رد: من حقي ان احمي نفسي واهلي وما املك
عزيزي جنرال،
انا بقالي ٣ سنوات مش عارف استخرج رخصه . المره الاولي من ٣ سنوات فضلت رايح جاي من القسم لامن الدوله لغيره وبعد سنه ونص البلوكامين قالي كل الاستعلامات خلصت من زمان وانت عندك كل الشروط من ارض وشركه بس للاسف لازم تكون تعرف حد ولو متعرفش حد "بس يكون كبير" ريح نفسك وانسي الموضوع
المره التانيه من شهرين (بعد ماصدقت اللي مكتوب في الجرايد والتلفزيون وضحكت علي نفسي وقلت الدنيا اتغيرت واحسن الف مره للداخليه ولي انها تصدر الرخص علي الاقل تعرف مين العبيط اللي عاوز يحمي نفسه بدل مايروح يشتريه ب ٢٠٠ ج من مليون حته) وبرضه كل الاستعلامات سليمه بس برضه قالي لي نفس الكلام "يالا كلم اللي تعرفه علشان الاستعلامات خلصت " واستغرب اوي لما قلتله اني ماليش حد.....!!!!!!
وهو ده اللي نفسي فيه، يبقي الحد اللي اعرفه دستور بلدي اللي يديني الرخصه بس مايكونش قانون تحت رحمه وزاره الداخليه تغيره براحتها وتمنحه للي عاوزاه وتسحبه من اللي عاوزاه واخر المتمه يقتلونا بيه
|