اقتباس:
المشاركة الأصلية كتبت بواسطة adel152
انت عارف ياكيرو قصدى بالمصدر مش بلد الصنع. قصدى أسم المصنع الذى صنع هذه البنادق الممتازة ذات الخامة العالية.
لو الكرال والشنغهاى والبام كانوا فى اوروبا قبل احنا مانسمع عنهم فى مصر بسنين ممكن اعرف سبب عدم وجود هذه البنادق الممتازة فى اسواق اوروبا؟
احنا كلنا لما بنحب نعرف تقييم بندقية جديدة فى السوق المصرى بنعرف تقيمها منين ياكيرو؟ بندخل على انه مواقع لمعرفة مواصفات البنادق الجديدة.
انا عايز واحد بس يطلع يقلى أسم المصنع الموجود فى الصين اللى بيصنع هذه البنادق؟
أظن ده سؤال مش صعب لو بيتسأل على أى بندقية أخرى؟
ليه ماحدش بيرد عليا فى الاسألة المفيدة: انه مجموعة زناد للديانا ممكن يركب على هذه البنادق؟
انا ابتديت احس انى بسأل على نوع مخدرات جديد ممنوع الاجابة على أى سؤال بخصوصه!
راجع كده أى أعلان عن بيع هذه الانواع من البنادق مش هتلاقى 3/4 البينات المطلوب كتابتها زى أى بندقية أخرى معروفة. يعنى الناس بتدفع 2500 جنيه على كلام حضرتك فى حاجة ماحدش عارف يكتب مواصفات ليها دقيقة غير انها شبيهة الديانا!
حتى أقل حاجة زى سرعة البندقية مافيش اثنين أتفقوا على سرعة محددة وكل واحد بيتكلم عن قياسه لبندقيته على الكرونوميتر. طيب المصنع الغير معلوم لغاية دلوقتى مش منزل كتالوج يقول فيه سرعة البندقية زى باقيت البنادق؟
عموما انا مش هأعلق على هذه البنادق مرة أخرى ومبروك عليكم البنادق الجديدة الشبيهة بالديانات لغاية الايام ما تثبت صحة أو خطأ كلامى.
خالص تحياتى للجميع.
|
كلامك صح جدا طبعا و مفيش خبير بيحترم بندقية مجهولة المصدر
انا بس معترض معاك فى موضوع الكتالوج لانه موجود و صورته و وعدتك به فى موضوع آخر فى المنتدى بس مشكلة رفع الصور على المنتدى هى السبب لان الصور برفعها من الفيس و الكتالوج مينفعش يترفع على الفيس لان الموديلات مش كلها متاحة و الكتالوج موجود فيه كل موديلات الصقر الفضى و مواصفاتها و سرعتها و لو تبعتلى رقمك على الخاص ابعتهملك على الواتس اب و نزلهم للافادة العامة
و عن تجربة شخصية للصقر الفضى و الشنغهاى اللى بيتقال عليهم بالبلدى صينى هاى باور
بخصوص الخامات .. خاماتها تضاهى الاسبانى طبعا ( فئة الشادو)
بخصوص الزناد .. لا يرتقى للانجليزى و الالمانى و هذه الفئة
بخصوص الدقة و التجميع .. مقارنة بسرعات اعلى من 260 متر\ثانية تعتبر مممممتازة بعد التليين
بخصوص القوة (الجول) .. رهيبة
بخصوص قطع الغيار (سوستة و جلبة) .. اى سوستة نفس المقاس لبندقية تانية حتركب عليها سواء كانت شبيهة ال350 ماجنم او اى موديل آخر
و فى المجمل هى افضل من البام الطرشة و تقريبا نفس خامات البام
رخص الثمن بسبب وجود بعض القطع الداخلية من الفايبر (اجزاء من الزناد و احيانا الدليل ... الخ) لكن باقى الخامات الخارجية (كانون - دبشك - ماسورة) مممممتازين جدا فى خامات الحديد و الخشب
لو حطتهم فى مقارنة مع الجامو شادو1000 .. الصينى يكسب فى المجمل "ماعدا الزناد"
و ده رأى شخصى من الاستخدام و بعض الفحص العادى