اقتباس:
المشاركة الأصلية كتبت بواسطة momo44
اولا احب اشكر حضرتك جداااااااااااااااااااااااااااااااااااااااااااا للرد الوافى
انا فعليا عندى بوصة وماكينة صينى كنت جايبهم من زمان للصيد النيلى او من على الشاطئ
وكمان عندى بوصة اخرى وماكينة بتاعة الوالد كان بيصطاد بيها من بحيرة ناصر (احجام كبيرة)
بس انا حبيت اطور الموضوع شويتين وكنت عايز اصطاد بالجر والتسقيط
فهل عمدة التسقيط تصلح للجر والعكس ؟؟؟؟؟
وبالنسبة للماكينة ايه رأى حضرتك فى البانكس sx5000 ؟؟؟
يعنى مثلا لو قلنا تسقيط
يبقى الماكينة ايه والبوصة ايه ؟؟؟؟
ولو جر يبقى ماكينة ايه وبوصة ايه ؟؟؟
انا عايز اجيب الحاجة كلها مرة واحدة
يعنى اجيب كام بكرة 60 وكام 80 وكام 100 وهكذا وكذلك ايضا الرصاص والسنون
معلش انا تاعب حضرتك معايا
بس انت الوحيد اللى لقيته معانا فى البرى وليه كمان فى البحرى (ما شاء الله) انا مش بحسد انا بقر 
هههههه
تقبل مرورى |
سيدى الفاضل كده انا فهمت انت عايز ايه بص ياسيدى انت ok عندك عدة الكاستنج ممكن ان تستغل الماكينة البانكس 500 ودى هايلة وتنفع التسقيط اما البوص تختلف فلابد من بوصة تسقيط صغيرة وارشحها لك 165 سم دى تشغلها مع البانكس تبقى هايلة للاسبيننج اى التسقيط الان بوصة التسقيط لها مواصفات ماينفعش مثلا التليسكوبى اما هى فلابد ان تكون قطعة واحدة صب او قطعتين صغيرتين ويكون الليبرة او الرطل لايقل عن 40 ليبرا وممكن ايضا استخدام هذه العدة بخلاف التسقيط تشغلها جيجنج اذن انت فقط ناقصك بوصة صغيرة للتسقيط اما الشعر فيكفى 60 او 70 للتسقيط .
اما الجر فله بوص ومكن مختلف تماما ولاتصلح عدة التسقيط للجر وحاقولك ليه لان بوصة الجر بها عجل يجرى بداخله الخيط والعلة واضحة من وجود العجل انت على ملاكب بيسير بسرعة جدا وبتجر معاه اثناء السير فلو هناك دبل عادية الخيط حيفرقع لانه سوف يسخن جدا اذن لابد من وجود بوصة صيد ترولينج
اى جر اما الماكينة ايضا مختلفة عن المكن العادى وايضا العلة واضحةلان العادية لاتصلح لان تروسها سوف تفوت فورا من فرط الجر اذن نصل الى لابد منوجود بوصة للجر وماكينة للجر اما الخيط من 70 وانت طالع وهناك احدث خيط امريكى اسمه باور برو ليس شعرا بل حيط يشبه الغزل ولكن يتحمل ليبرات عالية جدا ولاياخذ سعة فى حلة الماكينة اما الرصاص فهو للتسقيط فقط رصاص متوسط زيتون وهناك رصاص حديث لايوعر عبارة عن خرطوم وبداخله الرصاص والاوزان حسب سرعة الريح اما السنون من 0-1 حتى 0-4 اما الجر فهناك رابلات فقط ولك منى تحياتى .