|
الورشة صيانه البنادق واصلاح مشاكلها الفنيه. |
أدوات الموضوع | إبحث في الموضوع | انواع عرض الموضوع |
11-08-29, 01:37 PM | #1 |
صياد متفاعل
تاريخ التسجيل: May 2011
المدينه: الزقازيق
المشاركات: 135
معدل تقييم المستوى: 5 |
افضل طريقة صبغ سلاح في العالم " ادوات منزلية 100%"
السلام عليكم ورحمة الله
الموضوع ده كبيييير اوي يا صيادين مصر وجهزوا نفسيكوا عشان هتقروا افضل وانظف طريقة صبغ سلاح في العالم وهي تعد من اقوى وافضل طبقات الحماية للأسلحة وتصل درجات لونها من الرصاصي حتى الاسود القاتم الطريقة المتبعه هي الصبغ بالصدأ او كما يطلق عليها Rust Bluing قبل البدأ العملية تحتاج الى صبر وعناية وغير مكلفة تماما لكن لصبغ قطعة السلاح قد تستغرق من يومين حتى عشر ايام " متوقفة على الرطوبة ودرجة الحرارة واللون المطلوب" المكونات المطلوبة حامض هيدروكلوريك " فلاش " منظف الحمامات حامض نيتريك " اختياري " ورق فويل " رقائق الومنيوم" قماشه قطن سلك المونيا ناعم " من عند اي بقال ,, عطار...الخ" حلة استنلس او المونيا او اي حلة تاخد السلاح ماء مقطر " او مياه من الفلتر الخمس مراحل او الثلاث مراحل" صندوق للرطوبة " لتسريع العملية " شرح المكونات : 1- حامض الهيدروكلوريك : وهو حامض قوي عند ملامسته للحديد وتركه دون معالجته بسرعة يجعل الحديد يصدأ بسرعة في الهواء, ويمكن الحصول عليه اما بصيغة مادة كيميائية نقية او عن طريق اي بقال او سوبر ماركت او حد بتاع منظفات في صورة منتج اسمه " فلاش " وهو متوفر عند جميع السوبرماركتس والبقالين. وهو بتركيز 15 % تقريبا. 2- حامض النيتريك : ايضا حامض قوي جدا وميزته تسريع عملية الصدأ بشدة حيث تيحتوي على العديد من ذرات الاكسجين المطلوبة لأتمام الصدأ HNO3 اي كل جزيء منه يحتوي على 3 ذرات اكسجين, يمكن الحصول عليه بتركيز 50-60% من اي محال ادوات كيميائية او محلات الاسمدة الزراعية. وهو اختياري لتسريع العملية فقط.. ولكني انصح باستخدامه. 3- ورق فويل: طبعا مش هتكلم عنه 4- قماشة قطن .. او قطعة قطن او اي حاجة قطن ان شاء الله قطن تنظيف الأذن.. 5و6و7و.... شارحين نفسهم 8- صندوق الرطوبة : ممكن علب بلاستيك من اللي الحجة بتعين فيهم الاكل :o بسم الله توكلنا على الله الموضوع ده انا وصلت له بالصدفة البحتة اثناء بعض التجارب الكيميائية " كنت حاطط الفلاش في كاس وحطيت ورق فويل بتاع علبة السجاير في الكاس " بالصدفة مش فكاكة" فلقيته بيتفاعل وبيدوب بعد فترة وحطيت دبابيس صفرا من اللي بيربطوا بيها الكريستال في النجف المهم الكلام ده كلو داب في الفلاش " حامض الهيدروكلوريك".. وبعديها حطيت مسمار صلب لغاية نصه وطلعته ورميته على الكومودينو لقيته تاني يوم نصه مصبوغ اسود لكن مصدي احمر شوية رحت مصنفره خفيف.... المهم اكتشفت بعد كده بالبحث على الشبكة ان في نوع من انواع الصبغ " وهو الافضل " بطريقة مشابهه لكنهم بيأكدو استخدام حامض النيتريك وانا والله ماستخدمت لاحامض نيتريك ولا بتاع. انا صبغت قطعة سلاح بالطريقة اللي هذكرها الان ملحوظة : هذه الطريقة لا تصلح الا مع السلاح الحي او بنادق الرش المكونة من الحديد وليس الالتمونيوم ملحوظة : تم صبغ هذه القطعه مرحلتين فقط في 6 ساعات فقط كل مرحلة 3 ساعات داخل صندوق الرطوبة قبل الصبغ بعد الصبغ والتجميع للمرة التانية الموضوع هياخد منك شوية وقت ومجهود خفيف وتكاليف شبه معدومة ونتيجة من افضل النتائج في عالم الصبغ الخطوات : 1- تفكيك السلاح: تفكيك السلاح كليا حتى البينات " الدبابيس " يعني فكه تماما. 2- ازالة الشحوم والزيوت من القطع المراد صبغها بالمذيبات مثل الثنر والاسيتون " وهناك طريقة افضل : فيه اسبراي بيتباع عند بتوع قطع غيار العربيات الاسبراي ده اسمه منظف الكربراتير وهو خلطة من اقوى المذيبات اللي هتشيل الشحوم والزيوت. 3- ازالة الصبغة القديمة :هناك طريقتين لأزالة الصبغة القديمة: أ- الازالة بالساند بلاستينج :تاخد اجزاء السلاح اللي هتتصبغ " الكوبريوالجسم والزناد والشاكوش والامان... الاجزاء الواضحة من الخارج" وتروح على اي ورشة عندها ساند بلاستينج وتعملهم ساند بلاست حنين وخفيف وتتبع هذه الطريقة لو عايز سلاح مطفي وليس به لمعة. ب- الازالة بالحامض والسنفرة: تجيب طبق غويت وتحط فيه القطع المرغوب ازالة الصبغة القديمة عنها وتفضي عليهم ازازة خل " ايوه خل من بتاع الاكل وتسيبهم نص ساعه كده ولا ساعة وتطلعهم تدعكهم بسلك المونيا هتلاقي الصبغة راحت ... واللي احلى من الخل واسرع بكتيييييييييييييييييييييييير الفلاش ايوه الفلاش " حامض الهيدروكلوريك بس خد بالك منه لأنه ابن كلب هياكل الصبغة في ثواني وعيبه انه هيغمق الحديد شوية.. المهم انا افضل الخل .. هو ابطئ كتيير وممكن ياخدله ساعتين او 3 ساعات لكنه افضل وحنين على الحديد. وبعديها تجفف وتسنفر بورق سنفرة 600 فيما فوق حسب درجة اللمعان اللي انت عايزها لو عايزه شبه مراية انا بستخدم 600 ثم 800 ثم 1200 ثم 2500 اه متعبة بس تستاهل بعد ازالة الصبغة اغسل السلاح بماء دافيء كويس وبعديها ندخل على الشغل. ملحوظة : من الخطوة التالية لا تلمس السلاح بجلدك مباشرة حاول تلبس جوانتيات لأن الجلد مهما كان جاف ونظيف بيكون فيه نسبة دهون خفيفة ودي ممكن تبوظ الموضوع كله. دلوقتي لازم تكون مجهز المحلول بتاعك 100 مللي فلاش " حامض هيدروكلوريك 15 % " + قطعة ورق فويل 4 سم في 4 سم+ دبابيس الكريستال " 3 او اربع دبابيس " ان وجد" وتسيبهم ياكلو في بعض لمدة ساعهة ولا ساعتين المهم حاول يكون محلولك مجهزوا قبلها بيوم ويا سلام لو عندك اي حتة حديد مصدية تحطها على الخلطة " انا مش بهزر على فكرة" المهم بعد الحاجات ما تدوب في الحامض خففه بنفس المقدار مياه مقطرة او من الفلتر المراحل.. ولو جبت حامض نيتريك تركيز 50 % حط منه 50 مللي للمحلول 4- الصبغ: سلاحك نضيف 100 % مش عليه اي اثار او بصمات او خرابيش او زيوت ... تمسكه بأيدك الشمال وتكون لابس فيها جوانتي وايدك اليمين فيها حتة القماشة القطن او حتة القطنة يدوب تخليها تلمس المحلول وتعصرها كويس منه يعني يدوب تكون مندية وتمسح بيها السلام مسحة خفيفة وتحطه في صندوق الرطوبة او في اي مكان رطب لمده ساعة وبعدين برده بنفس القماشة " هتلاقيها مصفرة شوية" تديلو وش تاني يعني يدوب يشم ريحة المحلول " انت فاهمني؟؟ يارب تكون فاهم لأن التندية دي هي سر الصنعه كلها. وبعد 6 ساعات تجيب سلاحك ولما تشوفوه مش تتصدم... اه مصدي وشكله زفت الزفت شوفلك حتة سلك رباط او سلك نحاس وعلقه منه وتكون مجهز المياه المقطرة وحاططها على النار في الحلة وتكون بتغليييييي وتروح مسقط فيها حتة السلاح بعد خمس او عشر دقايق طلعه كده وشوف ايه الاخبار ايه رأيك؟؟ فحمة صح لو لسه مش مفحم سيبو لغاية 20 دقيقة المهم القطعع الصغيرة مش هتاخد 3 دقايق في المياه المياه لازم تكون مقطرة ... لو مياه الحنفية السلاح هيبوظ تماما والصدا هيفضل زي ما هو بل هيزيد المهم طلع السلاح ونشفه كويس وهات سلك المونيا ناعم واكحت السلاح عشان تشيل طبقة الفحم ملحوظة : الدنيا كلها هتتلحوث وايديك هتسود عادي عادي ربنا يسترها ومراتك متطردكش من البيت المهم بعد ما تكحته بسلك المونيا ناعم هتلاقي السلاح لونه بقى مصبوغ بس فاتح تكرر الخطوة اللي فاتت اللي هي اييييييييييييييييييه؟؟ تجي القماشة القطن اه اللي بقى لونا برتقالي ويدوب تخليها تلمس المحلول وتعصرها كويس اوي " تكون مندية وتدي السلاح مسحة كمان وتودية صندوق الترطيب او اي مكان رطب خد بالك المسحة تكون في اتجاه واحد والمكان متعديش عليه مرتين والا هتلاقي الصبغة بدأت تطلع معاك ولااااااااااااااازم الجوانتي على العموم جرب في قطع صغيرة الاول وهكذا تكرر الخطوتين الاخرانين بتوع تندية السلاح بالمحلول وتركه ثم سلقه في ماء مقطر وكل مرة تغير المياه من الحلة وبعدها تدعكه على الناشف بسلك المونيا. مع كل مرحلة اللون هيغمق اكتر وكل ما تسيبه يصدي اكتر فرصتك في اللون تكبر الموضوع ده هياخد معاك من 3 الى 6 مراحل حتى تصل الى اللون الفحمي الاسود القاااااااااااااتم وبعد الفينيش الاخير طبعا تديها زيت وجمع سلاحك وبجد مبروك عليك احلى صبغة لأي سلاح ارجو الافادة للجميع هذه الطريقة كانت حكرا لأفضل منتجات الاسلحة وهي الطريقة الوحيدة التي يمكن صبغ بنادق الخرطوش بها Holland &holland وغيرها والان هي بين ايديكم استخدموها فيما ينفعكم ولا يضر غيركم السلام عليكم |
sponsor links |
11-08-29, 01:42 PM | #2 |
صياد نشيط
تاريخ التسجيل: Sep 2010
المشاركات: 325
معدل تقييم المستوى: 7 |
رد: افضل طريقة صبغ سلاح في العالم " ادوات منزلية 100%"
مجهود عظيم ياريت لو فيه صور لو سمحت
|
11-08-29, 01:46 PM | #3 |
صياد قديم
تاريخ التسجيل: Jul 2011
المدينه: الإسكندرية
المشاركات: 1,612
معدل تقييم المستوى: 20 |
رد: افضل طريقة صبغ سلاح في العالم " ادوات منزلية 100%"
ايه الجمال ده ايه الحلاوة دى .. انا مش قادر اوصف الجمال ده كله ..
بجد مش لاقى كلام اقوله .. ربنا يبارك لحضرتك يا رب ويجعله فى ميزان حسناتك .. وكل سنة وحضرتك والاسرة الكريمة بخير يا رب .. تقبل مرورى |
11-08-29, 02:40 PM | #4 |
صياد قديم
تاريخ التسجيل: Apr 2011
المدينه: الإسكندرية
المشاركات: 1,615
معدل تقييم المستوى: 14 |
رد: افضل طريقة صبغ سلاح في العالم " ادوات منزلية 100%"
الله ينور عليك يا معلم تسلم ايدك
__________________
تعهدني بنصحك في انفرادي وجنبني النصيحة في الجماعه فإن النصح بين الناس نوع من التوبيخ لا أرض استماعه |
11-08-29, 03:43 PM | #5 |
صياد متقدم
تاريخ التسجيل: Jun 2011
المشاركات: 850
معدل تقييم المستوى: 12 |
رد: افضل طريقة صبغ سلاح في العالم " ادوات منزلية 100%"
شكر الله لك مجهودك ونصائحك
|
11-08-29, 04:14 PM | #6 |
صياد مبدع جداً
تاريخ التسجيل: May 2011
المشاركات: 376
معدل تقييم المستوى: 20 |
رد: افضل طريقة صبغ سلاح في العالم " ادوات منزلية 100%"
السلام عليكم وكل عام وانتم بخير الحقيقه مجهود جبار ومشكور عليه بس تم جميلك وصور الموضوع خطوه خطوه هايكون احسن بكتير ولى عتاب عليك وايضا مجموعه من الاعضاء بسبب موضوع الرسم على الدبشك ومش هانسامحك الا اذا شرحت طريقه الرسم دى وبالصور كمان مدام معندكش وقت للشغل معانا تحياتى ومنتظر الرد منك د يسرى رزق
|
11-08-29, 07:10 PM | #7 |
صياد متقدم
تاريخ التسجيل: May 2011
المدينه: الاسكندرية - القاهرة
المشاركات: 635
معدل تقييم المستوى: 8 |
رد: افضل طريقة صبغ سلاح في العالم " ادوات منزلية 100%"
اللة ينور ياباشا
__________________
اذا دعتك قدرتك علي ظلم الناس فتذكر قدرة الله عليك يا مصر قومي وشدي الحيل كل اللي تطلبية عندي كان تقيمي 27 وانخفض الي 5 دون سبب 27-6-2011 |
11-08-29, 11:28 PM | #8 |
صياد متفاعل
تاريخ التسجيل: May 2011
المشاركات: 178
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
تسلم افكارك ودماغك وايدك اللى عملت كده وكتبت لنا الشرح .. كل عام وانت بخير
|
11-08-29, 11:41 PM | #9 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: افضل طريقة صبغ سلاح في العالم " ادوات منزلية 100%"
بجد مش هقدر اقولك الا تسلم ايدك يا فناااااااااااااااااااااااااااااااااااااااااااااااا اااان
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
11-08-30, 03:05 PM | #10 |
صياد قديم
تاريخ التسجيل: Sep 2010
المدينه: بنى سويف
المشاركات: 1,093
معدل تقييم المستوى: 53 |
رد: افضل طريقة صبغ سلاح في العالم " ادوات منزلية 100%"
موضوع رائع بس متعب شويه بس يا رب النتيجه تطله حلوه
__________________
لا تحاول أن تعيد حساب الأمس وما خسرت فيه فالعمر حين تسقط أوراقه لن تعود مرة أخرى ولكن مع كل ربيع جديد سوف تنبت أوراق أخرى فانظر الى تلك الأوراق التي تغطي وجه السماء ودعك مما سقط على الأرض فقد صارت جزءاً منها عندمآ يوِزِع آلله آلأقدآرِ وِلآ يمنحني شيئاً أرِيدهُ .. أدرِك تمآماً أن آلله سيمنحني شيئاً أجمل ممآ أُرِيد .. آللهم لآ تعلق قلبي لمآ ليس لي وِإجعل لي فيمآ أُحب نصيب |
11-08-31, 02:57 AM | #11 |
صياد متفاعل
تاريخ التسجيل: Feb 2011
المشاركات: 136
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
جزاك الله خيرا علي مشاركه معلوماتك مع جميع الاعضاء وبتمني من كل الاعضاء الكرام الاقتضاء بيك وعدم احتكار المعلومه
مع اطيب تحياتي |
11-09-01, 03:53 AM | #12 |
صياد متفاعل
تاريخ التسجيل: May 2011
المدينه: الزقازيق
المشاركات: 135
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
تم اضافة صور...........
|
11-09-01, 03:58 AM | #13 |
صياد متفاعل
تاريخ التسجيل: May 2011
المدينه: الزقازيق
المشاركات: 135
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
شكرا للأهتمام جميعا وجزاكم الله خيرا...
اخي الدكتور يسري اوعدك بأذن الله في اقرب فرصة واول قطعه سلاح هتجيلي عاوزة تتصبغ هشرح الموضوع بالصور بس القطعة الاخيرة دي كنت مستعجل فيها ومكنتش فايق خالص وبالنسبة لموضوع الدبشك فأظن موضوع الشرح والتصوير صعب لأنه مش ليه خطوات خالص والله الفكره كلها بتم وانت شغال يعني مفيش اي اسس متبعة غير الرسم والطباعة ونقل الرسم على الدبشك ثم النحت وانا والله مبحب احتكر اي معلومة لكن موضوع الشرح في حالة النقش الخشبي صعب جداا لأنه ملوش مقاييس انت شغال وزي ما تيجي وعلى العموم برده في اقرب فرصة هنحت فيها اي حاجة هصورها فيديو وصور بأذن الله وياريت والنبي ماحد يزعل مني السلام عليكم |
11-09-01, 05:02 AM | #14 |
صياد نشيط
تاريخ التسجيل: May 2010
المشاركات: 392
معدل تقييم المستوى: 7 |
رد: افضل طريقة صبغ سلاح في العالم " ادوات منزلية 100%"
تسلم ايدك يا فنان
|
11-09-01, 05:06 AM | #15 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: افضل طريقة صبغ سلاح في العالم " ادوات منزلية 100%"
يا باشا جزاك الله خير وانا اديتك نقطه وكن عاوز اديك اكتر والله بس معرفش ليه اداك نقطه وحده
انت فعلا تستحق التقييم
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
11-09-01, 12:31 PM | #16 |
صياد قديم
تاريخ التسجيل: Apr 2011
المدينه: القاهره
المشاركات: 1,669
معدل تقييم المستوى: 15 |
رد: افضل طريقة صبغ سلاح في العالم " ادوات منزلية 100%"
ممتاز جدا ومجهود جميل ويا ريت لو حضرتك تعرفلنا صبغ الانتيمونيوم لان اغلبنا يمتلك مسدسات صوت
__________________
لا ايمان لمن لا امانة له ولا دين لمن لا عهد له |
11-09-01, 11:55 PM | #17 | |
صياد مبدع جداً
تاريخ التسجيل: May 2011
المشاركات: 376
معدل تقييم المستوى: 20 |
رد: افضل طريقة صبغ سلاح في العالم " ادوات منزلية 100%"
اقتباس:
|
|
11-09-03, 04:29 PM | #18 |
صياد متقدم
تاريخ التسجيل: Feb 2011
المدينه: cairo
المشاركات: 585
معدل تقييم المستوى: 7 |
رد: افضل طريقة صبغ سلاح في العالم " ادوات منزلية 100%"
الله ينور علي
__________________
ابحث عن هدفك وحاول تحقيقه |
11-09-04, 12:46 AM | #19 |
صياد متفاعل
تاريخ التسجيل: May 2011
المدينه: El Mansoura
المشاركات: 114
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
موضوع رائع تسلم اديك وارجو من الادارة التثبيت نظرا لاهمية الموضوع
|
11-09-06, 11:07 PM | #20 |
صياد متفاعل
|
رد: افضل طريقة صبغ سلاح في العالم " ادوات منزلية 100%"
bgd ana monbher msa m3lomat qymma gdn mliooon shokran
|
11-09-07, 01:01 AM | #21 |
صياد متقدم
تاريخ التسجيل: Apr 2011
المدينه: port said , egypt
المشاركات: 693
معدل تقييم المستوى: 8 |
رد: افضل طريقة صبغ سلاح في العالم " ادوات منزلية 100%"
كل يوم بتزيد في نظري يا محمد والله ومسيري اجيلك يوم نقضيه سوا. انشا الله
__________________
اذا رايت نملة في الطريق فلا تدسها و ابتغ بذلك وجه الله عسى ان يرحمك كما رحمتها اذا اعترضتك قطة صغيرة في وسط الطريق فاحملها الي الجانب الاخر و ابتغ بذلك وجه الله عسى ان يقيك الله ميتة السوء اذا هممت بالقاء بقايا الطعام في حاوية القمامة فاجعل نيتك ان تكل منها الدواب و ابتغ بذلك وجه الله عسى ان يرزقك الله من حيث لا تحتسب اذا اشتدت حرارة الصيف فاجعل اناء به ماء في شباك غرفتك لتشرب و تتبرد فيهالطيور و ابتغ بذلك وجه الله عسى ان يسقيك الله يوم العطش الاكبر |
11-09-07, 01:43 AM | #22 |
صياد متفاعل
تاريخ التسجيل: Jun 2011
المدينه: القاهرة
المشاركات: 124
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
موضوع رائع و انا شاهدت طريقة مشابهه على احد قنوات التلفزيون اللبناني
__________________
اللهم ولي على مصرنا الحبيبة من يخافك ويرحمنا ......... |
11-09-07, 02:12 AM | #23 |
صياد متفاعل
تاريخ التسجيل: May 2011
المدينه: الزقازيق
المشاركات: 135
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
شكرا لمروركم جميعا....
وانتظروا المميز والمفيد دائما السلام عليكم |
11-09-07, 02:47 PM | #24 |
صياد متقدم
تاريخ التسجيل: Feb 2011
المدينه: الزقازيق
المشاركات: 557
معدل تقييم المستوى: 12 |
رد: افضل طريقة صبغ سلاح في العالم " ادوات منزلية 100%"
طول عمرك برنس ياأبو طلال يا كبير الله ينور ودائما للأمام
__________________
محمد أبو فارس القناص القديم فريق الشرقية للصيد والرماية |
11-09-07, 03:38 PM | #25 |
الاداره تحذر التعامل مع هذا العضو فى البيع والشراء
|
رد: افضل طريقة صبغ سلاح في العالم " ادوات منزلية 100%"
__________________
drugstore-onlinecatalog.com |
11-09-11, 09:16 PM | #26 |
صياد نشيط
تاريخ التسجيل: Feb 2011
المدينه: الوادي المقدس
المشاركات: 307
معدل تقييم المستوى: 6 |
رد: افضل طريقة صبغ سلاح في العالم " ادوات منزلية 100%"
سلمت يمينك يالغلا علي المجهود الرائع
__________________
ولسيادتكم وافر الاحترام والتقدير
|
11-10-03, 07:06 AM | #27 |
صياد متفاعل
تاريخ التسجيل: Apr 2011
المشاركات: 110
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
معلش لو انا جربت الطريقة دي على سلاح حي هل ممكن تاثر على الشخشات و خصوصان نك مش عتنضفها من الحماض؟؟
|
11-10-04, 12:53 AM | #28 |
صياد متفاعل
تاريخ التسجيل: Apr 2011
المشاركات: 110
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
انا جبت الدبابي يتاعة الننجف و طتها ما دبتش قلت يمكن مش نحاس ولا حديد جبت سلك نحاس بردة مدبش ايه الحل؟؟
|
11-12-16, 08:25 PM | #29 |
صياد جديد
تاريخ التسجيل: Nov 2011
المدينه: بنى سويف
المشاركات: 47
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
--------------------------------------------------------------------------------
ايه الجمال ده ايه الحلاوة دى .. انا مش قادر اوصف الجمال ده كله .. بجد مش لاقى كلام اقوله .. ربنا يبارك لحضرتك يا رب ويجعله فى ميزان حسناتك .. وكل سنة وحضرتك والاسرة الكريمة بخير يا رب .. تقبل مرورى |
11-12-16, 09:01 PM | #30 |
صياد قديم
تاريخ التسجيل: Nov 2011
المدينه: ف
المشاركات: 2,550
معدل تقييم المستوى: 24 |
رد: افضل طريقة صبغ سلاح في العالم " ادوات منزلية 100%"
الله ينور ياباشا
__________________
تقبل مروري وفائق احترامي |
11-12-19, 06:49 AM | #31 |
صياد نشيط
تاريخ التسجيل: Nov 2011
المشاركات: 447
معدل تقييم المستوى: 7 |
رد: افضل طريقة صبغ سلاح في العالم " ادوات منزلية 100%"
مجهود رائع
__________________
لما تيجى تنشن لازم تصيدx>D |
11-12-19, 06:57 AM | #32 |
صياد جديد
تاريخ التسجيل: Nov 2011
المشاركات: 39
معدل تقييم المستوى: 5 |
رد: افضل طريقة صبغ سلاح في العالم " ادوات منزلية 100%"
هو ده الكلاااااااااااام
|
11-12-19, 06:24 PM | #33 |
صياد قديم
تاريخ التسجيل: Nov 2011
المدينه: ف
المشاركات: 2,550
معدل تقييم المستوى: 24 |
رد: افضل طريقة صبغ سلاح في العالم " ادوات منزلية 100%"
ايوه كده الابتكرات هاتهل
__________________
تقبل مروري وفائق احترامي |
13-11-06, 05:20 AM | #34 |
خبير محدثات الصوت
|
رد: افضل طريقة صبغ سلاح في العالم " ادوات منزلية 100%"
الله ينور بجد تسلم ايدك و الف شكر على المجهود المبزول فى صياغة الموضوع
موضوع رائع شكرأجزيلأ تقبل تقيمى المتواضع
__________________
|
13-11-06, 07:58 AM | #35 |
صياد نشيط
تاريخ التسجيل: Apr 2009
المدينه: الغربية
المشاركات: 493
معدل تقييم المستوى: 74 |
رد: افضل طريقة صبغ سلاح في العالم " ادوات منزلية 100%"
أستاذ مش هقول أكتر من كدا
__________________
اللهم احفظ لنا مصر |
13-11-06, 09:28 AM | #36 |
صياد متفاعل
تاريخ التسجيل: May 2013
المدينه: مصر
المشاركات: 107
معدل تقييم المستوى: 15 |
رد: افضل طريقة صبغ سلاح في العالم " ادوات منزلية 100%"
تسلم ايدك
مجهود كبير |
14-01-04, 08:32 PM | #37 |
صياد جديد
تاريخ التسجيل: Jan 2014
المشاركات: 4
معدل تقييم المستوى: 0 |
رد: افضل طريقة صبغ سلاح في العالم " ادوات منزلية 100%"
بصراحة فكرة عبقارية جدا جدا جدا شكرا على الافادة
|
14-04-03, 05:29 PM | #38 |
صياد جديد
تاريخ التسجيل: Apr 2014
المشاركات: 2
معدل تقييم المستوى: 0 |
رد: افضل طريقة صبغ سلاح في العالم " ادوات منزلية 100%"
السلام عليكم اخي العزيز شكرا على هذا الموضوع الجميل بس ممك بعض التوضيحات مثلا بين مرحله واخرى ابقي السلاح 6 ساعات وما فهمت الترطيب وبعد ما دا احصل على اللون الفحمي طبعا اني لم اضيف حامض النتريك
|
14-04-09, 12:43 PM | #39 |
صياد جديد
تاريخ التسجيل: Apr 2014
المشاركات: 2
معدل تقييم المستوى: 0 |
رد: افضل طريقة صبغ سلاح في العالم " ادوات منزلية 100%"
ممكن اعرف الطوبه والحراره المناسبه يعني زيادة الرطوبه والحراره افظل
|
14-09-09, 04:10 PM | #40 |
صياد جديد
تاريخ التسجيل: Sep 2014
المشاركات: 2
معدل تقييم المستوى: 0 |
رد: افضل طريقة صبغ سلاح في العالم " ادوات منزلية 100%"
ألف شكر وتقدير لك أخي الكريم على الشرح الوافي
|
14-10-18, 09:50 PM | #41 |
صياد جديد
تاريخ التسجيل: Oct 2014
المدينه: القاهره/جده
المشاركات: 22
معدل تقييم المستوى: 4 |
رد: افضل طريقة صبغ سلاح في العالم " ادوات منزلية 100%"
تسلم يا باشا و متشكرين علي المجهود الرائع ده و المعلومات القيمه دي،
|
14-10-21, 09:36 PM | #42 |
صياد جديد
تاريخ التسجيل: Jul 2014
المشاركات: 14
معدل تقييم المستوى: 4 |
رد: افضل طريقة صبغ سلاح في العالم " ادوات منزلية 100%"
جهد ممتاز الف شكر
|
16-05-01, 02:32 PM | #43 |
صياد جديد
تاريخ التسجيل: May 2016
المدينه: العراق بغداد
المشاركات: 4
معدل تقييم المستوى: 0 |
رد: افضل طريقة صبغ سلاح في العالم " ادوات منزلية 100%"
شكرا اخي على هذا الموضوع ربي اوفقك وكان شي رائع بمعنا الكلمه
بس اتمنى اكدر اتصل فيك واسالك على بعض الامور |
16-08-11, 11:35 PM | #44 |
مشرف قسم الصيد البرى
|
رد: افضل طريقة صبغ سلاح في العالم " ادوات منزلية 100%"
هجرب الموضوع دافي الخنجر الجديد
__________________
لئن فغر الخطر فاه ، فأدخل رأسك فيه .. لئن غزا الخطر قلبك ، فأغز قلبه .. لئن جرى الخطر ، خلفك فلتتوقف .. انتظره .. |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تعمل إيه لو شايف أخوك بيموت من الجوع ؟ "موضوع هاااااااام" | dr_mohasan | الموضوعات العامه | 6 | 11-08-19 05:11 PM |
"تسونامي مدمر" يهدد شواطئ مصر ودول البحر المتوسط | koktal | الموضوعات العامه | 28 | 11-07-18 12:20 PM |
وصايا منظمة الصحة العالمية للوقاية من بكتيريا "إيكولاي" | dr_mohasan | الصيد العام | 5 | 11-06-15 09:43 AM |
سؤال لولبى "لو ظابط شاف مسدسك ورفع عليك سلاح هتعمل أية" ؟ | Zero | الصيد العام | 17 | 11-06-15 05:48 AM |
عاوز اجيب بريتا او حلوان جديد " حى " ممكن تفيدونى | heckler | ادوات الصيد الثقيله | 15 | 11-04-23 11:42 PM |