[ziyad]

السلام عليكم أعضاء هذا المنتدي الكريم
زوجتي وهي راجعة من الشغل شافت طائر لا يقوي على الطيران وصغير وتقريبًا كان فيه إصابة صغير عند الفم ..
أخذته وراحت بيه لدكتور ومكنتش تعرف إنه صقر.. الراجل الموجود هناك مش دكتور بيطري وميعرفش حاجة قالها بس إنه صقر لكن معرفش يعمل معاه أى حاجة.
بقاله عندنا يومين لسه أول مرة ياكل من شوية.. أكلناه كبده نية مقطعة قطع صغيرة جدا وأكلناه بإيدينا.. فى البداية مكنش راضي يأكل اى حاجة لكن بعد شوية تعب كل الكبدة وشربناه مياه بحقنة صغيرة.

فعلا معرفش حاجة عن الصقور ومحتاج أعرف نوعه وإزاي أتعامل معاه وممكن يأكل إيه وإزاي .. محتاج شوية تفاصيل عنه .. أنا هرفع هنا شوية صور ممكن تفيدكم ولو حد إحتاج صور أكتر ممكن تقولي وأنا هصوره..

أسف جدًا على إزعاجكم وأتمني منكم سرعة الرد