رد: رابطة مالكى ايكول فولجا
علشان خاطر عيون الاستاذ compact و علشان ميزعلش هحط المشاركة كاملة و بلاش اللينك
من النهارده مفيش اى عيوب للفولجا و تم القضاء على جميع سلبياته
ركزوا شوية بقى فى الحكاية دى علشان احتمال ميكنش فيه امكانية انى ارفع الصور
قعدت مع نفسى كدا و انا ماسك صديقى الفولجا و قلتله فى سرى ايه رأيك لما اقضيلك على اغبى عيبين فيك ؟؟؟؟
قالى ايه هما ؟
قولتله خزنتك المأزعرة اللى يدوب بتاخد خمس طلقات و لو السادسة ركبت متدخلش
و عيبك التانى اللى هو وقوف الاجزاء بعد اخر طلقة ولازم ندوس على اول الخزنة علشان نغيرها
قالى بس دى مخاطرة و احتمال احتاج بعدها تغيير اعضاء زى الخزنة مثلا
قولتله ولا يهمك بس الموضوع يستحق التجربة
قالى تعالى نجرب
قمت ماسك الخزنة فاككها منه و ساحب الجزء البلاستيك بتاعها اللى فى كعبها و مطلع السوستة بتاعتها و رأسها اللى بتزق الطلق و شايل منها حتة حوالى تلت المسافة تقريبا و ضيقت ظهر الخزنة شوية من ظهرها ( المكان اللى بيبات فيه الطلقة من الظهر من ناحية بيت النار طبعا و الخزنة راكبة فى المسدس ) و المهم مكدبش عليكم خبر كنت زعلان و فاكر الخزنة هتبوظ
المهم مطولش عليكم ( قولوا طول ) جمعت الخزنة تانى و قمت دابب فيها ست طلقات و مركبها فى المسدس قامت راكبة و شديت اجزاء بطريقة سريعة و بطريقة بطيئة و لقيته شغاااال ميت فل و عشرة و الخزنة بقيت ست طلقات مش خمسة + واحدة فى الماسورة يبقى كدا سبعة و شديت الاجزاء لغاية ما كل الطلقات خلصت و طبعا علشان مضيق الخزنة من الخلف فقط ( الريشتين اللى بيسندو الطلقة و هيا خارجة ) بقى رأس الخزنة انسيابى و مش محتاج بعد اخر طلقة انى ادوس على الخزنة علشان الاجزاء ترد و طبعا كدا تقدر تغير ما بين خزنتين بمنتهى السهولة لأن اخر طلقة بعد ما هتطلع الاجزاء هترجع مكانها و هتبقى الطبنجة معمرة و يدوب هتدوس على زرار فك الخزنة و تركب اللى بعدها اللى هتكون ست طلقات بردوا ( يبقى كدا المجموع 13 طلقة ) و اى حرب خش فيها و شغااااااااااااااااااااااال فووووووووووووووووووووووووووووووووووولجا
|