حاجة قلقاني جدا

[المهندس الزراعي]

من فترة كدة وأنا حاسس إني مش عايز أصطاد مع إن دي هوايتي من زمان على الرغم من إني بمارسها بطريقة متقطعة بسبب ضيق الوقت بس السبب اللي مخليني قافل منها إني حاسس إني بصطاد ليس إلا للتسلية حتى لو كنت باكل الحاجة اللي أنا بصطادها بس انا عارف بيني وبين نفسي إني باكلها تجنبا للوقوع في الحرام وليس لحاجتي لأكله مش زي بتوع زمان الصيد كان لتوفير الغذاء اما اللي زينا بياكل اللحمة علطول ومش مستني إنه يصطاد عشان ياكلها وبذلك أصبح الهدف من إني أصطاد هو المتعة والدليل بالنسبة لحالتي إن لحظة إصابة الفريسة وسقوطها بتكون لحظة الفرحة الكبرى والواحد بيحس بنشوة النصر لأنه قتل الفريسة ونجح في التصويب وليس لأنه هياكلها ودي المصيبة إني حاسس إني بمارس هواية هدفها قتل كائن حي ضعيف للمتعة.أنا أسف لأني طولت بس ياريت تقولولي بيجيلكوا نفس الإحساس ده حتى لو كان بعض الوقت ولا أنا غلطان ولا إيه وهل حد عنده فكرة عن حرمانية الصيد بهدف الهواية حتى لو كان الصياد بيأكل صيده ولا لأ وجزاكم الله خيرا