السلام عليكم ورحمة الله وبركاته
بداية ارحب بإخواني أعضاء المنتدي الكرام
الموضوع بإختصار شديد هو كيفيةعمل جلبة بيت الرش بأقل التكاليف للبنادق ذات العتله
ندخل في الموضوع
نوع البندقية المعمول لها الجلبه بايونير 21
الأدوات المطلوبة
1- مبرد ديل الفار المقاس الموضح في الصورة ثمنه 7 جنية
2- جلبة مسلوبة بتيجي من عند بتوع الاورنج والاويل سيل والسيور والجلب وكدا ثمنها 1 جنيه او حسب خامتها مش هتفرق كتير يعني اكثرها 3 جنيه
3- سيلكون من نوع xtraseal 750f ذو اللون الرصاصي الخاص بعمل الجوانات ثمنه 7.5 جنية
4-بنطة شنيور مقاس 3.5 ملى او 3
خطوات العمل
نقوم بإدخال الجلبه في المبرد كما هو موضح في الصورة ونفضل شغالين لغاية لما نوسع الجلبه
بعد كدا هتكون تقريبا بالشكل دا
بعد كدا نجربها فى المكان الى المفروض تبات عليه في البندقية والى هو بداية ماسورة البندقية او بيت الرش في البندقية
بعد كدا بنفتح العتلة الجانبية بس بدون ما اخليها تعمر علشان استفيد بضغط السوستة على الجلبه تقوم تطبع على مكانها وبعد كدا بحط الجلبه فى البنطه وأبيت البنطة في الجزرة نفسها بتاعت البندقية لغاية لما تقف
الهدف من كدا اني امنع ان السيلكون يوصل للفتحة دي ويسدها الى المفروض بيخرج منها الهوا
وبعد كدا نحط السيلكون بتاع الجوانات فى المكان الفاضي دا ومش لازم تكتر منه لأنك هترجع تمسح الزيادات
بعد كدا انزل الجلبه على السيلكون لغاية نهاية مشوارها في الجزرة يعني لغاية لما تقف وثبت على مكانها
بعد كدا نقفل العتلة الجانبية من غير ما نشيل البنطة بنخلى البنطة تدخل في الماسورة لأن لو شيلنا البنطة السيلكون الزائد هيسد الماسورة وطبعا زى ما قلت مش اخليها تعمر علشان استفيد من ضغط السوستة على الجلبة والسيلكون
بعد كدا سيبها يوم براحتها لغاية لما السيلكون ينشف
وبعد كدا جرب وادعي لي
الى عاوز ينقل الموضوع في اى حته ينقل رغم ان الموضوع مجهود شخصي 100% ولكن مش مهم
ليس المهم ان يقال من قال المعلومة ولكن المهم ان يستفيد كل من تصل إليه المعلومه