[momo44]

المشاركة الأصلية كتبت بواسطة ايهاب ابو الوفا حمدى

سيدى الفاضل كده انا فهمت انت عايز ايه بص ياسيدى انت ok عندك عدة الكاستنج ممكن ان تستغل الماكينة البانكس 500 ودى هايلة وتنفع التسقيط اما البوص تختلف فلابد من بوصة تسقيط صغيرة وارشحها لك 165 سم دى تشغلها مع البانكس تبقى هايلة للاسبيننج اى التسقيط الان بوصة التسقيط لها مواصفات ماينفعش مثلا التليسكوبى اما هى فلابد ان تكون قطعة واحدة صب او قطعتين صغيرتين ويكون الليبرة او الرطل لايقل عن 40 ليبرا وممكن ايضا استخدام هذه العدة بخلاف التسقيط تشغلها جيجنج اذن انت فقط ناقصك بوصة صغيرة للتسقيط اما الشعر فيكفى 60 او 70 للتسقيط .
اما الجر فله بوص ومكن مختلف تماما ولاتصلح عدة التسقيط للجر وحاقولك ليه لان بوصة الجر بها عجل يجرى بداخله الخيط والعلة واضحة من وجود العجل انت على ملاكب بيسير بسرعة جدا وبتجر معاه اثناء السير فلو هناك دبل عادية الخيط حيفرقع لانه سوف يسخن جدا اذن لابد من وجود بوصة صيد ترولينج
اى جر اما الماكينة ايضا مختلفة عن المكن العادى وايضا العلة واضحةلان العادية لاتصلح لان تروسها سوف تفوت فورا من فرط الجر اذن نصل الى لابد منوجود بوصة للجر وماكينة للجر اما الخيط من 70 وانت طالع وهناك احدث خيط امريكى اسمه باور برو ليس شعرا بل حيط يشبه الغزل ولكن يتحمل ليبرات عالية جدا ولاياخذ سعة فى حلة الماكينة اما الرصاص فهو للتسقيط فقط رصاص متوسط زيتون وهناك رصاص حديث لايوعر عبارة عن خرطوم وبداخله الرصاص والاوزان حسب سرعة الريح اما السنون من 0-1 حتى 0-4 اما الجر فهناك رابلات فقط ولك منى تحياتى .

انا معنديش البانكس 5000 sx انا لسة ان شاء الله هجيبها
بس انا لقيت الناس كلها بتشكر فيها
بس كده انا رسيت على عدة التسقيط
ماكينة بانكس sx5000
بوصة صب (ترشحلى نوع ايه وقطعة ولا قطعتيت) هجيبها حسب اللى حضرتك هترشحهولى
شعر 60 او شعر 80 (اللى انت برده هترشحهولى)
شعر للجيجينج(حضرتك مذكرتوش) برده اللى هترشحهولى هجيه ان شاء الله
رصاص الذى لا يوعر عشان لو اصطدت جنب شعب(اقول للراجل عايز ايه)
السنون من 0-1 حتى 0-4

كده العدة دى تنفع تسقيط وجيجنج (صح كده)
والعدة القديمة تنفع كاستنج (صح كده)
هوة الصيد من النيل كاستنج ولا تسقيط ؟؟؟؟؟؟؟؟؟؟؟

هل انا بقى محتاج اى حاجات تانية او كماليات اخرى


واخيرا احبب اكرر شكرى لحضرتك على الاستجابة السريعة
ومفيش رحلة حضرتك طالعها قريب يبفع اجى فيها معاك (هو حضرتك من القاهرة ولا الاسكندرية)