رد: مسااااااااااعدة
بسم الله
السلام عليكم
ازيكم جميعا
مبدئيا بشكر جميع القائمين على المنتدى وزى مقلت قبل كده انا حاسس ان المنتدى ده غريب عن اى موقع على النت بامانه والله العظيم
انا بحس انه عالم حقيقى ليس مجرد كلمات واوهام ومبالغات ومهاترات زى باقى المواقع
من خلال تجربتى شخصيا من بداية معرفتى بالمنتدى لقيت اشياء اكثر من راااااااااائعة
زى مثلا
محدش بيبخل عن حد بمعلومة
فى تنظيم كويس اوى فى الاقسام وفى الضوابط ( وهذه ميزة وليست عيب)
فى ردود ومساعدات سريعة ولا يوجد تطنيش من الادارة المنتدى او الاعضاء بارك اللهم فيهم
يعنى كان عندى بندقية صينى وكنت بصطاد بس من لا خبرة ولا اى حاجة بالفهلوه ولا اعرف نوع بنادق ولا القصص دى
واما دلوقتى فا انا اشتريت بندقية اسبانى وبسعر كويس جدا وعرفت حاجات رائعة عن الصيد ومعلومات مهمة جدا جدا عن اماكن البيع والصيانة واماكن الصيد
وعرفت ناس محترمة متتاخرش عنى فى اي طلب ومن غير اى مقابل مع ان اى مجال وخصوصا لو كان نادر او قليل بتكون المعلومة غالية والتوصية اغلى وانا تاجر وعارف الحاجات دى كويس جدا جدا
طبعا الاخلاق العالية والناس المحترمة والله العظيم من اهم مايميز المنتدى
وطبعا انا لاحظت ان الناس كلها كبيرة فى السن واظن انها عندها حياتها ومشاغلها ومظنش انهم محتاجين للموقع ده فى اى شيئ الا انهم بيفرغوا وقتهم وجهدهم وبيتواضعو لجميع الافراد وبيلبوا طلبات كل شخص وغاية فى الاحترام والكرم
بالله عليكم اين يوجد الان مثل هذه الاشياء الان على ارض الواقع
فى نقطة هامة تانية بقى
احنا ربنا خلقنا مختلفين فى الفكر والفهم والاذواق وتقبل النقد ومثل هذه الاشياء
ومن هنا بناشد اهل المنتدى انهم يصبروا على اى حد يكون ليه فكر مختلف شوية
وده لانهم هما الكبار
وبناشد اى عضو ليه اتجاه معارض او معاكس لاى فكرة فى المنتدى انه يقولها بطريقة مهذبة والفاظ حسنة وده اللى بيأمرنا بيه ديننا
ما يلفظ من قول الا لدية رقيب عتيد
وبالله عليكم عاوزين نحافظ على المنتدى ونطورة ونكبره ونتأخى فيما بيننا بحب وطاعة لله عزوجل
ونرمى اى تعارض او مخالفة وراء ظهورنا بالله عليكم
وجزاكم الله خيرا
|