عرض مشاركة واحدة
غير مقروء 12-11-02, 03:40 PM   #1
realfighter
صياد متقدم
 
الصورة الرمزية realfighter
 
تاريخ التسجيل: Nov 2012
المشاركات: 901
معدل تقييم المستوى: 115
realfighter من اهم اعضاء المنتدىrealfighter من اهم اعضاء المنتدىrealfighter من اهم اعضاء المنتدىrealfighter من اهم اعضاء المنتدىrealfighter من اهم اعضاء المنتدىrealfighter من اهم اعضاء المنتدىrealfighter من اهم اعضاء المنتدىrealfighter من اهم اعضاء المنتدىrealfighter من اهم اعضاء المنتدىrealfighter من اهم اعضاء المنتدىrealfighter من اهم اعضاء المنتدى
إرسال رسالة عبر Yahoo إلى realfighter
افتراضي تحذير من الفرد الخرطوش

السلام عليكم
الموضوع يا جماعه انا لتانى مرة بكتبه او بمعنى اصح بنقله لانى كنت كاتبه فى المنتدى على الرابط القديم
والاكونت مالهوش اى وجود هنا بعد ما عملت اكونت جديد بنفس الاسم هنا لان الاكونت بتاعى بيفتح بس على الرابط القديم

السلام عليكم ورحمة الله
اولا احب امسى او اصبح ع اعضاء المنتدى المحترمين وع طاقم الادارة كمان قبل ما اكتب الموضوع ده بخصوص الفرد الخرطوش اللى بقى ف الفترة الاخيرة زى ما انا بطلق عليه من وجهة نظرى (صديق المجرم) هههههههههه لانه انتشر كتير وبقى ف ايد اى مجرم او بلطجى
فكرت اكتب الموضوع ده بعد ما كنت قريت موضوع قديم بعنوان خطورة الفرد الخرطوش وكان لاحد الاعضاء المحترمين هنا والناس كانت تقريبا مختلفه انه خطر او مش خطر او وسيلة للدفاع عن النفس ما علينا خلينا ندخل ف الموضوع
اولا الفرد الخرطوش اللى موجود ف مصر معظمه اذا مش كله صناعة محلى فبالتالى اول مشكله فيه انه مش هيكون مرخص باى حال من الاحوال وده لاسباب كتير منطقية واهمها انه هيكون خالى من اى عنصر من عناصر الامان ببساطه لانه مصنوع كده بالبركة من غير مقايسة ولا مواصفات ولا تصاريح ولا..................الخ
وبما انه من غير مقايسة او مواصفات موحده وف ييجى الاف وشوية بيصنعوه يعنى هتلاقى الفرد اللى ف السوق(السوده) بميت شكل وخامات مختلفه اللى من خامات معقوله وقد يكون ليس له اضرار فنيه
لكن هنا هتكون الخطورة ف عدم وجود امان بالمرة بالاضافة لقصر طول الماسورة اللى هتخلى مجموعة البلى هتفرش على ارتفاع قريب جدا من الفرد يعنى ممكن تصيب اى حد قريب من المحيطين بالشخص اللى هيستعمله وخاصة اذا بيضرب ف فرح او اى مكان زحمه ده عيب والعيب التانى ان ممكن يكون فرد من خامات كويسة بس مافيش اى مسافة فاصلة بين الابرة والشاكوش(الطارق) يعنى بتضرب اول خرطوشة واذا هتضرب التانيه اذا نسيت ترجع الشاكوش قبل ما تعمر الخرطوشة التانيه كده شكرا لان بمجرد انك تقفل الفرد هتحتك الابرة بكبسولة الخرطوشة وهتنطلق تلقائى بشكل مباغت وهنا الفرد نفسه هينطلق بالاتجاه المعاكس لشدة رد الفعل بالاضافة لجملة من المصابين اللى هتصيبهم الخرطوشة ده بعد ما تدمر ايد اللى بيستخدمه ده ف احسن الظروف اذا بتستخدم فرد من صناعة واحد فنان او محترف اما لو بتستخدم فرد مصنوع من مواد رديئة وماسورة ميه (مصنوع بغرض تجارى )او مش على ايد محترف هنا اكيد حجات كتير هتحصل زى ان الماسورة ممكن تنفجر ولك ان تتوقع حجم الخسارة ليك وللشخص القريب منك ولو حظك كويس والماسورة صمدت لعدة طلقات ممكن يحصل ارتداد نارى ناتج عن تسرب الغاز للخلف وده بيكون بسبب عيوب فنية من المصنع مع ردائة الخامات واكيد هنا كمان هيحصلك اصابة وف افضل الظروف اذا ما قابلكش ده كله ممكن ينوبك جرح ف قبضة ايدك اللى بتضرب بيها وده نتيجة لشدة رد فعل الفرد وخاصة اذا عيار 16 وخرطوش مستورد مش مصرى وده بيكون بسبب ان الفرد حتى لو اتصنع من خامات جيده جدا وعلى ايد محترف ما بيكونش مر باى حسابات لتوزيع رد الفعل الناتج عن الانفجار وهنا ممكن رد الفعل يتركز كله ع نقطه واحده بايدك وقد تكون اضعف مكان بايد المستخدك زى المكان ما بين السبابة والابهام سهل جدا انه يتفتح ومش هيكون جرح سهل ابدا
واسف ع الاطاله بس كل دى عيوب ف فرد الخرطوش المحلى وكلها مرت على ولو فرضنا ان كل الكلام ده مش موجود وفرد الخرطوش حلو وكويس وابن حلال برده بيفضل محذور قانونيا شئنا ام ابينا ولا يمكن ترخيصه باى حال من الاحوال
ومنتظر ردود الاعضاء وشكرا
__________________
وعباد الرحمن الذين يمشون على الأرض هونا وإذا خاطبهم الجاهلون قالوا سلاما

التعديل الأخير تم بواسطة pooforever_2010 ; 12-11-03 الساعة 12:09 PM
realfighter غير متواجد حالياً   رد مع اقتباس
sponsor links