رد: فتح الترخيص للحي
طيب طالما انتوا متاكدين ان المسدس الحلوان تقليد البريتا بالف ونص اذا ايه هى الشروط اللى عايزين نطالب بيها لتقنين الوضع والشروط المجحفة اللى عايزين نلغيها خلونا بقى نكلم بموضوعية شوية بعيد عن الامانى.
انا من وجهة نظرى شايف تكون الشروط كالاتى :
اولا :مستوى التسليح لا يتجاوز طبنجة 9 مللى نص اوتوماتيك يعنى متبقاش زى الايكول اللى بيضرب الى وفردى لا تضرب فردى بس مش full auto واللى يحوز سلاح اكثر من كده يعاقب بتهم الارهاب واعتقد ان ده شئ عادل بقدر كافى لمنع سباق التسلح زى ما بيقول البعض ونبقى حققنا قدر الحماية اللازم ويتم تسليح الشرطة بمستوى اعلى من كده عشان يضمنوا التفوق فى التسليح على المدنيين وده شئ طبيعى ومنطقى.
ثانيا :يحدد سن حيازة السلاح زى رخصة القيادة يعنى اللى عايزه كسلاح شخصى بدون دواعى امنية يكون الحد الادنى 30سنة واللى عنده اسباب زى طبيعة المهنة مثلا تكون 25 سنة ( على فكرة انا عندى 27 سنة ) يعنى كده افقدت نفسى احد الشروط وده لان الشباب اكثر سهولة فى فقد اعصابهم والتهور .
ثالثا:لكل شخص حيازة سلاح واحد فقط بنفس شروط القانون القديم ولشخصه فقط دون الغير.
رابعا : يجب على كل من يريد التقدم باوراقه لحيازة السلاح النارى الحصول على دورة تدريبية فى فك وتركيب وصيانة السلاح النارى ودورة تدريبية فى الرماية من جهة معتمدة مثل الجيش او الشرطة .
خامسا : اجتياز كشف طبى بدنى ونفسى من خلاله يستطيع تحديد عما اذا كان لديه القدرة على استعمال السلاح النارى بامان دون خطورة على الاخرين من عدمه .
سادسا : استيراد الاسلحة النارية من الخارج تكون خاضعة للشروط الواردة فى البند اولا وتتم بمعرفة وزارة التجارة الخارجية وتحت اشراف وزارة الداخلية .
سابعا : ان يكون طالب الترخيص من حملة المؤهلات العليا من احدى الجامعات المصرية المعتمدة وذلك للرقى بالمستوى العلمى والثقافى لحاملى السلاح لان اكثر ما يرتكب من الجرائم من الاميين اللذين لم يحصلوا على القدر الكافى او الادنى من التعليم .
ارجو من لديه اضافة او تعليق المشاركة لنخرج هذا الموضوع من عقولنا لارض الواقع .
|