[طلعت بخيت بسكالس]

المشاركة الأصلية كتبت بواسطة mozo00

مساء الخير يا جماعه اخباركم اهي واخبار الخرطوش ايه الاسعار الي الاستاذ وليد بيتكلم عليها غير صحيحه بالمره سعر البندقيه بيبداء من 7 الاف جنيه اقل حاجه لغايه اكثر من 40الف جنيه وده حسب المركة والنوع اما طلقه الخرطوش الي بيتكلم عليها ديه السلج وده ممنوع لغير القوات المسلحة والشرطه قوات الامن فقط او الطلقه الايطالي من عند اي محل سلاح انا بضرب في الاسبوع خمسين طلقه في نادي الرماية القوات المسلحه سعر الطلقه 2.5جنية

أستاذي العزيز
مساء الفل
أنا أعرف أكتر من تاجر ومستورد يوجد لديهم تركي أوتوماتيك ب4000 جنيه وتظل تصعد الأسعار كما تفضلت حسب النوع لحد مليون أو مليون ونص جنيه زي البريتا الأمبريالي أو الكرنيفال و هولند أند هولند سبيشيال ودي بتبقي سبيشيال أوردر وبيتم أستيرادها مخصوص لطالبها أما عن الطلقات الخرطوش أستاذ وليد ماجبش سيرة السلج هو أتكلم عن عيار 16 وده فعلا ممكن يكون غالي شوية لأنه مش متوفر كتير في مصر دلوقت لا هو ولا البنادق بتاعته أنما الأكثر توفرا هو عيار 12 وبالفعل سعر الطلقه 2.5 جنيه وأن كان في أعضاء في نادي الصيد وفي الأتحاد بيحصلوا علي كوته ( يعني كميه كل فتره ) بسعر 120 قرش للطلقة المستوردة .
ولك كل التحية.