بسم الله الرحمن الرحيم
انا هجاوب حضرتك بأختصار و على قد علمى المتواضع لأن فعلا كل الاسئله دى اتجاوبت كتير فى مواضيع قبل كده من قبل خبرائنا
1- "الرصاص البلي الذي يوضع في مسدسات الصوت المعدلة وهل امتلاك مثل هذا النوع من الرصاص مسموح في مصر ولا علشان مش عايزين مشاكل"
* الرصاص معرفش ممنوع ولا لأ بس اكيد هايبقى عندك مسدس صوت متعدل عشان يضرب رصاص بلى....دى بقى فيها مسائله قانونيه وحاجه مش بسيطه لان ساعتها مش هتفرق ده صوت متعدل ولا فرد متصنع. كلها اسلحه ممنوعه قانونا و عقابها السجن.
2-"ما افضل انواع البنادق الرش"
*ديانا ,فايروخ ,ويبلى ,بى اس ايه ,جامو ,نوريكا ...بالترتيب و ان كنت ممكن ابدل اماكن البى اس و الويبلى.
3-"كيف اميز المناظير من بعضها يعني اشوف مكتوب (تليسكوب بوشنيل 3-7*20) ما معني هذا الكلام"
*بوشنيل دى الماركه..اما الارقام فهى درجه التقريب و قطر العدسه مثلا
7-3*20 >>>>درجه تقريب من 3 الى 7 اضعاف و قطر العدسه 20 ملليميتر
4*15>>>>>> درجه تقريب ثابته"مفيش زووم" 4 اضعاف و قطر عدسه 15 ملليميتر
و كل ماتكبر قطر العدسه كل ما يكون تجميع الضوء اكتر و الرؤيه اوضح.
4-"ومن اي مادة تصنع مساورة البندقية "
*دايما البنادق تلاقى مكتوب عليها "Rifled Steel" يعنى صلب و فيه من جوه ششخانات
5-"هل بنادق fx-airgun تعبأ بلغاز ام الهواء او ما هي الية عملها بلظبط"
*على حد علمى تملأ بالهواء بالمنفاخ او كومبيريسور و هى سويديه الصنع.
6-"ما الفرق بين الغاز والهواء والرش العادي وما هي تصنيف الرش من هذه النواحي"
*الغاز بتضرب عن طريق اسطوانه co2 تشترى و لما تخلص بتتغير بجديده.
الهواء بتضرب عن طريق اسطوانه هواء تعبأ بمنفاخ و لما تفضى تعبأ مرات اخرى.
"الرش العادى" بتضرب عن طريق ضغط الهواء فى بستون ثم كبسه بسوسته قويه ليخرج الرشه من الماسوره.
تصنيف الرش "فى رأيى" احسن من ال co2 و اقل من الهواء.
7-"هل مسدس الغاز بنفس قوة البندقية الرش ام اضعف ام اقوي"
*اللى فى مصر لأ طبعا غالبا السرعه مبتعديش 480 قدم فى الثانيه يعنى اقواهم "فى مصر" و هو الوالتر بى 88 سرعته 480 قدم فى الثانيه و السرعه بتقل مع انخفاض منسوب الغاز ...يعنى يديك اول 10 طلقات 480 و تقل بعد كده ..يعنى اخر طلقه ممكن يديك 300 قدم فى الثانيه و يمكن اقل.
فى حين ان اضعف بنادق الرش سرعتها 400 قدم فى الثانيه "رمسيس و الصينى"و المتوسطه بتبقى 600 قدم فى الثانيه و في حجات بتوصل ل 1250 قدم فى الثانيه.
8-"هل حد جرب يصنع بندقية في الورشة الخاصة به ونحج"
*معنديش ورشه
9-"ما هي ادوات دهان البنادق وادوات التنظيف"
*حسب نوع الدبشك...لو خشب اسئل نجار ...لو فيبر مش عارف.
تحياتى