[ALI ABAZA]

المشاركة الأصلية كتبت بواسطة amrhady

أنا لسه مشتري مسدس كرال كناس مجنم 9 ملم 19+1 الأسود من محل أبوسيف في حدايق القبة يوم الاثنين اللي فات 2/12/2013 وبصراحة راجل جد ومحترم ومعاملتهم حلوة وكلهم ذووق وأخلاق والله وبالهم طويل كأنهم أصحابك وخاصا إني كنت متردد -(عشان الفلوس اللي معايا ومش كل شوية هاشتري وعايز حاجة كبيرة وشبه البيريتا 92 تعيش وهيبه وتشرف)- بين ريتاي إيجل والبلو 92 والكناس مجنم ولكن الحمدلله ساعدوني في الاختيار واخترت الكناس مجنم وهو فعلا مسدس جامد وماسورته بيمسك فيها المغنطيس ولمعته نص لمعة وتقفيله وفينيشه حلو أحلى من الفيرات مجنم والبلو 92 ووزنه تقيل نسبيا بس مقبول مش زي وزن الريتاي إيجل. ونسبه تقريبا : طوله 21 سينتيمتر (210 ملي) وارتفاعه 14.5 سينتيمتر (145 ملي) وعرضه 3.8 سينتيمتر (38 ملي) ووزنه (1150 جرام) وطول الماسورة 12.5 سنتيمتر (125 ملي) وماسورته مفتوحة من المصدر بس طبعا جواها طبة بتتفك بمفك رفيع وماشاء الله هيبه وشكله محترم وصوته عالي و جامد لما جربهولي بثلاث طلقات التركي أوذكرشان الفضي الp.a العلبة الصفراء ضربهم بسرعة ورا بعض بصراحة وداني قفلت وزنيت وصفريت من الصوت وعلى فكرة علو الصوت برضو بيعتمد في الجزء الأكبر على نوع الطلقة وكمان جودة الخامات المصنع منها المسدس الصوت وماشاء الله الكناس مجنم واضح من شكله إنه جامد وطبعا شركة كرال معروفة بالجودة العالية في التصنيع والفينيش حلو مش بطال مقارنا بغيره زي الريتاي هو أقل حاجة صغيرة وأفضل من البلو 92 وأرقى خاصا عن الفيرات مجنم وخاصا للي عايز حاجة كبيرة و تشبه البيرتا 92 وهذا لا يعيب في المسدسات الآخرى السابق ذكرها بالأعلى وكلها جامدة برضو و طبعا ومن الآخر كل نوع مسدس ليه الناس اللي بتقدره ومش عيب إنه نادر ومش كل الناس عرفاه قصدي على الكناس مجنم وهي برضو عملية ارتياح نفسي والحمدلله ... وعلى العموم أنا لسه مجربتوش بنفسي لما جيت البيت بس الحمدلله وإن شاء الله هيكون مية مية وربنا يباركلي فيه ويديني خيره ويكفيني شره هو و الريتاي بارون اللي عندي وعقبالكم وكفاية إني شريه من أبوسيف أبو الذووق والاحترام الراجل الجد الله يباركله يارب.



آسف على الإطالة...

بس كان واجب عليا أشكر الأستاذ خالد حامد صاحب محلات أبوسيف.
https://www.facebook.com/HuntingCacciaAdwatSyd
ومنه توضيح للي بيفكر أو عايز يشتري مسدس صوت بإمكانيات معتدلة وشركة معروفة وخامات جامدة ومحترمة وصوت عالي رعد وفينيش رائع لا يقارن طبعا مع الإيطالي والألماني وإن شاء الله كل ده في الكناس مجنم وما كامل إلا وجه الله تعالى.

وإن شاء الله أرجو التثبيت من الإدارة

للإفادة كمعلومة صغيرة على قدي وأنه من أول مشاركاتي وربنا يقدرني وأساعد أكتر وشكرا وآسف مرة تانية على الإطالة...

الف مبروك على المسدس
كان عندى كام سوال ارجو الرد
هل الكناس فردى فقط
الاصدار الحفر افضل ام الكتابه
ممكن صورة ليه شكرااااا
ومبروك مرة اخرى