اقتباس:
المشاركة الأصلية كتبت بواسطة الصقر المصرى
حضرتك اخدت التفسير ابعد مما كنت اقصد انا مجبتش سيره الجهاد ولا قصدته رغم ان معنى الايه شامل كل حاجه بدايه من الحرامى اللى داخل بيتك يسرقك للعدو اللى بيهدد دينك وبلدك وياريت تاخد بالك من واو العطف فى الايه و عدوكم يعنى عدو الله ممكن يكون مش هو هو عدوكم والعداء جاى من العدوان يعنى اى حد بيعتدى عليك هو عدو ليك وواجب عليك انك تكون جاهز للتصدى له ومواجهته ان لزم الامر
وبرده عنصر الرهبه هيتحقق عند المعتدى عليك لما يعرف انك معاك سلاح يعنى الحرامى لو عارف انك معاك سلاح تفتكر هيفكر يسرقك
وكلام حضرتك جميل فى اننا لازم نصلى ونتعلم وانا متفق معاك بس ده ايه علاقته بموضوعنا الاصلى وهو رخص السلاح فى مصر
وبعد ده كله انا مش شايف ان فى اختلاف بيننا بس انا مش فاهم اعتراض حضرتك على ايه بالظبط يعنى ايه اعتراض حضرتك على تيسيير اصدار تراخيص السلاح لمن يطلبها شرط النزاهه بدون التعقيدات الموجوده حاليا .
خالص تحياتى،،،،
|
يا باشا أنا مش معترض خالص.أنا بوضح وجهه نظري ممكن تكون صح أو غلط.أما عن الصلاة والتعلم فالموضوع جه من منطلق الإجابة على تفسير الأية الكريمة أننا لازم نستعد فشرحت أن الأستعداد يكون بحجات كثيرة مش بالسلاح فقط.أما عن الصلاة تحديدا صلاة الفجر فيقال أن الرسول (ص) قال ما معناه أننا لن ننتصر على أعدائنا إلا عندما يمتليء المسجد في صلاة الفجر كما يمتليء في صلاة الجمعة.قصدي أن ده نوع من الإستعداد برضه .يعنى نبدأ من 1 مش ننط ل100 مرة واحدة.أما عن الحرامي اللي حيتردع لما يعرف أني معاي سلاح فده منطقي ولكنه غير قانوني بمعنى أنك حتى مع وجود التصريح لا يمكنك إظهاره أو حتى حمله في بعض الأماكن.اللي عايز أقوله أن الموضوع خطير وهام فلازم نتعامل معاه بحكمة . وللمعلومية تصاريح السلاح في العالم كله مش سهلة يعنى متفتكرش أنك بتروح محل تشتري سلاح وتدفع تمنه وتروح.لأ فيه تصاريح برضه وحتى مع التصاريح في إجراءات معقدة لشراء وغستخدام السلاح.فالسؤال الهام لة إفترضنا أن التصاريح بقت سهلة في مصر - وده ماأعتقدش حايصل أبدا لأن الموضوع ليه علاقة بالأمن العام والأمن القومي - هل سيكون السلاح في أيدي أمينة؟حضرتك محترم بس السلاح في الحالة دي مش للمحترم بس ده لأي حد طالما أنه حق. فتيسير التصاريح لازم يتبعه غجراءات صارمة للحصول عليه.لأنه كمان لو كل الناس خدت تصاريح حتلاقي السلاح بقى بمليون جنيه عاشان كل الناس عايزه (ذي الصوت دلوقتي اللي بيتباع أغلى من الحي من سنه أو خارج مصر).
مع إحترامي