[braveheart]

المشاركة الأصلية كتبت بواسطة tarekvb

( أنت هتشيل ذنب أي حد برئ سيصيبة هذا البلي)
ده فى حالة لو البائع عارف ان اللى هيشتريه هيضر بيه فقط مش فى المطلق والا مكنش حد باع سكاكين فى الاسواق وجميع ادوات المطبخ الحادة الذنب سيقع على تصرف المشترى يعنى لو واحد بيبع مفتاح انجليزى مش هقولك سلاح واحد اشتراه وضربه بيه على دماغة يبقى البايع عليه ذنب لو واحد اشترى سكينة مطبخ من سوبر ماركت وخرج قتل واحد يبقى صاحب السوبر ماركت عليه ذنب ؟؟؟ ولو بالمنطق ان البائع عليه ذنب تصرف المشترى مكنش حد باع حاجة خالص واحد اشترى حبل وخنق بيه واحد قتله صاحب الحبال عليه ذنب مثلا ؟؟؟ كذلك مسدسات البلى لو واحد باعه لواحد عارف ان المشترى هيضر بيه شال الذنب انما لو واحد اشترى مسدس بلى حماية ليه ولاهله ايه الغلط فيها زيه زى الشومة زى السكينة طب احنا ليه بنادى بسهولة ترخيص السلاح الحى اللى هو اقوى من البلى مش عشان الحماية ؟؟ البلى زيه زى الحى فى الغرض بالتمام ليه مش بتنقول محدش يرخص حى ولا يشيله ؟؟؟ مهو بالمثل

فى ارض الواقع اقتراحات صعبة التنفيذ جدا انت بتقول مش عايز (قرن غزال) طب ممكن واحد يقول للاقتناء اشمعنى سمحت للخنجر المنقوش للاقتناء وممكن برده يستخدم فى القتل ومسمحتش بقرن الغزال للاقتناء هتلاقى اللى هيقول يا عم انا مزاجى اقتناء قرن زى مالتانى مزاجه خناجر.

هنرجع لنفس النقطة الا وهو حكمة المشترى فى استخدام السلاح يفضل السلاح القصير مش هتحصل لانه هيبقى مدلية موضوع يكتب ان لتزكية الطير مش مقنع واحد هيدخل ومحتاج مطوة عشان يقتل واحد وهيقولك لتزكية الطير (ايه الحاكم اللى فى الموضوع ؟؟)
البند الاخير مفرقتش حاجة واحد ملوش فى الصيد وعايز مقتنيات الاعضاء وعارف انها مش هتظهر فى المشاركات الاخيرة مش هيروحلها وهيروح المقتنيات على طول ومش هيروح المشاركات يبقى احنى عملنا ايه ؟؟؟ هى هى وصل لهدفه مش مشكلة الطريقة
بالنسبة لموضوع لازم كوبى من الرخصة للسلاح الحى انا معاك فى الموضوع ده الرخصة تتاخد بالاسكانر ويتم رفعها وكمان يتم تصوير سيريال المسدس للمطابقة (ودعنى اهمس فى اذنك بالفوتوشوب اعملك كل ما سبق زى الحلاوه) الافضل منع الحى خالص برخصة او بدون لو عايزين نمنع

عزيزي طارق ... كما عودتني دائمــــــا .. فلك قدرة هائلة في تفسير و تحليل المواضيع الحساسة ، و لكن دعني أستخدم أسلوبك بالأخذ بالنقاط نقطة نقطة :

السكاكين ... أدوات مطبخ يا صديقي ... و هي ضرورية في كل بيت تقريبا ... و عندما تستخدمها أستخدام خاطئ ، فهذا يرجع لك أنت.
أما مسدس البلي فليس له إلا أستخدام واحد فقط ... يعرفة البائع و المشتري جيدا.
و إذا أثرنا الجدال في هذه النقطة ... فالسيارة تعتبر قاتلة و نحرم بيعها ... الأمر يا عزيزي هنا هو أننا نتقي الشبهات.

بالنسبة للمطواة القرن غزال .. فقد ذكرتها لأنها مجرمة بالقانون ( بالأسم ) .. و بالنسبة للخناجر و السيوف .. فهناك من يحب أقتنائها لتزيين الحوائط كديكورات بالمنزل ، و حين يضع البائع صورة لها ... أعتقد أنه من دورك كمشرف أن تعرف الفرق بينها و بين السنجة أو السافورية التي لا تستخدم للأقتناء أو كديكور ... كما أنني أطالب بتصنيف مثل هذه الأشياء كـ ( مقتنيات أعضاء ) و ليست أدوات للصيد .. و المعني واضح.

بالنسبة لموضوع لازم كوبى من الرخصة للسلاح الحى انا معاك فى الموضوع ده الرخصة تتاخد بالاسكانر ويتم رفعها وكمان يتم تصوير سيريال المسدس للمطابقة (ودعنى اهمس فى اذنك بالفوتوشوب اعملك كل ما سبق زى الحلاوه) الافضل منع الحى خالص برخصة او بدون لو عايزين نمنع

السطور السابقة مقتبسة من كلماتك ... و فيها تناقض غريب لرأيك الأول في أستخدام مسدسات البلي للدفاع عن النفس .. فهل الأفضل أن نستخدم مسدسات البلي و نحرم المسدسات الحي ( المرخصة ) ... كما أنني أعرف مقدرتك في اللعب علي الفوتوشوب و هو من هواياتي أيضا ... و لذلك أنا أري أنك الرجل المناسب في المكان المناسب في منتدي السوق لأنك ستكشف كل التلاعب في الصور ببساطة و كفاءة و تحياتي لك.