اقتباس:
المشاركة الأصلية كتبت بواسطة mo_lashine
بالنسبة لموضوع ترخيص السلاح فأحب أفكركم إن البلطجية برضه مصريين يحملون الجنسية المصرية .. يعنى هيبقى سلاح البلطجى مرخص أيضا.. ثانيا الناس اللى بتتكلم على أمريكا حضراتكم ممكن تسألوا أى حد عاش هناك على الترخيص يعنى الموضوع مش بالسهولة إللى حضراتكم متخيلينها .. ثانيا هناك الناس اللى مرخصه سلاح بتدرب على إستخدامه بصفة دورية حتى يكون هناك ألفه بين الشخص وسلاحه وكمان يعى المسئولية ولا يصيب الأبرياء بجهله فى إستخدام السلاح .. ثالثا أنا مرخص سلاح من حوالى 12 سنه وعمرى ما شلته ولا مشيت به ويمكن قعدت طول المدة دى معرفش إن كان بيضرب ولا بايظ ومحستش بوجوده غير أيام الأحداث - الله لا يرجعها - وأنا شايف الأمور تحسنت نسبيا الأيام دى .. أما عن موضوع الشرطه فأعتقد إن وضع خطه لتطوير أداء الشرطه أصبح أمر لا غنى عنه ففى أمريكا مثلا أطلب الشرطه وشوف بيجوا بعد قد أيه.. بلاش أكسر إشارة توقف (stop sign) الساعة 3 الصبح ومفيش مخلوق فى الشارع تلاقى الدورية طلعتلك من تحت الأرض تاخدك مخالفة والضابط مبتسم ولا يكف عن منادتك (sir) بمنتهى الإحترام يا جماعة فعلا الشرطة القائمة على تطبيق القانون حاجه محترمه جدا غير الشرطة القائمة على أمن نظام .. وأعتقد أن الشرطة المصريه حاليا قادرة على التطور ده كفاية النقله اللى حصلت بعد مفيش 3 شهور على الثورة ولكن أتمنى الشعب يساعد الشرطة وأنا كواحد من الشعب بحاول أساعد الشرطة بأنى أحترم القانون من تلقاء نفسى دون أن يفرض على بالقوة لأن ده دور الشرطة بالنسبة لمن يأبى أن يطبق القانون طواعية وإختيارا .. دورها أن تجبره على إحترام القانون بأن تقدمه لقاضيه الطبيعى ليحاكمه.. والله ماهى إنشاء .. كل دول العالم المتقدم بتعمل كده... آسف للإطالة
|
تأييدددددددد تااااااااااااام ، والف شكر لهذا الرد العاقل المحترم