السلام عليكم
 

إخواني الأعزاء في معلومة انا أعرفها من زمان إن الطلقة اللي بتخرج من أي سلاح سواء حي أو رش مش بتخرج مستقيمة بل في بداية خروجها بتكون على شكل نص دائرة اللي إحنا بنقول عليها مبحرة فهل المعلومة دي صحيحة فعلا وهل يؤثر على قاعدة النشان أسفل منتصف الهدف يعني لو كان الهدف قريب متجيش الطلقة أعلى من النشان والعكس لو بعيدة والشكر مقدما لكل من سيشارك في الموضوع

رد: السلام عليكم
 

انا سمعت كده برده بس هو حضرتك النشان بيختلف لو الهدف قريب عن اللى بعيد بس اختلاف مش كبير وده بيتوقف على المسافه اللى انت ظابط منها النشان يعنى كل مكانت مسافة الظبط ابعد كل مكان النشان دقيق فى المسافات البعيده

رد: السلام عليكم
 

الكلام ده صحيح 100% و لو دورت عليه فى النت هتلاقيه و طبعا القوس الى الرشه او الطلقه بتطلع فيه بيختلف من سلاح لسلاح فلازم تكون حافظ السلاح بتاعك و تحاول تظبط النيشان على مسافه بعيده و تضرب بيه على لوحة نيشان على مسافات مختلفه عشان تعرف المنحنى بتاع سلاحك ايه و تقدر المسافه و انت بتضرب

رد: السلام عليكم
 

معلومه مغلوطه من وجهة نظرى الشخصيه ليه بقا
لان الرشايه بتخرج بتدور حول محورها وبتخترق الهواء بشكل مستقيم
وكمان قلم الليزر اللى بيتظبط بيه البندقيه الشعاع اللى بيخرج منه بيوضح مسار الرشايه ومكان سقوطها يعن كأنه تصوير بطىء للرشايه وبيكون فى خط مستقيم
وبعدين نظرياً مش مقبول نظريه علو الطلقه

رد: السلام عليكم
 

معلومه مغلوطه من وجهة نظرى الشخصيه ليه بقا
لان الرشايه بتخرج بتدور حول محورها وبتخترق الهواء بشكل مستقيم
وكمان قلم الليزر اللى بيتظبط بيه البندقيه الشعاع اللى بيخرج منه بيوضح مسار الرشايه ومكان سقوطها يعن كأنه تصوير بطىء للرشايه وبيكون فى خط مستقيم
وبعدين نظرياً مش مقبول نظريه علو الطلقه

رد: السلام عليكم
 

http://www.arld1.com/trajectory.html
اظن واضحه اوى و ياريت نراجع معلوماتنا عشان دى نظريه علميه
عشان كده بنقول نشن على اسفل منتصف الهدف و طبعا ده فى مسافه معينه و بعد كده لازم نشوف المسافه فين من مسار الطلقه

رد: السلام عليكم
 

http://stforum.spacetoon.com/showthr...%D8%B1-%D8%A7%
D9%84%D8%B7%D9%84%D9%82%D9%87-%D8%A7%D9%84%D8%B1%D8%B5%D8%A7%D8%B5

رد: السلام عليكم
 

شكرا المهندس بلو سي على المعلومات القيمة وشكرا أ/هشام سمير بس كده اللي أنا فهمته من الرسمة إن الطلقة ممكن متجبش المدى اللي محدده السكوب ولا انا فاهم غلط

رد: السلام عليكم
 

السكوب بيمشى فى خط مستقيم زى الليزر و زى اى جهاز بيظبط الرؤيه او يقربها... الطلقه بتطلع و تنزل عن الخط ده ولازم تعرف مسار الطلقه بتاعة المسدس او البندقيه بتاعتك و تعرف على اى مسافه تنشن فوق الهدف بسنه او تحت الهدف بسنه و تقدر السنه دى اد ايه و هى دى حرفية التنشين

رد: السلام عليكم
 

طب ممكن أعرف إيه السبب العلمي لهذه الظاهرة

رد: السلام عليكم
 

والله ياباشا علم المقذوفات ده علم رياضيات و ميكانيكا و احنا درسناه فى كلية الهندسه بس الموضوع كبير و لو عايز تعرفه يبقى لازم تتعب و تدور فى النت و هتقرا كتير لو عايز تجيب معادلات و تطبقها صح لان فى مواضيع كتير فيه و حالات خاصه و معادلات كتير بس هو الرسم الى بعته لحضرتك يغنى عن الكلام ده و على فكره انا اعتقد انه فى الرش مش باين اوى الموضوع ده لان الرش ضعيف انما بيبان اوى فى الطلق النارى الى مسافته بتوصل ل 400 و 500 متر والله اعلم

رد: السلام عليكم
 

جزاك الله خيرا يابشمهندس على المساعدة وألف شكر

رد: السلام عليكم
 

من معلوماتى المتوضعه والعمليه الطلقه بتخرج من الماسوره هى نفسها بتلف فى الهواء بشكل دائرى كامل لازم وده لوجود الشخشان داخل الماسوره ولذلك عند شراء مسدس او بندقيه لازم من التاكد من ماسوره السرح ممكن تكون لاحسه من الداخل وده عيب قاتل اما عن حكايه النشان انت بتكون محكوم بالجاذبيه الارضيه يعنى لو عاوز تضرب فى البطن يبا تخلى النشان على الصدر علشان الجاذبيه الارضيه وكل اللى راج الجيش اكيد يعرف الكلام ده من خلال شرح السلاح والله اعلى واعلم

رد: السلام عليكم
 

لو كلام حضرتك صحيح صقر يبقى قاعدة أسفل منتصف الهدف مش صح لأن الواحد كده المفروض ينشن اعلى الهدف مش أسفله

رد: السلام عليكم
 

تمام كده ياباشا... اول قاعده اتعلمناها فى الجيش انك تنشن اسفل منتصف الهدف... ليه؟؟ لانه بيفترض انك بتضرب فى مدى السلاح المؤثر الى هو بيكون قبل مالطلقه تبتدى تنزل لتحت لانها لما بتنزل لتحت يعنى قوتها ابتدت تقل و لما تنزل عن الخط المستقيم بتبقى ضعيفه و مش مؤثره اوى و طبعا مسار الطلقه بيترسم لكل طلقه و سلاح و مش زى بعض و البندقيه مش زى المسدس طبعا برده حتى لو نفس الطلقه

رد: السلام عليكم
 

لا طبعا انت فهمت غلط الطلقه بتلف حول نفسها كانك ماسك قلم وبتبريه فى البرايه(القلم الرصاص) وبعدين الجاذبيه بتاخد المقذوف لاسفل وليس لاعلى والله المستعان انت ممكن تنورنى فى الصعيد اوريك العملى هههههههههههههه

رد: السلام عليكم
 

ياباشا الطلقه بتلف حول نفسها ده امر صح و مفروغ منه و هو ده الى بيعمل دقة النيشان... ثانيا حضرتك اضرب بالى و ثبت البندقيه كويس و خلى الهدف على بعد 10 متر و 20 متر و 30 متر و زود عشره متر لحد 200 متر... او خليهم كل عشرين عشان متاخدش وقت كتير و ارسم منحنى الطلقه بنفسك و شوف... هتلاقى الطلقه فى الاول بتطلع فوق الهدف و بعد مسافه معينه حسب السلاح و حسب وزن الطلقه و البارود الى فيها هتكون فى النص بالظبط و بعد مسافه اكبر هتلاقيها تحت الهدف... جرب و اعملها طالما فى الصعيد هتبقى العمليه سهله و قولى.. الروسومات الى انا حاططها هنا دى من النت و شركات السلاح بتعمل رسومات زيها بالظبط... ده مش تاليف والله... و بعدين احنا فيها .. اجيلك الصعيد و نضرب سوا اهو اتعرف على حضرتك و تعزمنا على اكلتين حلويين و نضرب نار و نرجع... هههههههه

رد: السلام عليكم
 

ياباشا احنا مش ادك دا احنا غلابة ههههههههههههههههههه.أهلا وسهلا بأهل الصعيد الجدعان وشكرا على المعلومات حضرتك والبشمهندس وانا كده فعلا فهمت الموضوع كويس.بس أكيد طالما هنجرب في الصعيد يبقى اكيد هنجرب على هدف حي لأن عندكو مفيش بقى التهريج بتاع أشكال النشان والكلام الفاضي ده هههههههههههههههههههههههههههه

رد: السلام عليكم
 

أعتقد حضرتك أن قاعدة التنشين أسفل منصف الهدف لأنك تضبط نيشانك على الناشينكاه و الذى يرتفع عن فوهة البندقيه أو المسدس بمسافة مليمترات و الهدف هو تعويض هذه المسافه أما موضوع هبوط مستوى المقذوف فأن أى مقذوف من بندقيه أو مسدس يحتفظ بنفس مستوى الأطلاق لمسافه معينه تنتج عن طول الماسوره و الخشخنه و سرعة خروج المقذوف من الفوهه و وزنه و شكله الذى يؤثر على مقاومته للهواء ثم بعد ذلك يفقد سرعته و طاقته تدريجيا و بالتالى يبدأفى الأنخفاض و فى بعض أنواع الأسلحه المتطوره يذكر ما هو المدى الذى يحافظ فيه المقذوف على مستواه قبل أن يبدأ فى الفقد.. و الله أعلم

رد: السلام عليكم
 

السلام عليكم الاختلاف فى الرائى جميل ويولد صداقه اما من ناحيت الطلق النارى فكما ذكر الاصدقاء فلكل سلاح مدا ماسر يتحدد بناء على 1طول الماسوره 2 عدد الشخشانات 3سمك الشخشانات 4نوع الطلق النارى وشكله اما الارتفاع و الانخفاض بنسبه للسلاح فيعتبر لا يذكر لان الطلق النارى يخرج من الفوهه يدور حول محوره بسرعه عاليه ولا يرتفع فى الهواء بعد ذالك ولاكن يشق الهواء ولاكن يبدا فى الانخفاض بعد المدى الماسر او كما يقال المدى القاتل اما موضوع اسفل منطصف الهدف فهذا الموضوع لرائيت الهدف رائيه واضحه لان دقت النشان بتكون بين الرماه فى حيذ لا يتعدى ال5ملى مربع وعندها نقول قسم الهدف الى اربعه واحمل النصف الاعلى على الناشينكان بحيث يكون الخط الفاصل الى الاعلاوهذا المقصود من اسفل منطصف الهدف لا ان اضرب على الصدر حتى تاتى فى البطن اما يا اخى العذيذ ما اتيت به من معلومات عن التسارع والكرف الذى تاخذه الطلقه فهذا يطبق فى المدفعيه و الهون و الصواريخ الغير موجهه اما الطلق النارى يسير فى خط مستقيم ويبدا فى فقدان الخط بعد المدا القاتل فقط مع الاخذ فى الاعتبار الرياح وقوتها ولهاذا جعل الناشينكان يتحرك فى الاربع اتجاهات بمعنا لو بتضرب على هدف على بعد 500متر وسرعة الرياح 200متر فى اتجاه اليمين بتضبط السلاح ليرمى يسار وهذا حسب تقدير المسافه وهذا ياتى بالخبره وتعودك على السلاح تقبل فائق الاحترام

رد: السلام عليكم
 

والله ياجماعه لما حصل خلاف انا طلبت من ا.احمد العوضى يدلنا على الصح لانه ظابط سابق بقوات الصاعقه و الحمد لله انه دلنا على الصح و كل واحد فينا كان قايل حته غلط و حته صح و المهم اننا وصلنا للصح و انا اثق فى كلامه و عشان كده طلبت منه يقرا الموضوع و يفيدنا و هو متاخرش الحقيقه و الف شكر على تعبك معانا بس برده انا عايز اجى الصعيد و نضرب نار ولا هتاكل علينا العشوه

رد: السلام عليكم
 

الله شكر للأستاذ احمد والمهندس بلو سي

رد: السلام عليكم
 

لا شكر على واجب بل الشكر كل الشكر لكم انتم لطرح موضوع شيق

رد: السلام عليكم
 

وهل لى فى العشوه ولا ضرب النار بس هههههههههههههههههههههههه اشكرك اخى الفاضل لمبادرتك وفتح المجال لى للكلام مشكووووووووووووووووووووووووووووووووووووووووووووووو ووور

رد: السلام عليكم
 

هههههههههههه طيب والله العظيم احنا فى خناقه جربنا 3 مرات على واحد من البلد التانيه وببندقيه الى روسى 56 والله العظيم الطلقه ما كانت بتيجى فيه هههههههههههههههههههه وفى الاخر جبنا بندقيه المانى وعورنا بيها على فكره دى خناقه بين بلدين على قطعه ارض صحراويه عندنا بس احنا بنصيب بس موش بنضرب موت لانه فى النهايه الصعيد كله قرايب بعض ههههههههههههههههههههههههه

رد: السلام عليكم
 

قرايب ازاى وفية مجازر بتحصل على الاراضى ودة عرض زائل هاتفيد باية حتة الارض لو كانت الف فدان لما يموت فيها ناس وولادهم يتيتموا ونسوانهم تترمل؟؟؟

رد: السلام عليكم
 

صدقت ولاكن ان كان النذاع على حق فالذى يموت على الحق شهيد لاننا لو خدنا بالمبدء ده مكنتش سينا رجعت بارواح ودماء اولادنا يا اخى المعتدى فى الداخل والخارج هوى معتدى ولاكن لا يفهم من كلامى ان كل من له حق يخده بالقوه الاول تكون المفاهمه ثم قوت القانون ثم ما اوتيتم من قوه والله اعلى واعلم

رد: السلام عليكم
 

المهم عندنا موش فى قطعه الارض المهم كلام الناس بعد كده لو واحد عمل معاك موقف موش ظريف حبيت تكلمه يقولك كنت اخدت ارضك روح شوف اللى اخده منك انت جى تتفلح فيا هههههههههههههههه كنا سمعنا صداء ودانا لمؤاخذه فى مواقف بتكون طلع فيها رجل فى الدنيا ورجل فى الاخره بس خلاص ده نصيب واحنا رضينا بيه والحمد لله

رد: السلام عليكم
 

هذا ما فعلهو المعتصم بالله عندما تعرضت امرائه للاهانه من جانب يهودى عندما قالت وا معتصماه فجهذ جيش واغار على البلده ونصر المرئه ومن قبلها نصر الاسلام ...........وعندما سألو الامام محمد عبده ما وجت فى بلاد الفرنجه قال مسلمين بدون اسلام ........لانهم فى الخارج يدافعون عن رعاياهم بجيوشهم تادر تهين اى اوروبى او امريكى طبآ لا لان دولته كلها وراه لاكن تادر تدى بال؟؟؟؟؟؟؟؟؟؟؟؟؟؟؟اى مصرى خارج بلده وللاسف داخلها كمان لان حكمته كلها عليه بتهين فيه و بالمناسبه عندما اعادو نفس السائل على الامام ما وجت فى بلاد العرب قال اسلام بدون مسلمين لو الحكومه خدت لينا حقوقنا من الدول الاخرى وحفظة على كرامتها امام العالم لكان لنا شئن اخر

رد: السلام عليكم
 

طبعا مافيش كلام ممكن يقال بعد الشرح من الاساتذة blow c06 وأحمد العوضى, وكنت عايز أضيف معلومة صغيرة وناس كتير بتسأل عنها وهى فائدة الشخشانات, طبعا هى علشان الطلق النارى يخرج من الفوهه يدور حول محوره .. تمام .. لكن ليه؟ السبب هو نظرية علمية اسمها الثبات المحورى – حسب ما أذكر من الترجمة الحرفية – وهذه النظرية تعتمد على أن أى جسم يتحرك فى مسار معين وهو يدور حول محوره فهو يقاوم أى مؤثر خارجى يخرجه عن المسار بل أنه يعود الى نفس المسار عند زوال المؤثر أو القوة الخارجية .. طبعا الكلام كله نسبى ويعتمد على عوامل السرعة والمقاومة وقوة المؤثر الخارجى .. الخ
طيب .. ده علاقته ايه بموضوع خروج الطلقة .. العلاقة ان الطلق يخرج من الفوهه يدور حول محوره بسرعه عاليه فى مسار مستقيم – طبقا لزاوية الماسورة – وبعد خروجه تؤثر عليه عوامل الرياح ومقاومة الهواء والجاذبية الأرضية ولكن طبقا للنظرية السابقة يقاوم المقذوف تلك العوامل محاولا الاستمرار فى نفس المسار حتى نهاية المدى المؤثر وهذا يزيد جدا من احتمالات دقة اصابة الهدف اذا كان داخل المدى المؤثر....

تقبلوا مرورى ,,

رد: السلام عليكم
 

مرور كريم ومفيد