[فوزى السيد]

المشاركة الأصلية كتبت بواسطة القيصر 1

السلام عليكم ورحمة الله وبركاته
السادة القناصة اعضاء المنتدي ......احبكم في الله
انا فعلا في قمة السعادة لتواجدي بينكم . طبعا تصورو واحد دافن نفسة بين الشغل والشغل ومش عارف يتنفس وفاجئة وقع على ناس في قمة الأحترام يقدر يتكلم معاهم ويحس بروحه بعيد عن الشغل والقيود ووجع الدماغ محبة في الله خالصة وانا اعني ذلك فأنا تعاملت مع اعضاء لم يكن بيني وبينهم غير التليفون ذي الدكتور العزيز الراقي محمد حسن والراجل المحترم الكريم فوزي السيد و الحاج احمد الشرقاوي شرقاوي الخلق والذوق و قابلت بقا الفنان اللي مقابلته ولا كأنك تعرفو من سنين من ذوقة وكرمة محمود شلبي فعلا نعم الأصدقاء
المهم مش عاوز اطول عليكم نرجع لعنوان الموضوع انا بأقترح على كل اصحاب الخبرات الرهيبة اللي في المنتدى كل واحد يكلمنا عن مكان جامد جدا اصطاد فية يوصي بيه لآحبته في المنتدى وعنوانه فين ويرحولة اذاي وعن طلعته فية ونوع البندقية اللي تناسب المكان دة من وجهة نظرة ونوع الرش وهيحتاج ياخد اية معاة وكدة والوقت المناسب للصيد فية.
طبعا هتكون خبرة مش عادية هيستفيد منها جدا كل المبتدئين اللي انا اولهم و نقدر نتعلم من بعض حتى لو مقدرناش نتقابل .
وللجميع مني كل التقدير والأحترام
ــــــــــــــــــــــــــــــــــــــــــــــــــ ـــــــــــــ
اخوكم المبتدء حسن الأسيوطي

حسن باشا والله انت اللى راجل فى قمة الاحترام والذوق وعشان كدة باذن الله مشهتقابل الا كل طيب وانا كان نفسى افيدك فى موضوع اماكن الصيد لاكن للاسف انا بعيد عن القاهرة والبركة فى اخوانا اللى منها هما هيفيدوك اكتر منى انما انا ممكن اعزمك على رحلة صيد فى رشيد لو وقتك يسمح بذلك وهوديك اماكن فى منتهى الروعة واكون سعيد جدا بتشريفك ليا وبالمناسبة غيرت السوستة ولا لسة ؟؟ يا ريت تطمنى البندقية عاملة اية معاك ولك خالص تحياتى