رد: الطريقه السهله والامنه والبسيطه الموفره للجهد والمال لاستخراج الذهب والفضه من الموبايل والكمبيوت
الموضوع ببساطه هو أن الأجهزه الألكترونيه بيكون فيها أجزاء زي أطراف الوصلات أو زي طرف الفلاشه الأجزاء دي بتكون مطليه بالدهب لأنها لو معموله من النحاس النحاس بيأكسد و الأكسيد ده مش بيوصل الكهرباء و لو مش مصدقني ببساطه بص على طرف الفلاشه هتلاقي أولا لونه مش نحاسي لونه دهبي ثانيا عمر ما لونه بيطوس أو بيغير ذي النحاس
لكن الكميه من الدهب الموجوده قليله جدا و أكتر المكونات الي هتلاقي فيها دهب هي:
1- البروسيسور بتاع الكمبيوتر (الدبابيس بس مطليه دهب)
2- أطراف الRam مطليه دهب
3- أي حاجه بلون دهبي
و بعدين الدهب مش هو المعدن الوحيد النفيث الموجود كمان في باليديوم كمان و ده بيكون موجود في المكثفات و دي بتكون عباره عن مربع بني ملحوم من الأطراف و ده في منه مقاسات كتير
كمان فيه فضه و دي بتكون في الkeyboard بس سعر الفضه يخلي أستخراجه مالوش لزمه
و فكره الأستخراج بسيطه جدا:
بتدوب كل المعادن في حمض (ماء ملكي) و بترسب الدهب بس بأستخدام ماده أسمها صوديوم متا بي سالفيت و بعدين تفلتر الدهب و ترمي المحلول الي فيه بقيه المعادن أو تخليه علشان تستخرج منه معدن تاني
|