[hossamedeen]

تحيه لكل الاخوه الي اتفاعلوا مع الموضوع ....... كل المشاركات بتدور حول سؤال واحد يا تري نقدر نعمل فرق وننجح ....اعتقد اننا نقدر ....وبنسبه كبيره كمان ....الكلام ده كان مستحيل من سنه انما دلوقت كل شيء ممكن لان فيه نظام جديد بيتشكل في البلد وفيه ناس بتسمع وفيه ناس عايزه تغير ...انا مؤمن ان كل قفل وله مفتاح بس لازم تعرف ايه هوه المفتاح بالظبط وميكانيزم القفل ايه...وده الي لازم نعمله لازم الاول ننظم نفسنا كويس يا جماعه عايزين متطوعين وناس عندها من الحماس الي يخليها تضحي بوقتها ومجهودها علي شان القضيه دي ....عايزين عدد لا يقل عن 30واحد يكون نواة العمل الاولي الي هيتبني عليها الشغل بعد كده ويا ريت يكونوا من عدة اماكن في مصر من القاهره واسكندريه والدلتا والصعيد وبمجرد ما نكمل نتقابل في كافيه او مكان محدد للتعارف اولا ولتبادل الافكار وعمل ورشة عمل لتوزيع المهام ويا ريت يكون معانا ناس من ادارة المنتدي لان دي نواة جمعيتنا الي هيكون لها هدف واحد ورئيسي وهو استعادة حق المصريين الشرعي والدستوري في ترخيص اسلحه ناريه للرمايه والصيد والدفاع عن النفس زي كل البشر ....انا باقترح تسميتها جمعية الرمايه والصيد والحمايه الشخصيه والتسجيل في نفس الموضوع لكل من يشعر برغبه حقيقيه ويري في نفسه القدره والامكانيه في انهاء المهزله الي احنا عايشينها
اسمي حسام الدين المدينه المحله الكبري التلفون 01016477632 العمل مدير التسويق الطبي في شركة ادويه رقم التسجيل 1