اقتباس:
المشاركة الأصلية كتبت بواسطة charesma
ازيك يا محمد ايه اخبارك اتمنى تكون بخير وبجد عرفت تنقى الصديق بجد بس كنا عاوزين نتفرج على الصور الجميله
حاول ترفعها وقولى ايه اخبار الديانا معاك ؟
|
ربنا يكرمك يا كاريزما انت ليك فضل كبير جداً فى الطلعه دى على فكره عشان انت اللى ظبط البندقيه اصلاً
الصور هرفعها حاضر انا تقريباً مفتحتش الكمبيوتر من ساعتها معلش عندى امتحان السبت الجاى و كنت بذاكرله
ادعولى و ان شاء الله نطلع مع بعض
و الديانا مظبوطه للغايه بس الفكره فيا انا بقى لازم لازم ابقى ساند بس الحمد لله اتعودت شويه على وزنها
طبعاً مش هعرف اقيمها على اكتر من 40 متر مثلاً لأننا كنا بنصطاد جوه المدينه و مصطفى ما شاء الله عليه خبير فى الموضوع ده كان بيقولى اشهر السلاح قبل ما تدخل على الطير بفتره و فعلاً اما كنت ببقى مطلع البندقيه من العربيه قبل ما نقرب على الطير غالباً مكنش بياخد باله مننا اصلاً
و مصطفى بيعدل العربيه العدله التمام ما شاء الله عليه ربنا يباركله فيها و بيقف قريب قوى من الطير بالراحه جداً