|
|
|||||||
| الموضوعات العامه الموضوعات الغير متعلقه بالصيد. |
|
|
أدوات الموضوع | إبحث في الموضوع | انواع عرض الموضوع |
12-08-22, 05:43 PM
|
#1 |
|
المشرف العام
تاريخ التسجيل: Mar 2011
المشاركات: 6,678
معدل تقييم المستوى: 437   |
اهداء لكل زوح
يوميات زوج مخنوق جدا . . . . . هى : إعمل حسابك علشان هانجيب هدوم العيد للعيال هو : من عينيه يا حبيبتى هى : يعنى إيه من عينيك ؟ هو : يعنى أقبض المرتب بس وهاجيبلك إللى إنتى عاوزاه بإذن الله هى : هو أنا عاوزاهم لأمى ... دول لعيالك إنت هو : خلاص ماشى هى : هو إيه إللى ماشى ... إنت بتاخدنى على قد عقلى هو : لاسمح الله , أنا بس مقتنع بكلامك جدا تنظر إليه شذرا ثم تتركه يكمل عمله على الكمبيوتر وتذهب بعيدا ------------------------------------- فى اليوم التالى مساءا ------------------------------------- هى : عملت إيه ؟ هو : الحمدلله قبضت المرتب وبكرة بإذن الله نروح نجيب إللى تحبيه أأقصدى إللى العيال تحبه هى : يعنى إيه إللى العيال تحبه , هو من إمتى العيال بيختاروه ... أنا إللى أنقى إللى يعجبنى هو : إللى تشوفيه ! هى : ثم هو إحنا لسة هانستنى لبكرة إن شاء الله ؟ هو : مش هاينفع ننزل دلوقتى ما إنتى عارفة الزحمة بتبقى عاملة إزاى بالليل ... خليها بكرة بالنهار أحسن هى : يعنى لسة هانستنى لبكرة ... إيه البرود ده هو : أستغفر الله العظيم يارب ... طيب إنتى شايفه إيه ؟ هى (مستهزئة) : أنا شايفة تلاجة قدامى هو ( محدثا نفسه ) : طيب أقتلها وأدخل فيها السجن دى ولا أعمل إيه ؟ هى : بتقول حاجة ؟ هو : لا يا قلبى ... سيادتك تحبى أعمل إيه ؟ هى ( بحدة ) : أنا إللى هاقول , مش إنت راجل البيت برضه ؟ هو : والله على حد علمى ... تقريبا هى : يبقى المفروض إنت إللى تقول وأنا أحط جزمة فى بقى وأسمعك هو ( محدثا نفسه ) : طيب والجزمة ذنبها إيه بس ؟ هى (بحدة) : أنا عايزة أعرف إنت بتقول إيه ؟ هو : لا لا مافيش , دا أنا إفتكرت حاجة فى الشغل ... المهم وبما إنى راجل البيت زى ما تفضلتى وقولتى يبقى أنا رأيى نشترى هدوم العيد بكرة بالنهار , وبإذن الله مش هناخد وقت لإن المحل إللى هانروحه فيه كل حاجة ممكن تحلمى بيها هى : أما نشوف ... بس وحياة ربنا لو المحل ماعجنيش لأخلى عيشتك سودة هو : والله يا حبيبى أسود من إللى أنا فيه مش هتلاقى هى ( بصراخ ) : قصدك إن أنا معيشاك فى نكد ؟ هو : ياااااااااا دين أمى ... أبوس إيد أهلك إبعدى عنى السعادى وبكرة يحلها حلال هى : للدرجة دى مش قابل كلامى ؟ هو : أنا داخل أنام هى : طيب وهدوم العيد ؟ هو : ما أنا داخل أنام علشان أصحى أجيب كل إللى نفسك فيه ... أو ربنا ياخدنى ونخلص هى : أد كدة مش طايق عيشتك معايا ؟ هو ( وهو يغلق باب غرفة النوم ) : تصبحى على خير ------------------------------------- فى الثالثة فجرا ------------------------------------- هى ( توقظه من النوم بعنف ) : قوم هنا وكلمنى هو ( منتفضا ) : سلاما قولا من رب رحيم ... إيه إللى حصل ؟ هى : إنت نايم كدة ولا على بالك وسايبنى أهرى وأنكت فى نفسى هو : وتهرى وتنكتى فى نفسك ليه ؟ هى : علشان لحد دلوقتى العيال ماجلهومش هدوم العيد هو : ما إحنا قولنا هانجيبهم بكرة يا حجة هى : على الأقل إقعد معايا فكر هانجيب إيه للعيال هو : طيب إقعدى إنتى وفكرى براحتك وأنا هنام هى : يا برودك يا أخى ... إنت مش جوزى يبقى لازم تقعد معايا هو ( يحك أنفه وهو يعتدل على السرير ) : طيب صلى على النبى هى : عليه الصلاة والسلام هو : مش المشكلة إنى راجل البيت ولازم أتصرف ؟ هى ( ساخرة ) : المشكلة إنك لا راجل ولا بتتصرف هو : جميل جدا ... والمشكلة التانية إنى جوزك ولازم أقعد معاكى ؟ هى : دا أنا جوز جزمتى أفيدلى منك هو : جميل خالص ... أنا بقى عندى الحل هى : قول يا حدق هو : إنت طالق هى ( بذهول ) : إيه ؟ هو : إنت طالق هى : طلقتنى ؟ هو : أيوه طلقتك هى : طلقتنى ؟ هو : أه وربنا هى : طيب إزاى ؟ هو : إزاى إيه ؟ هى : هانجيب هدوم العيد إزاى ؟ هو : يــالــهــوىىىىىىىىىىىىىىىىىىىىىىىىىىىىىىىىىىىى
__________________
|
|
|
| sponsor links |
| sponsor links |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اهداء للى من غير شعر | pooforever_2010 | الموضوعات العامه | 19 | 12-04-08 07:46 PM |
| اهداء الى حكام العرب | samraghost | الموضوعات العامه | 6 | 12-01-31 03:20 PM |
| اهداء | قناص الظلم | الموضوعات العامه | 27 | 12-01-24 10:12 PM |
| اهداء | زياد الصياد | محدثات الصوت | 1 | 11-10-16 08:12 PM |
| اهداء لكل الصيادين | mero1x | الصيد العام | 10 | 11-05-29 10:11 PM |
العرض الشجري