|
صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
أدوات الموضوع | إبحث في الموضوع | انواع عرض الموضوع |
12-03-31, 02:29 AM | #1 |
صياد متقدم
تاريخ التسجيل: May 2011
المدينه: 6 أكتوبر
المشاركات: 624
معدل تقييم المستوى: 44 |
الفيوم كمان وكمان
السلام عليكم ورحمة الله وبركاته بداية نكتب تاريخ الرحلة : يوم الجمعة 30 مارس 2012 عدد الساعات من ساعة الانطلاق للعودة : 10 ساعات الصحبة : 1)استاذ محمود شلبى 2)محمد سيد 3)عمر ماهر عبدالرحمن "أنا" 4)نور الشرقاوى البنادق: 1)نوريكا مارفيك 2)نوريكا جيت نمرة 1 3)كرال رمايه 4)جامو هانتر "من غير اى ارقام" 5) صينى B2 بسم الله نبدأ بقى اولاً التجمع فى اكتوبر عند الحصرى قابلنا محمود ونور وانطلقنا على الساعة تقريباً كده 4 قبل الفجر واخدنا الطريق على دهشور ومنها على طريق الفيوم وكنا فى اول الفيوم على الإقامة بالظبط الحمدلله صلينا وانطلقنا دخلنا على بلد كده ولسه النور مطلعش طلعنا البنادق محمد سيد المارفيك انا الجيت محمود الـ B2 ونور الرمايه وظبطنا طبعاً الرجالة كانوا بيظبطوا على العصافير العصافير تعبت اوى انطلقنا فى البلد بقى نلف هنا وهناك وبعدين النور طلع كويس جبنا من البلد ديه حاجة بسيطه عشان مكنش فيه تقريباً صيد موجود اتجهنا على العربية بعد لما فطرنا الفطار الصح "طعمية جامدة جمدان السنين وبعدين سمك بسرايا صغير اوى كده مشوى بيتاكل كله كده" اتجهنا على سنورس الاول واكتشفنا مكان اسطورة مصنع غلة قدامه شجر مش عاوز اقولكم بقى عامل ازاى طبعاً ريشنا كتيييييييييييييييييييييير مش ريش كان بيقع جوه واللى بيشبك فى الشجر لفينا شوية فى البلد ديه وبعدين حصل اللى حصل بندقية محمد سيد عملتها وزعلت فغير الجلبة على امل انها تقضى اليوم شوية واتجهنا على شكشوك على البحيرة وهناك قابلت ارزل كائن على وجه الارض ههههههههه عيل رزل رزل يعنى يقولك شايف فيه يمامه اهى اهى اهى بيزعق ويقولك بس انت مش هتعرف تجيبها على فكرة ويضحك ويقولك وائل لو كان هنا مكنش جلى ولا يمامه "وائل ده من اللى بيضربوا وهم مغمضين اكيد وممكن يكون بيمشى على الحبل كمان هههههه " ويعدين قعدنا على القهوة شربنا الشاى التمام وبعدين لقينا البلد مفهاش صيد زى سنور قلنا نرجع بس محمد سيد اكتشف ان السوسته خلاص كل الطير بياخد الرشه ويسافر فطلعنا الهنتر وطبعاً مفهاش نشان امامى . محمد معاه عدة صيد السمك فيها حاجات كده فسفورى صغيرة دورنا على امير عشان نعمل واحده منهم نشنان امامى واتظبطت الحمدلله بعد عناء . والآن مع المفاجأه : طوال الرحلة ديه واحنا بندور على بنزين يكون اى حاجة 80 او 90 او 92 مفيش خاللللللص فى الفيوم كلها وخلاص العربية على آخرها لغاية على صلاة الجمعة كده بعد لف ولف فى الطريق لسنورس من تانى لقينا قدام بنزينه الناس بتاعت البنزينه بيبيعوا الجاز والبنزين على الرصيف سوق سودا ومعندوش غير 92 بـ 4 جنيه اللتر ! اضطرينا نحط اى حاجة وقلنا نرجع بقى مش هينفع نكمل اليوم والجامع اللى جنب البنزينه خطبته كانت على المحتكرين البنزين وبيتكلم على الراجل والراجل عامل عبيط ومش سامع اتصورنا على البحيرة وقلنا لو لقينا بنزين فى الطريق هنرجع تانى والحمدلله لقينا بنزين بس فييين بقى فى بنزينة الوطنيه فى اول طريق اسيوط الغربى هههههههه يعنى باقى على دهشور كام كيلو طبعاً الوطنيه ديه بتاعت الجيش كانوا بيدوا الناس صفيحه لكل عربية بس واتجهنا على اكتوبر وصلنا على الساعة 2 كده مكملناش ساعة إلا ربع من الفيوم لأكتوبر وكفاية كده اسيبكم مع الصور بقى لو نسيت حاجة بقى حد يظبط :p اه الحصيلة : 34 فرد يمام وباين كده 19 عصفورة ونور زعل كل الغربان اللى فى الطريق بتاع 6 باين ! اه لقطة اليوم : محمود شلبى جاب غراب واحنا ماشين بالعربية هههههه وهو الغراب ماشى على الارض الغراب خدها وقعد يطير ويحوم حوالينا واحنا ماشيين بالعربية وبعدين هوووووووووب رشق ورانا على طول على ضهره الافضل التغيير والصحبة والاسوء الحكومة والمجلس العسكرى الفاشلين المتعمدين إخضاع الشعب صحيح عذر لحسن عرابى بس حصل مشاكل والله ومعرفتش اكلمك لأن اللى كنا طالعين معاه فى الاول اصلاً كان معاه عربية كامله وكانسلنا معاه واتفقنا متأخر على الخميس بالليل ديه صورة البنادق من غير المارفيك هنا الريحة كانت قذرة على البحيرة فبنقلش شوية كده على الشمال محمد سيد وعلى اليمين عمر ماهر عمر ونور نور ومحمد على الشمال محمود شلبى التناكة لازم تاخد دور فى اليوم برضه ههههههه ديه بقى الكارته قررت احتفظ بيها واكتب اسامى الرجاله عليها صور الصيد ناقصه مع نور |
sponsor links |
12-03-31, 03:56 AM | #2 |
صياد نشيط
تاريخ التسجيل: May 2010
المشاركات: 392
معدل تقييم المستوى: 7 |
رد: الفيوم كمان وكمان
السلام عليكم
ما شاء الله رحلة جميلة وصحبة احلى الى الامام دائما .............. |
12-03-31, 08:45 AM | #3 |
صياد متقدم
تاريخ التسجيل: Sep 2011
المدينه: القاهرة - عين شمس
المشاركات: 976
معدل تقييم المستوى: 106 |
رد: الفيوم كمان وكمان
السلام عليكم ، الفيوم جميلة جدا وطلعة موفقة وتتكرر ان شاء الله
__________________
قال الله تعالى فى اواخر سورة الكهف ( قُل هَل نُنَبِّئُكُم بِالأَخسَرينَ أَعمالًا ﴿103﴾ الَّذينَ ضَلَّ سَعيُهُم فِي الحَياةِ الدُّنيا وَهُم يَحسَبونَ أَنَّهُم يُحسِنونَ صُنعًا ﴿104﴾ أُولـئِكَ الَّذينَ كَفَروا بِآياتِ رَبِّهِم وَلِقائِهِ فَحَبِطَت أَعمالُهُم فَلا نُقيمُ لَهُم يَومَ القِيامَةِ وَزنًا ) صدق الله العظيم محمد مصطفى ( فضيل ) |
12-03-31, 10:33 AM | #4 |
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: الفيوم كمان وكمان
بسم الله ما شاء الله على أجمل صحبة وطلعة موفقة وتقبلوا تحياتي ودمتم في أمان الله
|
12-03-31, 10:43 AM | #5 |
ادمن صفحة المنتدى
|
رد: الفيوم كمان وكمان
ابداااااااااااااااااع من اجمد قناصين.
__________________
الــصيــــــــــــد ادب ... مــــــش مســــــــــــــــــك ســــــــــلاح.!
|
12-03-31, 11:00 AM | #6 |
صياد نشيط
تاريخ التسجيل: Jan 2012
المدينه: الجيزة
المشاركات: 272
معدل تقييم المستوى: 6 |
رد: الفيوم كمان وكمان
ربنا يوفقكم دائما و عندى سؤال هل هناك فائدة من صيد الغربان يعنى لما بصيد غراب فيها ثواب مثلا ولا لأ لأن طبعا الغراب بعد صيده بنرميه على جنب
__________________
عدو عاقل ....... خير من صديق جاهل |
12-03-31, 11:05 AM | #7 |
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: الفيوم كمان وكمان
طلعه جميله جدا وتغير جو مافيش بعد كده
ربنا يكمكو ديما وبالتوفيق ان شاء الله
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
12-03-31, 04:27 PM | #8 |
مشرف قسم الصيد البرى والاقسام الرئيسية
تاريخ التسجيل: May 2011
المدينه: المنصوره
المشاركات: 1,073
معدل تقييم المستوى: 201 |
رد: الفيوم كمان وكمان
طلعه جامده,,,ابقى اعمل حسابي فى واحده يا باشمهندس,,,تحياتى
__________________
د.محمد حبيب
|
12-03-31, 08:11 PM | #9 |
صياد متميز جداً
تاريخ التسجيل: Feb 2012
المدينه: الزيتون
المشاركات: 1,370
معدل تقييم المستوى: 158 |
رد: الفيوم كمان وكمان
ايه الصحبه الجميله ديه ربنا يباركلكم وسلامى للكبير محمود شلبى وابو دم خفيف الجدع نور الشرقاوى .
|
12-03-31, 09:15 PM | #10 | ||||||
صياد متقدم
تاريخ التسجيل: May 2011
المدينه: 6 أكتوبر
المشاركات: 624
معدل تقييم المستوى: 44 |
رد: الفيوم كمان وكمان
اقتباس:
اقتباس:
اقتباس:
اقتباس:
اقتباس:
اقتباس:
|
||||||
12-04-01, 02:46 PM | #11 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الفيوم كمان وكمان
بالتوفيق يا رجالة الفيوم الله ينور
|
12-04-01, 02:57 PM | #12 |
صيـــــــاد من الدرجـه الأولـي
تاريخ التسجيل: Feb 2011
المدينه: القاهرة
المشاركات: 2,940
معدل تقييم المستوى: 288 |
رد: الفيوم كمان وكمان
موضوع جميل يستحق التثبيت
تحيّاتى لكل الصيّادين , وتحيّة خاصة للنجم محمود شلبى
__________________
-------------------------------------------- اللهم صلّ على سيدنا محمد و على آله و صحبه و سلّم -------------------------------------------- |
12-04-01, 05:24 PM | #13 |
صياد متقدم
تاريخ التسجيل: Nov 2008
المشاركات: 913
معدل تقييم المستوى: 13 |
رد: الفيوم كمان وكمان
سبحان الله وعسي ان تكرهوا شيئا وهو خير لكم
احنا كنا زعلانيين جداا اننا مروحين بدري بس بعد ما مشينا حصل خناقة في الفيوم وضرب نار والدنيا اتقلبت وناس ماتوا الحمد لله اننا نفدنا بجلدنا
__________________
محمد سيد |
12-04-01, 05:55 PM | #14 |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: الفيوم كمان وكمان
الله ينور يا قنااااااااااااااااااااااااااااصين
احلى سلام وتحية للناس الحلوة دية
__________________
سبحان الله و بحمدة سبحان الله العظيم
|
12-04-01, 05:58 PM | #15 | |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: الفيوم كمان وكمان
اقتباس:
فى سبب يعنى ولا حاجة هههههههههههههههههههههههه هههههههههههههههههههههه ثبت يا عم ثبت هههههههههههههههه
__________________
سبحان الله و بحمدة سبحان الله العظيم
|
|
12-04-01, 06:15 PM | #16 |
صيــــــــــاد محــــترف& عضو ذهبى
تاريخ التسجيل: Feb 2012
المدينه: مصـــر أم الدنيـــا
المشاركات: 2,759
معدل تقييم المستوى: 560 |
رد: الفيوم كمان وكمان
الله ينور يا عمر طلعه جميله مع ناس جُمال و محترمين وصيادين جامدين أوي. بالتوفيق ان شاء الله في الطلعات الجايه
__________________
سبحان الله و بحمده سبحان الله العظيم [CENTER]
|
12-04-01, 06:19 PM | #17 |
صيــــــــــاد محــــترف& عضو ذهبى
تاريخ التسجيل: Feb 2012
المدينه: مصـــر أم الدنيـــا
المشاركات: 2,759
معدل تقييم المستوى: 560 |
رد: الفيوم كمان وكمان
بس صحيح يا عمر حد يطلع و معهوش بنزين ..
__________________
سبحان الله و بحمده سبحان الله العظيم [CENTER]
|
12-04-01, 07:43 PM | #18 |
Banned
تاريخ التسجيل: Mar 2011
المدينه: الهرم
المشاركات: 1,116
معدل تقييم المستوى: 0 |
رد: الفيوم كمان وكمان
احلى حاجه الصحبه وتغيير الجو
|
12-04-01, 09:57 PM | #19 | |||||
صياد متقدم
تاريخ التسجيل: May 2011
المدينه: 6 أكتوبر
المشاركات: 624
معدل تقييم المستوى: 44 |
رد: الفيوم كمان وكمان
الله ينور عليك بس احنا من القاهرة :d
اقتباس:
اقتباس:
اجرى يا وييييييلد :d اقتباس:
اقتباس:
اقتباس:
والله كان معانا بس احنا لفينا كتييييييييييير تمام عندك حق والله والفيوم جميلة اوى والناس هناك طيبة جداً معادا الواد الرزل ههههههه |
|||||
12-04-02, 08:51 AM | #20 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: الفيوم كمان وكمان
|
12-04-02, 09:40 AM | #21 |
صياد جديد
تاريخ التسجيل: Sep 2011
المشاركات: 37
معدل تقييم المستوى: 5 |
رد: الفيوم كمان وكمان
يعنى نزلتو الفيوم ومحدش عدى علية
عيب كدة وانا اقول الفيوم كانت منورة لية |
12-04-02, 11:24 PM | #22 |
صياد جديد
تاريخ التسجيل: Feb 2012
المدينه: giza
المشاركات: 15
معدل تقييم المستوى: 5 |
رد: الفيوم كمان وكمان
الفيوم جميله الظاهر فى الصيد ربنا يوفقكو رحله جميله
|
12-11-24, 03:14 PM | #23 |
صياد قديم
|
رد: الفيوم كمان وكمان
كل ده من غيري لييييييييه بس
ههههههههههه عموما يالا بقى نعوضها المرة الجاية بس الي هيجي يصطاد في القيوم من غيري بعد كده هيتضرب ههههههه
__________________
من اقوال البسطاء : ليس معنى الفشل هو عدم النجاح ، بل ان الفشل هو نصف النجاح ... والنصف الآخر انما هو خليط من العزيمة والارادة والمثابرة .. وهكذا يكون النجاح .. عبد الله عاصم (2066-2000) عاشق اسلحة وذخائر ومحب للاسلحة والذخائر ويحب الاسلحة والذخائر واحب الاسلحة والذخائر !! ------------------------------- MADE IN EGYPT
|
12-11-24, 03:42 PM | #24 |
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: الفيوم كمان وكمان
طلعه ممتازه لصيادين مميزين
|
12-11-24, 11:28 PM | #25 |
صياد نشيط
تاريخ التسجيل: Oct 2012
المدينه: البحيرة
المشاركات: 351
معدل تقييم المستوى: 20 |
رد: الفيوم كمان وكمان
ما شاء الله
ربنا يزيدكم يا قناصين بس ايه رأيك ف الشصينى b 2 ؟ تقييمك ليها ورأيك فيها ايه عشان انا معايا اختها بس محيرانى شويه ههههه؟ تقبل تحياتى
__________________
لا اله الا انت سبحانك انى كنت من الظالمين |
12-11-30, 01:02 PM | #26 |
مشرف قسم الصيد البرى
|
رد: الفيوم كمان وكمان
رحله جميله
و الصحبه اجمل مستنيين رحلات تانيه
__________________
لئن فغر الخطر فاه ، فأدخل رأسك فيه .. لئن غزا الخطر قلبك ، فأغز قلبه .. لئن جرى الخطر ، خلفك فلتتوقف .. انتظره .. |
12-11-30, 10:51 PM | #27 |
صياد متقدم
|
رد: الفيوم كمان وكمان
طلعة رهيبة يا باشا و صحبة أحلي..
بس فين البط يا باشا..
__________________
الكلية الجوية بيتي و عنواني عندما ترى طائرات العدو تسقط كالمطر وصواريخ تطلق بدقة فائقة و مهارة فريدة نادرا ما تري في القتال و المناورة 3> فأعلم أن نسور الجو يقاتلون 3> ****************************************** " القوات الجوية المصرية " عشقي هو الطيران بيتي هو السحاب إلى العلا في سبيل المجد تحيا قواتنا المسلحة درع الوطن و الشعب فذلك الجند خير أجناد الأرض تحياتي لكل أفراد قواتنا المسلحة, محمد قطب الدكاماوي |
12-12-01, 01:27 AM | #28 |
ادمن صفحة المنتدى
|
رد: الفيوم كمان وكمان
طلعة جميلة بجد بالتوفيق دائما ان شاء الله
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هو في طلعة صيد يوم الجمعه ؟؟ف الفيوم | kiko_2015 | الموضوعات العامه | 17 | 12-02-20 07:25 AM |
نوادي رماية في الفيوم او اسكندرية؟؟؟؟ّ!!!؟ | عبــ الله ــد @ | الصيد العام | 1 | 11-06-19 02:57 AM |
أخيرا اصطدت حاجة غير اليمام والحمام (وكمان مش اى حاجة ده غر ) | momo44 | صور وفيديو الصيد ورحلاته | 55 | 10-12-02 02:24 PM |
ياجدعان الصقر ضعف ومباش ياكل حاجه وكمان مبقاش يطير كويس اعمل ايه | xXHEMAXx | الصيد بالصقور | 16 | 10-06-16 09:05 AM |
رحلة الفيوم | KHALED | صور وفيديو الصيد ورحلاته | 12 | 09-03-01 09:56 PM |