رد: معلومات عن أنواع التراخيص للسلاح
اخوانى الاعضاء انا مرخص مسدس وبندقيه خرطوش ومبرارات الترخيص حيازه زراعيه اول حاجه بتعمله بتتقدم لمندوب التراخيص بطلب لحمل واحراز سلاح بياخد منك كشف اقارب حتى الدرجه الرابعه وان كان منهم اى شخص عنده احكام فى قضايا جنائيه او مخله بالشرف فلا داعى لذلك وريح بالك وبعدين بتجيب فيش وشويه ورق خاصيين بطلبات الرخصه وبعدين بتروح لدكتور الصحه بتاع المركز او القسم التابع ليه بيديك شهاده طبيه نظر وباطنه وتزيل بختم النسر بعد التحريات والتفحيص والتمحيص فى دولاب الجنائى بتتفضل بمقابله السيد رئيس المباحث وهو ورايه اما موافق او لا خلينا فى حالات الموافقه بعديها بيتبعت صوره من ملفك الشخصى الى الجهات التاليه مباحث الاداب مباحث الاموال العامه مباحث المخدرات المباحث الجنائيه بالمديريه مباحث امن الدوله ثم بعد الموافقات بيديلك تصريح شراء سلاح مده 3 شهور وتجدد لمده 3 شهور اخرى وبتشترى السلاح بتاعك من اى محل سلاح وتروح على القسم او المركز بياخد رقمه واستحثت بصمه ذى العربيه وبيتعرض على رئيس المباحث وبعدين يسجل السلاح بالدفاتر وتاخد رخصه دلواتى بقيت كمبيوتر ذى البطاقه وكل سنه وانت طيب
مبرارات الترخيص :حيازه زراعيه -مزارع فراخ-سجل تجارى-غرض الصيد ويكون مقيد او صاحب عضويه باحد انديه الصيد-العمل خفراء خصوصيين لدى اصحاب الاراضى-صيارفه البنوك-اصحاب شركات الصرافه
مبرارات سحب والغاء التراخيص:حمل السلاح فى الافراح-دخول الملاهى او اماكن شرب الخمر والقمار-وجود مرض عقلى اصاب صاحب التراخيص- سرقه السلاح المرخص-حمل السلاح لغير المرخص له او وجود السلاح فى مكان لايخص صاحبه
الاسلحه المرخص بحمله جميع انواع بنادق الخرطوش-جميع المسدسات الا السريعه ويسمح بحمل المسدس المتعدد ولكن بترخيص خاص من السيد وزير الداخليه
عقوبات حمل الاسلحه بدون ترخيص اولا الفرد المحلى (ورش)شهر سجن و300 جنيه غرامه ثانيا المسدسات بجميع انواعه 6 شهور و300 غرامه البنادق الاليه 3 سنوات المدفع الرشاش 5 سنوات
كده ممكن نكون لمينا الموضوع باختصار شديد واى استفسار انا تحت امركم
|