التجارة اسلوب ومعاملة ... أبو ضيف 6 أكتوبر

[zyadramzy]

أولا يسعدنى ان دى تكون اول مشاركة لى فى هذا المنتدى المحترم
ثانيا عاوز اسأل سؤال: حد اتعامل مع ابو ضيف 6 اكتوبر قبل كده من الاعضاء المحترمين؟؟
بصراحة اسلوبهم فى التعامل عمرى ماشوفت حد فاتح مكان للرزق بيتعامل بالطريقة دى والله حاسس انى لو كنت باشحت منه كان هايعملنى احسن من كده ده السلام بتاع ربنا بيرده بالعافيه وممنوع تتكلم معاهم كتير يعنى مثلا تسأل عن اى حاجة او تتطلب معلومة او نصيحة ده ممنوع تماما ولسان حالهم بيقولك انت مييين اصلا عشان تتكلم معانا انت تاخد اللى انت عايزه وتمشى وطبعا الكلام فى الفصال والاسعار هناك يعتبر حرام شرعا ....
الاسلوب يوهمك انه شغال فى البنتاجون مثلا وانهم بيت الخبرة فى الاسلحة بس الكوميدى جدا بقى انى باقوله الايكول اراس بكام قللى مافيش اصلا موديل فى الايكول بالاسم ده (اومال المسدس اللى معايا ده انا اللى صنعته؟!!:)
مع العلم ان المحل بيكون قاعد فيه راجل لوحده راجل محترم بس فعلا معاملته تخليك تفكر كتير انك تدخل المحل ده تانى ولسه من يومين روحت اجيب طلق تركى من هناك لقيت اتنين شباب هما اللى موجودين بصراحه خلونى اقسمت انى مش داخل المكان ده تانى ناهيك انه مزود فى السعر اكتر من 500جنيه بدون مبالغة بالنسبة للمسدسات
من هنا بوجه لاصحاب المحل ده (لو مش طايقين الزباين قوى كده اقفلوه احسن )
فى النهاية احب اوضح انى باكتب الموضوع ده عشان اى حد من الاخوة الاعضاء المحترمين الافاضل على صلة او معرفة باصحاب الفرع ده او الناس اللى شغالين فيه ينبههم انهم لازم يعملوا حساب الاسلوب والمعاملة وان دى حاجة مش تافهة
وايضا انا عارف ان فى كتير من الاعضاء المحترمين هايقولو انى ببالغ وان الاموضوع ده اساس مالوش لازمة ...احب اقولكم روحو وشوفو انى مش ببالغ والله العظيم ..
وعل رأى المثل الرزق يحب الخفية
احب اؤكد فى النهاية انى لا اقصد التعرض لاشخاص المذكورين بل اقصد النقد البناء لأسلوبهم فى التعامل ..مع كامل احترامى ليهم ولاصحاب المحل
آسف كدا للطالة وتقبلوا تحياتى....