[محمد خلف]

ورد على احسن رجاله
شفت على المنتدى كذا موضوع عن عمل كاتم صوت لبنادق الرش
و دورت على فيديوهات عاليوتيوب عن نفس الموضوع
و النتيجه كانت اني خدت بالي ان فكره كاتم الصوت هي نفس فكره الشكمان
ماسوره داخليه مليانه خروم و ماسوره خارخيه بتقفلها
و السبب الي عرفته بقى انه بيفرق الهوا و موسيبوش يخرج من الماسوره بسرعته عشان سرعه الهوا جزء من سبب الصوت
و الجزء التاني هو الحركه اليكانيكيه الناتجه عم ارتداد السسته و البستم
و دي معرفش الكاتم ممكن يخففها او لا
.
.
دلوقت انا جتلى فكره ممكن حد من اخواتنا هنا يجربها او يقول اذا كانت مفيده او لا
.
.
شوفو يا رجاله
اولا. احنا نجيب مسمار 17 لو البندقيه نمره 1 و مسمار 19 لنمره 2 و دا موجود باطوال كتير كل واحد زي ما يحب بس يستحسن ميبقاش اقصر من 10 سم
المسمار 17 سمكه 8.5 مل فلما نخرم جواه 4.5 مل مقاس الرشه نمره 1 هيسيب 2 مل تقريبا لحميه للماسوره هيكون سهل التخريم فيها و في نفس الوقت احنا مش محتاجين سمك اكبر لان دا سلاح دفع هواء مش سلاح ناري فمفيش ضغط ولا حراره
و المسمار 19 سمكه 10 مل فبعد فتحه 5.5 مل مقاس الرشه نمره 2 بردو هيسيب 2 مل .
.
ثانيا .نفس الخراط نخليه يعمل الخروم في الماسوره الي عملناها بعيد عن الطرفين ب 1 سم على الاقل عشان نعرف نربط عليها الجلب .
.
ثالثا .نخلي نفس الخراط بردو يعملنا جلبتين فبر لو عنده او نجيب 2 كاوتشه طعميه من اي بتاع اكسسوار و نركبهم على الطرفين .
.
رابعا .بعد كده نجيب ماسوره ضيقه من عند اي بتاع ادوات صحيه بتبقى وسع 2 سم تقريبا و ندخل الماسوره بالجلب او الكوتش حسب ما عملنا جوا الماسوره و نخلي بالنا ان الماسوره دي هتبقى اطول شويه عشان هيتعمل جواها تبييته للماسوره بتاعه البندقيه .
.
خامسا .كل واحد يعمل تبييته تنفع على البندقيه الي عنده .
بردو الخراط الي هيعملها بس منصحش حد يدكر الماسوره بتاعه البندقيه قلاوظ عشان متبوظش
.
ملحوظه:ممكن نحشي الفراغ الي بين الماسورتين قطن بشرط اننا منكبسوش اوي و دا هيمنع الصوت كويس اوي .
.
.
ياريت الخبراء الي في المنتدى يقولولنا الحكايه دي تنفه ولا لا
و دي طريقه اكتر حاجه هتكلف فيها هتكون الخراطه
لان المسمار سعره مبيعديش 2 جنيه
و الكوتشات الطعميه الواحده ب1.5
والماسوره مفتكرش انها هتكون غاليه و كل الي احنا عاوزينه حوالي 12 سم
و كده نكون عملنا حاجه رخيصه و معمره لان المواد الي فيها قويه و في نفس الوقت رخيصه
و هتمنع نسبه كبيره من صوت البندقيه الي بيطفش الطيور الي بنصطادها
.
.
يارب يكون الموضوع مفيد
و الموضوع مش منقول و مجهود شخصي بالكامل
و تحدي :d