رد: مخااااااطر الفرد الخرطوش (ربنا يحفظنا)
اخوانى الكرام
استحلفكم بالله اسمعوا كلام الافوكاتو بجد
اخوكم الصغير من شبرا الخيمه والفرد الخرطوش عندنا زى الرز
بس الحمد لله انا بكرهه جدا
وعندى امسك قصافه وممسكهوش
والله كلام عن ثقه اصلا هو خطر واللى موجود فالسوق حاليا اخطر اخطر بكتير
صدقونى شفت كتير خلال ايام قليله فاتت واخرهم امبارح كانت شبكه وكل اللى ضرب بالفروده اتعور من رد الفعل او من المسامير اللى ربطاه
ومن اسبوع كان فيه تنجيد وواحد ضرب طلع نار من الماسورة من ورا لسوء الخامه وحرق ايده غير اربع غرز محترمه
ومرة ايام الشغب كان عندنا هجمات وواحد ضرب طلق لارهاب اى حد يفكر يقرب والله والله والله
الماسورة اتكسرت نصين والحمد لله محصلوش حاجه (ستر من ربنا )
اسف على الاطاله بس حاسس ان فيه ناس كتير حابه الموضوع مع انه فاشل
ده حتى سعرة مبالغ فيه ليا صاحب خراط بس محترم مش بيشتغل فيهم بيقولى ان سعر مواده ومصنعيه الخراط لايتعدى 75 جنيه ومع ذلك تخيلوا سعرة وصل 1200 جنيه
ربنا يرحمنا بجد ويحفظكم جميعا وشكرا
|