الكرال الرماية اللى هى من الدفعة الثالثة والإصدار الجديد و التى تم فيها علاج كل العيوب و حاصلة على الأيزو ..... سوستتها اتكسرت مع عادل عبده قبل ما يطلع بيها طلعة واحدة
وكل ما أروح عند محمود شلبى المحل ألاقيه ماسك بندقية كرال رماية بيغيّرلها السوستة , ده بالإضافة الى عيب قاعدة السوستة البلاستيك التى تنكسر , ده غير دبشك الكرال الرماية اللى شفته مرمى فى المحل و مكسور من ناحية مسامير الربط الأمامية
بالتأكيد الأستاذ هشام سمير أدرى بالسوق منّى .
ولكنّى لا أكذّب عينىّ , ولا أفتى بغير علم , قد يوجد فعلاً اصدارات متعددة من البندقية , و لكن ما أعرفه جيّدا و رأيته بعينى أن عيوب البندقية موجودة حتى فى الرماية (التى تعتبر اصدار جديد حسب كلام أستاذ هشام)
وبناء على ما رأيته بعينى , فأنا مازلت متمسك برأيى الى أن يثبت لى العكس , واذا حدث فلن أتوانى عن الاعتراف بالحق , لأن الاعتراف بالحق فضيلة.
و مشكلة الكرال الأساسية هى التفاوت فى الجودة بين بندقية و أخرى بشكل كبير , بنادق سليمة و بتشتغل كويس , و أخرى بتكسر السوستة فى أقرب فرصة , وهذا التفاوت هو السبب فى تضارب الآراء حول هذه البندقية
وما يهم الصيّاد فى النهاية هو الحصول على بندقيّة جيدة تعمل بكفائة بغض النظر عن تاريخ أو دفعة اصدارها
خالص تحيّاتى و احترامى للجميع