[عماد النجار]

استاذ حسين شوقي
اهلا بيك ردا علي سوال حضرتك اللي بتقول فية هل انك جرب الاماكن دي كلها ؟
طبعااكيد لا بس دي تجارب ناس كتير وانا رحت اماكن كتير جدا جدا في صيد الاسماك ولقيت ان التجميع للموضوعات دي في موضوع واحد هيكون فايده للاعضاء وكل واحد يجرب الاقرب ليه وبعدين يحكلنا عن تجربتة
اما بالنسبة للادوار اللي انا مجربة شخصيا فهي كتير جد منه علي سبيل المثال لا الحصر
ادوار القناطر(السد - سراوه - ضروه -الرياح المنوفي- النعناعية -شبرشهاب -الرياح التوفيقي - جمجرة -واخري)
ادوارالفيوم( اللهون - بحر يوسف-بحر واصف_ وادي الريان)
ادوار قبلي (البرومبل _الكريمات _بني سويف _جرزا _العطف_واخري)
ادوارمتر الجبل والرياح الناصري (الطيرية _كفر داود_ابوغالب_واخري)
ادوار الشرقية( بحر ابو الاخضر السعدديين)
وترعة الشرقاوية وترعة الاسماعيلية وترعة السلام وحجات تانية كتير
بس لازم نكون عارفين ان الصيد رزق قبل كل شيء بس الواحد كل ما نبعد عن القاهرة والاماكن المطروقة بيكون افضل.
اما بالنسبة لتنظيم رحلة طبعا انا اكون سعيد بالتعرف علي الناس الحلوة اللي بتحب صيد السمك زيي
بس اعتق د ان الوقت دلوقتي مش مناسب للصيد الا في البحر الاحمر ومش اي حد يستحمل السفر الطويل
والصيد في البحر الا اذا كان غاوي فعلا
ف خلينا نشوف الناس واستعدادتهم الاول وبالنسبة لرحلة صيد في العذب انشاء الله الجو يدفي وانا عندي مكان قنبلة مش موجود في كل القائمة السابقة