد: أولاد الشوارع و طلعة العندليب

سبحان الله سوبر سواق تكتك افندى

mohamed fareg

11-09-10 05:02 AM

رد: أولاد الشوارع و طلعة العندليب

ربنا كتبلة عمر جديد ربنا يحفظ الكل من كل شر

khaledshareef

11-09-10 06:36 AM

رد: أولاد الشوارع و طلعة العندليب

في مناطق سكنية يبقى من داخل العربية - و ماتنزلش الا لجمع الصيد سريعا
ولا تمض في مكان واحد اكثر من ثلاث دقائق
هذا من خبرتي في مدينة نصر
وقبل توجيه السلاح للصيد انظر الى من يراقبك و ملامحهم و شعورهم

hema777h

11-09-10 06:42 AM

رد: أولاد الشوارع و طلعة العندليب

اقتباس:

المشاركة الأصلية كتبت بواسطة khaledshareef (المشاركة 195351)

كلامك صحيح 100%

GEN- I A Z

11-09-10 06:52 AM

رد: أولاد الشوارع و طلعة العندليب

انا اعمل ايه طيب انا لسه فى بداية حياتى العملية و لسه مجبتش عربية ولا عيادة و حياتك اعمل ايه بقي اصطاد من جوة البيت

Masterssss

11-09-10 07:40 AM

رد: أولاد الشوارع و طلعة العندليب

مشاء الله يا ابراهيم بك انت تخصص العندليب في المنتدي هههههه حاجه جميله

sameer

11-09-10 07:41 AM

رد: أولاد الشوارع و طلعة العندليب

انتا عارف يا باشا كنت تشله شوية هو واقف جمبك عشان يا اما يتفرج عليك يا اما يستناك تضرب الرشاية ويهجم عليك ياخد منك البندقية فا انتا يا اما تروح 5 دقايق يكون طفش و انتا بتقول بتصطاد ورا البيت يا اما تقعد في حتة وما تصطادش لغاية ما يمشي ويزهق و الاحسن لو تشيل كمان البندقية في جرابها

sameer

11-09-10 07:41 AM

رد: أولاد الشوارع و طلعة العندليب

و اه صح بالحق فين الصور يا عمنا

GEN- I A Z

11-09-10 07:55 AM

رد: أولاد الشوارع و طلعة العندليب

اقتباس:

المشاركة الأصلية كتبت بواسطة masterssss (المشاركة 195390)

مشاء الله يا ابراهيم بك انت تخصص العندليب في المنتدي هههههه حاجه جميله

عيب عليك يا باشا احنا تخصص عندليب تقريبا انا هيتعملى محضر بأنى هتسبب فى اختلال التوازن البيئي و القضاء على العندليب فى مصر

GEN- I A Z

11-09-10 07:56 AM

رد: أولاد الشوارع و طلعة العندليب

معلش بقى كانوا خشبوا و منظرهم مش حلو لانى قطعت روسهم كلهم و الموبايل مكانش مشحون متخافش انا ناوى اصطاد منه صاحي الايام الى جايه بحيث اجيب اسري من العندليب ده للمنتدي

ahmedalim

11-09-10 09:05 AM

رد: أولاد الشوارع و طلعة العندليب

سبحان الله لسه ليه عمر

dr_mohasan

11-09-10 09:50 AM

رد: أولاد الشوارع و طلعة العندليب

اقتباس:

المشاركة الأصلية كتبت بواسطة gen- i a z (المشاركة 195359)

اقتباس:

المشاركة الأصلية كتبت بواسطة mohd_wafik (المشاركة 195257)

السلام عليكم ورحمة الله

الحل الوحيد للإستمتاع بالصيد بدون الدخول فى هذه المواقف البايخة اللى بتضيع متعة الصيد هو الاتفاق مع بعض كمجموعة ويكون أحدهم يمتلك سيارة , والخروج للصيد فى المناطق البعيدة عن السكان , منها تستمتع من غير مضايقات , وتلاقى طرائد كتير , وتتعلم خبرات جديدة ومهمة للصيد , لأن الصيد فعلا مش بندقية وضرب وبس , الأهم هو البحث عن الطرائد وكيفية الاقتراب منها وحاجات كتير ممكن تتعلمها بالخروج مع مجموع تكون مختلفة الخبرات علشان تتعلم منهم.

الخلاصة , لازم تخرج مع صيادين أقدم علشان تتقدم بشكل أسرع فى الهواية وعلشان تبتدى تستمتع بيها , وتبتعد عن المشاكل

خالص تحياتى وبالتوفيق فى الطلعات القادمة

mero1x

11-09-10 12:54 PM

رد: أولاد الشوارع و طلعة العندليب

انا ملاحظ انت الوحيد اللى كل طلعة الناس بتطلب منك تشوف بندقيتك :)
الحل
كشر وانت بتصطاد ولو حد قالك صباح الخير تخن صوتك وقولة اهو صباح وخلاص
اى خدمة

mohd_wafik

11-09-10 01:16 PM

رد: أولاد الشوارع و طلعة العندليب

اقتباس:

المشاركة الأصلية كتبت بواسطة mero1x (المشاركة 195557)

هوه في رد تاني لموضوع صباح الخيييييييييييير بس انا مش عاوز باااااان من موقعي المفضل هههههههههه

mero1x

11-09-10 04:53 PM

رد: أولاد الشوارع و طلعة العندليب

اقتباس:

المشاركة الأصلية كتبت بواسطة mohd_wafik (المشاركة 195573)

هوه في رد تاني لموضوع صباح الخيييييييييييير بس انا مش عاوز باااااان من موقعي المفضل هههههههههه

ههههههههههههة
انك تضربو بالقلم على وشة :)

gamopt80

11-09-10 05:08 PM

رد: أولاد الشوارع و طلعة العندليب

هو يمكن علشان شكله ابن ناس ومحترم فا اطفال الشوارع بترخم عليه ,حقد طبقي ههههههههههه

كان نفسي انصحك بحاجه بس الناس هنا استاذه ومفيش كلام بعديهم

GEN- I A Z

11-09-10 08:20 PM

رد: أولاد الشوارع و طلعة العندليب

اقتباس:

المشاركة الأصلية كتبت بواسطة mero1x (المشاركة 195557)

تقريبا انا شخصيتي بتجذب قطاع الطرق و المجرمين او انا بروح اماكن منيلة نيهههههههههههههههه

معرفش والله انا بدات اتخنق من حوار الشباب الى هنا الى كل واحد عامل فيهم أمين شرطه

الساعة الآن 01:32 AM