رد: كل ما تريد معرفته عن الكرال التركى
الاخ العزيز بيبو بعد التحية
الاسألة اللى حضرتك طرحتها فى موضوعك موجود اغلب الردود عليها فى المنتدى.
بالنسبة لشراء الكسر او العتلة دى حرية شخصية فى ناس بتفضل البندقية الكسر وناس بتفضل البندقية العتلة.
البندقية الكسر ليها مميزاتها وعيوبها والبندقية العتلة ليها مميزاتها وعيوبها ( والكمال لله وحده).
الكرال الكسر والعتلة الموجودين فى مصر لهم نفس القوة والسرعة والاختلاف الوحيد فى شكل الدبشك سواء فيبر او خشب او مموهة (كاموفلاج) او رماية.
قطع الغيار الهالكة ولها عمر افتراضى والتى يتم تغيرها فى جميع البنادق بما فيها الكرال بكل انواعها مثل (السوستة وجلبة البستم) هى نفس السوستة والجلبة فى الكرال الكسر والعتلة بغض النظر عن نوع الدبشك.
البنادق العتلة عموما ادق فى التصويب لثبات الماسورة مع باقى اجزاء البندقية (الكانون).
جزرة الرش فى البندقية العتلة اصعب فى تلقيم الرش عن البندقية الكسر وفى حالة وجود تأكل فى جزرة البندقية العتلة من الصعب صيانتها او اصلحها او توفير قطعة الغيار.
البنادق الكرال الاكثر انتشارا (ان لم تكن كلها) فى مصر هى البنادق الكسر والعكس صحيح فى الدول الاوروبية.
اخى العزيز كل اجاباتى بخصوص البندقية الكرال العتلة ماهى الا وجهة نظر شخصية نتيجة مجهود ذاتى وبحث عن معلومات عن طريق النت وليست عن طريق تجربة. ولم اجد اى عضو فى المنتدى حتى الان يمتلك الكرال العتلة تقدم بكتابة تجربته مع هذه البندقية.
ارجو ان اكون قد اجبت على جميع اسألة حضرتك ولو فى اى استفسارات اخرى يمكننى الاجابة عنها انا تحت أمرك.
تحياتى
|