مش حطول عليكم يا جماعة الخير بس كان عندي استفسار لكل واحد فيكم من هواة الصحراء,,,انا عايز اعرف الانواع الموجودة في الصحراء من حيوانات طيور في الصحراء الغربية و الشرقية و سيناء,,,لاني بلاقي كلام غريب اوي عن انواع منعرفش انها هنا اصلا في بلدنا, و الي بنشوفها بعيننا في رحلات السفاري,,,و يا ريت نعمل موسوعة للحياه البريه في مصر في موضوع شامل و تثبت لتعم الفائده لجميع الاعضاء...
يعني مثلا الارانب و الغزلان و اماكن تواجدها و انواعها(للصيد), و القطط البرية و النمور و بردوا انواعها و اماكن تواجدها و القرود(ايوه والله, فيه قرود في الصحراء
), و حتى لو سمع احد منكم كلام عن وجود نوع مميز في منطقة معينة يا ريت يشاركنا بيه لنناقشه لمعرفه مدى صحة المعلومة...
على فكرة المعلومات دي مهمة جدا لاي صياد لان فيه انواع من الي هنقولها مش كتير مننا يعرفوا انها موجوده بالذات الانواع الي ممكن نصتادها مثل الارانب بعض انواع الطيور. (عايزين نغير شوية الحمام و اليمام و ندخل على الاسود
)
حتى لو فيه انواع مش حنستفاد بصيدها او صيدها حيكون تقيل, لازم نعرف انواعها و اماكن تواجدها لتجنب خطرها مثل الثعابين و الورل و العقارب و العناكب السامة...
و انا هابدأ بخريطة بسيطة بها بعض انواع الثعالب و الذئاب موزعة علة الثلاث صحارى, اي معلومة جديده حنظمها و ارفقها هنا...
