[osamaboha]

المشاركة الأصلية كتبت بواسطة ebrahem

يا حضرة الديزاينر المحترم تعالى نتناقش بالعقل..الموضوع من الممكن تنفيذة ولكنة سيكلفك كثيرا لتصل لنتيجة نهائية مقبولة مع وجود عامل مخاطرة كبير
والموضوع يحتمل شق هندسى وشق امنى..
بالنسبة للشق الهندسى: تصنيع قطعة سلاح تتطلب مجهودات فريق متخصص فى علم صلادة المواد ومقاومة الاحتكاك والحرارة والمرونة المطلوبة يعنى نقطة ومن اول السطر مثلا دراسة الاجهاد الناتج عن المقذوف ومدى قدرة تحمل المنتج لألف مقذوف مثلا بدون داميج أو كوروجان أو فاتيج يعنى بدون حدوث كسر أوتآكل فى الخامات وذلك يتطلب:أولا الاطلاع على امهات الكتب فى اختيار مواد التصميمات الهندسية مثل جونسون أند ميلور ثيرى اوف ايلاستيسيتى آند بلاستيسيتى مما يهيئك لاختيار المواد ذات قوة صلادة وتحمل ومقاومة مناسبين وطبعا صعب فى بلادنا تحصل على مواد متوصفة فعليك اجراء اختبار الصلادة بنفسك وهذا مكلف
هل تعلم ان السوستة لها حسابات تصميم تضمن استمرارها فى الأداء دون ان تنكسر أو تضعف أو يقصر طولها أو يحدث لها انبعاج حول الدليل.
كذلك الخلوصات بين الاجزاء تتطلب دراسة التوليرانسز أند كليرانسز من أى كتاب ماشين تول ديزاين
النشغيل داخل الماسورة لة خطوات تتطلب دراسة البورنج ماشين مثلا وهى غير منتشرة فى مصر للمقاسات التى تريد..
وفى النهاية الشغل لو نجح برضة اسمه هاند ميد يعنى القطع التالية لن تكون متطابقة ابدا ومن الصعب تركيب قطعة سلاح لسلاح آخر غير ان أى خطأ من الممكن ان يتسبب فى انفجار السلاح واحداث اصابات قاتلة لحاملة.

ثانيا: الشق الأمنى
تخيل لو انك مدير امن القاهرة مثلا، وسمعت بتلك الاخبار السعيدة .. شاب زى الورد بيجرب يصنع سلاح مميز وبيروج لأفكارة الى ممكن تؤدى لكارثة لحامل السلاح أو ممكن تتسبب فى وصول قطعة أو أكثر لناس مخربين زى الى بيشترو الفرد يهددو بيه الناس.. ماهو موش هيتحرى عن كل واحد يشترى منة دا غير انة كدة يبقى مافيش دولة من الأساس ويفكر واحد تانى يرد على افكارك بصنع بخاخ سلف ديفنس يسبب العمى الدائم أو إليكتريك شوك قاتل هما البوليس شغالين اية لما احنا نعمل كدة اية لزمتهم واية لزمة القانون ؟ أكيد السيد مدير الامن هيبعت قوة تداهم الشاب المفكر وتصادر الماكينات بالورشة الى بيتعامل معاها وموش بعيد اصحاب الورشة كمان يتسجنوا لتسترهم على افعال اجرامية من شأنها تكدير السلام الاجتماعى..
طيب والحل؟
الحل ببساطة انك تلجأ لجهة رسمية توافق على فكرة شغلك وتتبناها بعد موافقة الامن العام طبعا زى نادى للمخترعين مثلا أو تشد حيلك وتراسل شركات عربية متخصصة ممكن ترحب بشغلك زى الشركة المنعة لمسدس كراكال فى الامارات مثلا وخلى بالك انك لازم توقف التهريج دة فورا حرصا على سلامتك الشخصية لانك محتاج امكانيات فوق مستوى الافراد وهتى لا تكون خارج على القانون ومطلوب وتقبل تحياتى

كلامك منطقي جدا خصوصا الشق الهندسي