رد: اعادة تعبئة طلقات الصوت الفارغة
بالنسبة للطلقة .. ف الطلقة بتتكون من جزئين او نوعين من البارود و هشرحهم علي قدر معرفتي و اللي عنده اضافة ياريت مايبخلش علينا بيها
الجزء الاول من الطلقة اللي هي الكبسولة : الكبسولة دي فيها مادة متفجرة اسمها فلمنات الزئبق او مادة تانية غير فلمنات الزئبق بردة و اهم ما يميز المادة دي انها حساسة جدا جدا لاي خبطة حتي لو كانت بسيطة ف اي خبطة كفيلة انها تقوم الطلقة و تنفجر و مهمة فلمنات الزئبق انها تعطي الشرارة او الانفجار اللازم لاشعال البارود - بارود الطلقة - لقذف المقذوف داخل الماسورة و منه الي الهدف مباشرة .
كيفية الحصول علي فلمنات الزئبق و مقدار او كمية المركب ده بصراحة الله اعلم حتي لو عندنا علم ب الكمية و الطريقة ف اظن انها هتبقي خطر كفاية اننا نبعد عنها
البارود الاساسي للطلقة : طبعا في اعضاء كرام شرحوا البارود و انواعه و صفاته بس حابب اضيف شيء بسيط كنت قريت عنه ف كتب ف الجيش عن الاسلحة الصغيرة .. مذكور ف الكتب ان البارود ده مضاف عليه مواد كيميائية و كل مادة لها سبب ف علي سبيل المثال
في مادة لجعل البارود علي شكل حبيبات مفرطة غير ملتصقة و مادة اخري تمنع ان البارود يتحلل و يقعد فترة طويلة و مادة اخري و مادة اخري لها علاقة بسرعة التفاعل و المواد دي بنسب معينة و كمية البارود كمية محددة تختلف من طلقة ل اخري ... ف اظن انه صعب يدويا او منزليا اعادة التعبئة و لو حصل ف مش هتبقي بنفس صنع المصنع ..
اسف للاطالة و ردي متاح للتعديل و الاضافة
تقبلوا مروري
__________________
لا إله إلا انت سبحانك إني كنت من الظالمين
|