اقتباس:
المشاركة الأصلية كتبت بواسطة وليد سالم
بخصوص الموضوع ده
وعشان منظلمش حد بغير حق او نتجني علي نوع من انواع المسدسات ونتهمة بانه مقلد او مضروب في نوعين من التقليد في التصنيع واليك بعض الحالات
عندك مثلا الفالترو 85 و الفالترو 92 دول استحالة يكونوا صناعه ايطالية لان عيوب التصنيع فيه متعدده من وجهة نظري واهمها ضعف الخامة وضعف جودة الفينش لو قارناه باي نوع اخر تصنيع ايطالي مثلا البروني جاب الشبيه بالجلوك الحي هتلاقي فرق شاسع من حيث خامة التصنيع والفينش وانا اظن ان الفالترو صناعه مصرية بمعرفة مصانع الحاج فتح الله بالاسكندرية
وحاله اخري مثلا الزوراكي 917 ده تركي الصناعه وهو تقليد البروني جاب الايطالي ولكن مع انه مقلد لكنه تفوق علي البروني الايطالي من حيث القوه وخفة الوزن وعدم حشر كافة انواع الطلقات معاه
الفرق بين التقليدين ان التصنيع المصري عندما اراد ان يقلد لم يستطيع التقليد الا في الشكل فقط دون الجوهر ومراعاة الدقة كما في الاصلي بتاع بلاده
اما تركيا عندما ارادت ان تقلد اخرجت كل ما في جعبتها من اهتمام بالخامة والقوة والوزن والجمال في ذات الوقت مع امكانية استخدام انواع طلقات لا يمكن استخدامها مع الانواع الايطالية والالمانية المشهورة بحشر الطلقات التركي معها لذلك تحتاج ميزانية خاصة لاحتياجك لشراء الطلقات الالمانية الباهظة الثمن
اما الريتاي بارون فاشك ان في منه انواع مقلده مصرية الصنع
وكذلك الريتاي ايجل او الفرات او الجاكال ولكن هناك اصدارات قديمة واصدارات حديثة من الانواع المذكوره وبها اختلافات ليست بجوهرية علي وجه الخصوص الفرات والجاكال والريتاي ايجل
اما الريتاي بارون بالاصدار القديم افضل من الحديث في بعض النواحي الجوهرية وهي ثقل ومتانة الطارق في الاصدار القديم عن الحديث وسماكة القطع الميكانيكية الخلفية في القديم عن الاصدار الاحدث ودي تعديلات تمت بواسطة الشركة المصنعه ممكن بسبب التقليل من سعر خامة التصنيع او بمعني ادق التوفير
اما التجار فكون ان تاجر يقول هتاخد الاصلي بكذا والتقليد بكذا فده كلام مش تمام لان من الطبيعي انك هتختار الاصلي فبيكون سعره اعلي من التقليد علي حد وصفة
بمعني لو افترضنا ان مثلا روحت لتاجر وقالك البارون الاصلي ب 1200 جنية والتقليد ب 800 جنية مع انك مهما قلبت فيهم هتلاقيهم قطعه واحده ونسخة واحده وهتلاقي نفسك محتار بس اخيرا لكونك محتاج حاجة متخافش من انها تبوظ منك تروح طوالي قايل هاخد الاصلي طبعا
مع ان مفيش فرق بينهم ولا اساسا في اصلي ومضروب في النوع ده وكل الحكاية ان السوق نايم فبعض التجار بيعملو ترحيل جزء من ثمن القطعه دي علي اختها فبيكون ابو 1000 جنية اصبح ب 800 والتاني ابو 1000 بردو اصبح ب 1200 وبكده هو مش خسران لا في بيع ده ولا بيع ده
وده مش عيب التجار ولكن عيب المشتري لانه اول من اخترع كلمة اصلي ولا مضروب وكل تجار المنتدي من فتره حاولوا يفهموا الناس ان حكاية مضروب واصلي دي كذبة ولكن الناس عاجبها اوي الموضوع ده
واول تاجر انا جربته واتعاملت معاه كان ميشيل عازر وهو اول من اخترع وصف مضروب واصلي مع انه في كل الحالات غالي جدا في كل الانواع
روحت مره وعملت مش فاهم حاجة وسالته عن الجاكال التركي قال انه مش بيبيع انواع تركي كل اللي عنده الماني وايطالي فقط مع ان كان في حته فرات في الفاترينه ولما سالته عنه قال انك ايطالي و ب 2800 جنية
ومحل تاني اسمه الشركة الدولية لادوات الصيد في باب اللوق روحت عنده مره اساله علي البروني جاب قالي الاصلي ب 4000 جنية طب وهو في منه تقليد قال طبعا في وب 3250 جنية
ودي وجهة نظري انا
|
ممكن بس بعد اذن حضرتك استفسار بسيط
انا من الاسكندريه واعرف فتح الله الي عندهم مصنع نوفا مولجورا وموجود عندهم مسدسات بريتا وبريجيدير في المعرض بتاعهم ومبيجبوش سيره الفالترو ده خالص ولا من قريب ولا من بعيد وفنفس الوقت بيقول انه موجود عند ابن عمه الي هو في محطه مصر فرحتلهم قالوا انو ايطالي تقفيل مصري استغريت بصراحه لان صحاب المصنع ذات نفسهم قالوا ان الفالترو ده مش من عندهم خالص وان منتجاتهم هي البريتا بانواعها والبريجيدير وانا ليا موضوع في المنتدي اسمو نحدد موقفنا من nuova molgora egypt لو حضرتك تدخل تقراء الموضوع وتفيدني برضو لان الاراء كتير علي منتجات الشركه بس ا\هشام سمير و محمد عطيه دخلوا قالوا انها مسدسات كويسه وقطع غيارها متوفره و الخامات جيده جدا وانا فعلا عاوز اخد خطوه واخد البريتا منهم علشان شكلها وكده وعاوز خد يكون عنده النوع ده بس المصري ويشارك برايه ويحكي تجربته معاه
انا اسف للاطاله وعارف اني بعدت عن سياق الموضوع بس بما ان حضرتك فتحت الموضوع انا مصدقت واتكلمت فيه ....