[ايهاب ابو الوفا حمدى]

المشاركة الأصلية كتبت بواسطة momo44

انا معنديش البانكس 5000 sx انا لسة ان شاء الله هجيبها
بس انا لقيت الناس كلها بتشكر فيها
بس كده انا رسيت على عدة التسقيط
ماكينة بانكس sx5000
بوصة صب (ترشحلى نوع ايه وقطعة ولا قطعتيت) هجيبها حسب اللى حضرتك هترشحهولى
شعر 60 او شعر 80 (اللى انت برده هترشحهولى)
شعر للجيجينج(حضرتك مذكرتوش) برده اللى هترشحهولى هجيه ان شاء الله
رصاص الذى لا يوعر عشان لو اصطدت جنب شعب(اقول للراجل عايز ايه)
السنون من 0-1 حتى 0-4

كده العدة دى تنفع تسقيط وجيجنج (صح كده)
والعدة القديمة تنفع كاستنج (صح كده)
هوة الصيد من النيل كاستنج ولا تسقيط ؟؟؟؟؟؟؟؟؟؟؟

هل انا بقى محتاج اى حاجات تانية او كماليات اخرى


واخيرا احبب اكرر شكرى لحضرتك على الاستجابة السريعة
ومفيش رحلة حضرتك طالعها قريب يبفع اجى فيها معاك (هو حضرتك من القاهرة ولا الاسكندرية)

صباح الفل سيدى بالنسبة للتسقيط انت كدة استقريت على الماكينة ولو ملقتهاش عليك بالفايكننج 50-70 كورى محترمة اما البوصة عليك بالاكوما 165 سم دى تنفع تسقيط وجيجنج اما النيل فكاستنج فقط اى حدافات من على الشاطئ لان التسقيط من على مركب فى البحر الاحمر او المتوسط اما شعر الجيجنج عليك باباور برو او اليازورى 70 ممتاز اما الرصاص هناك رصاص جميل لا يوعر وهو عبارة عن خرطوم مطاطى وبه رصاص محشو وهى اوزان مختلفة حسب قوة التيار والاكشن الخاص بالبوصة وعلى فكرة هذه الرصاصة عن تجربة لاتوعر مطلقا وهى اول من انتجوها الطليان وعملوا عليها ابحاث فى محطة باسيون باسا الخاصة بالصيد وبدا هنا فى تقليدها وهى متوافرة اما عن السنون جيب لك اربع علب من 01 حتى 04 وكدة تمام كبداية ولله الموفق .