[silver_5000]

المشاركة الأصلية كتبت بواسطة adel152

ايه ياجماعة كلها شباب شباب مافيش عواجيز؟
خلاص ابتدى انا بنفسى وافتح باب المعاشات

الاسم: عادل احمد
السن: 49 سنه و5 شهور
المكان: اسكندرية - العجمى
الهواية: السلاح عموما - الكمبيوتر - السيارات
الحالة: الاجتماعية متزوج (اكثر من مرة!!!!!!!!!) وعندى 3 اولاد (21-20-12)

تحياتى للجميع

يا باشا عواجيز ايه دانتو لسة ف عز شبابكم , انتو الخبرة برضه يا عادل باشا

المشاركة الأصلية كتبت بواسطة بدر

لا علشان مقدم على هجرة لكندا ههههههههههههههه
تحياتى

ليه يا بدر بيه هتصطاد بطاريق هناك و لا ايه

المشاركة الأصلية كتبت بواسطة عادل عبده

اولا ربنا يخليك اولادك وتفرح بيهوم وبعدين كل اللى فى المنتدى هما اللى بيحبوك حتى انا مع انى ماحصليش الشرف بمعرفت حضرتك قبل كده ولاكن على ما اظن ان ده حب من ربنا عشان كده الناس بتحبك
وتقبل مرورى

صح طبعا يا عدول , اعرف ان من علامات حب ربنا لعبد من عباده إنه يحبب فيه خلقه

المشاركة الأصلية كتبت بواسطة essam assem

السلام عليكم يا بشمهندس احمد ربنا يباركلك على الموضوع الجميل دة واحيك علية
الاسم : عصام عاصم
السن: 33 سنة
العنوان : القاهرة الجديدة - الشغل فى التجمع الخامس والسكن فى الاول
الموهل : بكالوريوس سياحة وفنادق دفعة 1999
المهنة : مدير عام لاحدى شركات المقاولات وتسويق الاسمنت
الحالة الاجتماعية : متزوج وعندى نورا وفارس
الهواية : كنت لاعب كرة سلة فى نادى الزمالك حتى سن 20 -السباحة- السفر - الصـــــــــــــــــــــيد والرماية
علفكرة انا اهلاوى ابا عن جد ههههههههههه ومتستعجبوش انا وتقريبا تلتين فريقى كنا اهلاوية بس فى السر طبعا يعنى ممكن تقولو زملكاوى كرة سلة اهلاوى باقى الالعاب
وتحياتى لك بشمهندس احمد ولجميـــــــــع اعضاء المنتدى

ربنا يخليك يا عصام باشا , الموضوع منور بردك يا جميل , ربنا يخليلك نورا و فارس يا كبير و يباركلك فيهم , و بالنسبة لموضوع الزمالك ده كويس انكو مكنتوش قايلين انكم اهلاوية احسن يتهمكو بالخيانة العظمى , يلا عموما مبروك للزمالك على اللى حصل إمبارح

المشاركة الأصلية كتبت بواسطة عادل عبده

ياريت يا استاذ بدر انا فعلا نفسى اطلع معاكو اى رحله صيد انا غمرى ماطلعت قبل كده حتى لو هطلع معاكو اتفرج بس واتعرف على حضارتكو
فعلا يبقى ليا الشرف

صح يا عدول و انا لو نظمتو طلعتو طلعة زى كدة إن شاء الله مستحيل افوتها

المشاركة الأصلية كتبت بواسطة doos99

الاسم :العقيد اشرف مختار
الوظيفه :ضابط شرطه
الحاله الاجتماعيه: متزوج
مكان السكن: مقبل
الهوايه : الرمايه و تجميع اشياء قيمه و ثمينه وركوب الخيل

اهلا بيك يا سيادة العقيد و منور الموضوع يا باشا , فاضلك السباحة يا ريس علشان تبقى كملت اجمل تلات هوايات

المشاركة الأصلية كتبت بواسطة xman

الاسم :احمد ابوزيد
الوظيفه :طيار مدني كابتن بوينج 747\800
الحاله الاجتماعيه: متزوج و ربنا كرمني بالانستان جني و جاسمن
مكان السكن: مصر الجديدة
الهوايه : القراءة و البحث العلمي و الرماية و السباحة

اتشرفت بيك يا كابتن و ربنا يخليلك الانستين و يباركلك فيهم

المشاركة الأصلية كتبت بواسطة smsmn8888

سمير
مهندس شبكات
جيزة - فيصل
28 سنة
الهويات ( القتال الحر-الكنغوفو-التايكوندو-الكاراتية-الرماية-الصيد-الكورة-التكنولوجيا بوجة عام-
متزوج

منور الموضوع يا ابو سمرة , منين من فيصل يا جميل

المشاركة الأصلية كتبت بواسطة venom

موضوع جميــــــــــــــــــــل جدا
الاسم: احمد السيد نجم
السـن:23
لسة مخلص كلية/ حقوق انجليزي-عين شمس
السكن:جسرالسويس-مصر الجديدة
جدييييد جدا في هواية الصيد...اعشق الطيران و الطائرات
بس كدة

اهلا بيك يا متر المستقبل يا جميل , على فكرة انا كمان جديد اوى زيك ف موضوع الصيد ده بس بصراحة الاعضاء القدام ف موضوع الصيد ده هنا متعاونين جدا مفيش حد هنا بساله على حاجة الا و بيفيدنى على اد مابيقدرو

المشاركة الأصلية كتبت بواسطة jamayka

موضوع من احلى الموضوعات اللى ظهرت مؤخرا فى المنتدى اسمحلى احييك
الاسم : محمد جمال
السن : 20
طالب كمبيوتر ساينس (الى ان يجد جديد)
اعشق الرماية و الصيد و الفنون العسكرية بكل انواعها (جيتو عالجرح القديم) هههههههه
مكان السكن مدينة نصر
و اخيرا تشرفت بمعرفة الاعضاء اللى لم يسبق ان تعاملت معهم

ربنا يخليك يا باشمهندس محمد , و الله العظيم انا مبسوط جدا من تفاعل اخواتى معايا ف الموضوع ده و ردودكم هيا اللى منورة الموضوع

المشاركة الأصلية كتبت بواسطة hesham[mafya]a

السلام عليكم و رحمة الله و بركاتــــــــة....

موضوع جميــــــل جداً ,,
الأسم:هشام محمد على.
السن:15 سنة.
مكان السكـــن:السيدة زينب.
الحالة الاجتماعية:بيقولو اعزب.!
الهواية:الرماية و الصيد و السواقة السيارات,,و قديماً كان الكونغ فو.

و عليكم السلام و رحمة الله و بركاته , انا مبسوط جدا ان الموضوع عجبك يا اتش , انت منين ف السيدة يا جميل ؟؟؟؟

المشاركة الأصلية كتبت بواسطة gamopt80

الاسم : احمد
السن : 25 سنة
الوظيفه : مهندس انظمة gnu/linux , ومتخصص في مجال حماية واختبار اختراق الانظمة والشبكات
الحالة الاجتماعيه: اعزب (الي عنده عروسه يقولي)
الاقامة: الاسكندرية - ميامي
الهواية: البرمجة وتحليل الثغرات - الرسم - رحلات الصيد البحرية - الجيمز - الافلام الاجنبية - وفي الوقت الحالي الاسلحة

منور يا ابو حميد , مجال شغلك ده عاجبنى اوى و شدنى كتير , و لو ع العرايس يا كبير انوى انت بس و ربنا يرزقك ببنت الحلال إن شاء الله

المشاركة الأصلية كتبت بواسطة سيدخالد

الاسم/سيدخالد
السن/33سنه
الوظيفة/صحفى
مكان السكن/الهرم
الحالة الاجتماعية/متزوج
الهواية/ الرماية والسباحة

ازي سعادتك يا سيد باشا , منور يا جميل , صحيح انت منين ف الهرم ؟؟

المشاركة الأصلية كتبت بواسطة dr.elmasry

اسمحولى اقص شريط الصيادله فى الموضوع ده علشان كده عيب فى حق الصيادله
الاسم : هشام معوض
السن : 26 سنه
الوظيفه : شغال فى شركه نوفارتس للادويه
الحاله الاجتماعيه خاطب وبشاور عقلى
الهوايات : كره القدم والسباحه وركوب الخيل

وبشكركم على الموضوع ده

قص الشريط يا هشام , بس هو صحيح الصيادلة ليه مش كتير ف المنتدى هنا ؟؟