السلام عليكم
انا قرأت الموضوع كويس
من الواضح ان في حاجة غلط فيما حضرتك قلته
لان الخطوات كالتالي
1 - وصول البندقية الي قرية البضائع
2 - اتصال شركة الشحن بحضرتك
3 - عمل توكيل داخلي للمستخلص الخاص بشركة الشحن
4 - هايتم تخيير حضرتك ما بين استكمال الاجراءات او
اعادة الشحن لانه مطلوب موافقة الامن العام بالعباسية
5 - حضرتك وافقت علي اتمام الاجراءات
6 - هاتروح حضرتك للامن العام عند العميد / رأفت الشرقاوي
7 - هاتعمل طلب هناك و تابعه حتي يتم ارساله الي قرية البضائع
8 - عند ارساله الي قرية البضائع هاتسدد جميع الرسوم التي علي الطرد
9 - هاتخرج البندقية مع مندوب من الجمارك الي الامن العام
10 - هتابع لغاية لما يخرج تقرير المعمل الجنائي
لا يوجد تدخل بعد هذه المرحلة من الامن العام
لان تقرير المعمل الجنائي يذهب مع مندوب الي
قرية البضائع
اذا قال انه لا توجد مشكلة سوف تستلمها مباشرة
اذن العميد / رأفت الشرقاوي
اداة ربط بين حضرتك و المعمل الجنائي
11 - بس انا اسف اني اقول لحضرتك ان تقرير المعمل الجنائي
بيخرج كالتالي
ان البندقية بها اجزاء تستعمل في السلاح الحي
بالتالي نطلب من صاحب الطرد اعادة الشحن
12 - اسف ان اقول لحضرتك ان جميع المبالغ الرسمية و غير الرسمية
سوف تضيع علي حضرتك
مع ان المبالغ اللي حضرتك دفعتها بتكون في صورة امانة
بس علشان تستردها هاتروح وزارة المالية للاسترداد
و حلني
13 - عايز اقول لك ان ده اللي حصل معايا من اكثر من سنة
14 - اخيرا استحالة ان المعمل الجنائي سوف يقول لك مافيش
مشكلة من استلام الطرد و اي شخص يعرقل لك الموضوع