عرض مشاركة واحدة
غير مقروء 12-10-10, 10:07 PM   #1
Orabi
صيــــــــــاد محــــترف& عضو ذهبى

اوسمتي

 
الصورة الرمزية Orabi
 
تاريخ التسجيل: Feb 2012
المدينه: مصـــر أم الدنيـــا
المشاركات: 2,759
معدل تقييم المستوى: 560
Orabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدىOrabi عميد بالمنتدى
Smile حصريا: وعندنا بس نتائج وصور و فيديو مسابقة الرمايه الثانيه للمنتدي لعام 2012

بسم الله الرحمن الرحيم
تحياتي يا أجدع و أجمل صيادين ... تحياتي لكل من ساهم في نجاح البطوله الثانيه لمنتدي الصيد في مصر ... أول من سأشكره هو سيادة المستشار / محمود بك فليفل الذي أعتبره محب الهواية الأول بالمنتدي ... رجل قلما وجدت في أخلاقه و كرمه ودعمه الدائم ورعايته لمسابقات المنتدي. المفاجئه في المسابقه دي كانت حضور المخضرم .. المحترم و نجم المنتدي و أحد أعمدته الدكتور/ محمد كمال الذي أثري وجوده المسابقه و أضاف لها بريق و تميز.
طيب مش عايز أطول عليكم علشان مشتاق أحكيلكم علي اللي حصل في اليوم ده .....
اتجمعنا كلنا الساعه 2.30 ظهرآ أمام مستشفي دار الفؤاد و اتحركنا كلنا علي فيلا سيادة المستشار علشان نبتدي زي ما حددنا علي الساعه 3 عصرآ. الناس اتجمعت و كله عمال يظبط بنادقه و العمليه مشعلله و كلها حماس.
المسابقه المره دي كان نظامها مختلف لأننا كنا ما شاء الله 23 متسابق. فعملنا مسابقة العشره متر (كل متسابق ضرب خمس رشات) و أخدنا العشره الأوائل و عملنا بيهم تصفية العشرين متر. و كانت احدي المفاجأت هو الطفل يوسف ابن المستشار محمود فليفل ان يكون ضمن العشره الأوائل ... ما شاء الله ابن الوز عوام.
المهم المنافسه اشتدت قوي في العشرين لأن ما شاء الله الناس كلها صيادين جامدين و الفروق في النقط كانت حاجه بسيطه. بعد طحن العشرين متر استطاع النجم هشام سمير أن يقتنص المركز الأول بفارق 4 نقاط عن النجم محمد محمود و بفارق سبع نقاط من العبد لله حسن عرابي ... هنيالك يا عم هشام
خلصنا المسابقه و اتحركنا علي الفيلا الثانيه لمحمود بك بس متقلقوش الأتنين جنب بعض و قمنا بتسليم الجوائز و الشهادات و الميداليات التذكاريه و كالعاده محمود بك الرجل المضياف كان عامل أقل ما يقال عنها وليمة من السمك و الجمبري و الجمبري ايه ... جمبري جمبري يعني
الناس قعدت بعد كده في قعده جميله شيقه نتجاذب فيها أطراف الحديث و لم يخلو الجو من المداعبات و المرح و بجد يا جماعه اللي مجاش خسر كتير .. طبعا يوم كان جميل و هيتكرر قريب جدآ جدآ بمفاجئه من العيار الثقيل جدآ جدآ تليق بمنتدي الصيد في مصر الأصلي
أسيبكم مع الفيديو و الصور


فيديو المسابقه

الفائزين بالمسابقه

المركز الأول :
النجم هشام سمير


المركز الثاني :
النجم محمد محمود


المركز الثالث :
النجم حسن عرابي


كلمة سيادة المستشار محمود فليفل و الدكتور محمد كمال

كلمة النجم هشام سمير

صور من المسابقه






























































إنتظرونا في المسابقه القادمه قريبآ جدآ و بمفاجئه جامده جدآ جدآ ...

منتدي الصيد في مصر ... أول و أشهر منتدي صيد في مصر .. معانا مش هتقدر تغمض عينيك
__________________
سبحان الله و بحمده سبحان الله العظيم
[CENTER]
Orabi غير متواجد حالياً   رد مع اقتباس
sponsor links