رد: البندقية القياسية للجيش المصري " المعادي " .. المزايا والعيوب .
اولا شكرا علي المجهود ثانيا انا احب اعقب علي كلامك مش معني يا فندم اننا مبنشوفش مع عساكر الجيش غير البندقيه المعادي القديمه يبقا هيه ديه البندقيه القياسيه لا الكلام ده مش صحيح لان عندنا سياسه في الجيش المصري انهم مبيرموش سلاح وبيفضل في الخدمه لحد ميعطل وبعدين يروح الورش ويتفكك ويستخدم في قطع الغيار انما ساه الحرب حاجه تانيه طبعا زي محصل في حرب اكتوبر كان السلاح القياسي ايامه هوه البورسعيد وقبل الحرب ب16 ساعه تم توزيع السلاح الجديد علي الجنود وكان من الكلاشنكوف الروسي وبندقيه المعادي المصريه وده ان كان يدل فهو يدل اانا منطلعش السلاح نهلكه عمال علي بطل واحنا في حاله سكون ومش محتاجينه احنا بنسيب الحاجه لما يجي وقتها وعلي فكره انا والدي كان ظابط في الجيش وحارب في 73 وهوه الي قايلي علي معلومه تبديل السلاح ليله الحرب
نيجي بقي لنقطه اننا ليه مبنعممش العيار الشرقي الجديد اي نعم هي اصابه العيار علي الانسان اقوي لانه الطلقه بتنحرف بمجرد اصطدامه بالهدف فا بتحدث اصابه اقوي ده كلام تمام بس تعالي بقي نشوف طبيعه الارض الي بنحارب عليها والمدي الي احنا بنحتاجه للاصابه الطبيعه الصحراويه بتحتم عليك اصابه الاهداف من مدي ابعد ولازم يكون المقذوف ثابت عشان ميتاثر بتاثير الرياح والعواصف الرمليه في الصحراء الا ام 4 فشل فشل زريع في افنستان بسبب انه مش معمول ليحارب في الجبال حيث العواص والرياح الشديده التي تؤثر علي مسار المقذوف تعالي نجيب سلاحين واحد العيار الشرقي الجديد وواحد العيار ام 43 ووقف هدف لابس ستره واقيه علي بعد 350 متر وقولي اي نوع من الطلقتين هيصيب الجندي هقولك ببساطه العيار القديم هيكون فعال اكثر من الجديد والدليل ان روسيا لازلت بتصنع نفس العيار في المودلات الجديده ال ا ك 103 مثلا وغيره من المودلات المستخدمه نفس العيار ده دليل انهم مرموش العيار واستغنه عنه لا هما صنعو حاجه لطبيعه الارض الي بيحربوا عليها وهي الغابات ولازلو محتفظين بتصنيع العيار القديم لان له متطلابته
بنسبه للتصنيع مصر بتصنع العيار الشرقي الجديد وبتصنع بنادق ليه والدليل هفرجك علي الصور وبنصنع المعادي المعدله بكابح الارتداد المستخدم في اك 74 واك 103 وبنصنع نسخ سبطانه طويله للقنص وانواع بسبطانه قصيره وباخمص حديد واخمص من الفيبر كثير جدا من المودلات الي هعرضهالك في الصور بس زي مقلت لحضرتك الحجات ديه متطلعش غير وقت الجد واحنا الحمد لله بنصنع جميع العيارات حتي عيار 50 وعندنا بنادق قنص من تصنيع مصري عيار 50 وهي معادي جريفن وفيها الكثير من المودلات والعيارت حسب الاستخدانم وبنصنع اسلحه الدعم الناري وبنصنع نسخ من الا ام 4 والا ام بي 5 الالماني بترخيص من كلا الدولتين لا تخف علي الجيش المصري احنا الحمد لله احسن من غيرنا كتير ولازلنا في تقدم وانشاء الله السنين القادمه هتبقي افضل بكتير تخيل اننا كنا علي هذه الحال اثناء اداره تابعه لامريكا التي تري ان تكون اسرائيل دئما متفوقه علينا في التسليح حتي التسليح الفردي تخيل بعد ان اصبحنا احرار من هذه السيطره ماذا سنفعل في اقل من 100 يوم تعاقدت مصر علي غواصتين تايب 209 الالمانيه الصفقه بيحاول فيها من زمان لكن اسرائيل كانت بتعطلها لكن المانيا وافقت بعد نجاح مرسي في الانتخابات وده دليل انهم عايزين تفضل علاقتهم معانا كويسه وعلي الرغم من اعتراض اسرئيل الشديد عل الصفقه التي قدرت ب223 مليون يورو في حين ان جميع استيردتنا للسلاح من المانيا خلال العشره سنين الماضيه 25 مليون يورو وديه انشاء الله البدايه فقط لقد بدئنا عهد جديد وليس مع الاخوان فقط انا علي فكره مش اخواني ولا رشحت مرسي لكن انا اقصد العصر الجديد عصر الحريه في اختيار الرئيس
وفي النهايه برده بشكرك علي مجهودك الرائع في الموضوع بس انا حبيت اوضح بس بعض النقاط المهمه واسف علي الاطاله
|