بما انك بتقرا في سوق المنتدي يبقي انت يا عاوز تبيع يا تشتري..صح؟
وبما ان فيه هنا تجار من اعضاء المنتدي واسعارهم حلوة اوي ..يبقي انت غالبا عاوز تشتري..صح؟
طيب...حلو قوي..عجبك مسمدسات وبنادق رش شفتها علي النت بس مش لاقيها في المحلات في مصر...صح؟
جميل...انا عامل الموضوع ده عشان اقترح عليكم الاتي:
1. نجمع طلبات شراء اي بنادق او مسدسات رش طبقاً للموديل اللي نفسك فيه...انا متاكد الطلبات حتكون حاجة ما شاء الله ...
2.ندي القائمة دي لحد من السادة التجار اعضاء المنتدي الكرام اللي يقبل يستوردها من بره بالطلب لحسابنا...ساعتها السيد التاجر العضو حيشوف يتفع يجيب المسدس او البندقية اللي عليها العين ولا لاء من اساسه
3. السيد التاجر العضو اللي يوافق يحدد الثمن المطلوب لكل مسدس او بندقية وقبل ما يتم الاستيراد ياخد 50% من فلوسه (او اي نسبه اخري يراها التاجر مناسبة) مقدم والباقي وقت التسليم...وطبعاً خد بالك ان سعر المنتج بره بيزيد اضعاف لما يوصلك هنا..فيه جمرك وشحن وضرائب وهامش ربح الراجل التاجر اللي حيتعب معانا واللي لازم يكون حاجة محترمة انشاء الله ..وعموما من حق كل واحد يعرف بالظبض هو بيدفع الزيادات كلها علي اساس ايه.
4. والله والله اللي حيعمل كده من التجار حيطلع بمبلغ محترم فعلاً.
كده ضربنا 10 عصافير بحجر واحد:
1. جبنا بضاعة وماركات عوزينها مش مضطرين نشتريها لان مفيش غيرها في مصر.
2. دفعنا سعر معقول بالنسبة للاسعار برة يعد حساب الجمارك والضرائب وهامش ربح السادة اخوتنا الاعضاء من التجار.
3. ساعدنا التجار من حبيبنا يشتغلول ويعملوا مصلحة محترمة.
4. قضينا علي جشع التجار في السوق لاننا قاطعناهم.
5. الطلبات مش حتيجي إلا لما يتم دفع علي الاقل 50% من ثمن البضاعة المطلوبة لاثبات الجدية...والعضو اللي حيقول انا عاوز يحط الاول نوع المسدس هنا..يعرف سعره من السيد التاجر ويطلع علي محله يدفع المقدم..ويروح يستني في بيته علي احر من الجمر المزة الجديدة توصل من برة ؛)
6. اظرف حاجة ساعدنا السادة التجار بفكرة جديدة للترويج لبضاعتهم ودخول سوق جديد وهو طلب البضاعة علي ذوقك انت ومزاج زاجك.
يبقالكوا عندي 4 عصافير
يفضل الباقي بقي اننا نعرض الموضوع علي السادة التجار مثل السيد/ شريف ابو ضيف والسيد/هشام سمير...ونشوف رائيهم في الكلام ده ممكن يمشي ولا تهيواءات ومينفعش من اساسه...