استفسار

[فيلمعربى]

حصلت حاجة غريبة امبارح عند واحد صاحبى
بيقولى ان امبارح الساعة 11 بالليل دخلوا تلاتة عندهم العمارة ووقفوا فى مدخل العمارة وقعدوا يزعقوا وينادوا على سكان العمارة ويقولوا انهم هيقطعوا الناس اللى فى العمارة
المهم واحد من السكان فتح باب الشقة وقعد يندة بصوت عالى كانة بيندة على ابنة وبيقول يا فلان هاتلى المسدس علشان يخوفهم المهم العيال دية طلعوا يجروا
عايز اعرف هل دول بلطجية فعلان وهل ممكن يعاودوا الرجوع تانى للعمارة اللى ساكن فيها صاحبى ولا مين دول بالضبط ولو هما بلطجية لية مطلعوش العمارة وروعوا السكان وهدودهم بالقتل مثلا زى ما بنسمع عن البلطجية
ومتشكر مقدما على الاجابة

[صائد البوم]

دول شويه عيال محششه ومبرشمه اكيد لان البلطجي عنيد اما الصايع جبان وهناك فرق بين الصايع والبلطجي البلطجي محترف وقلبه ميت اما الصايع هلفوت وجبان بس الاتنين بيشكلوا خطر علي العماره كلها ومش كل مره تسلم الجره فيجب علي صحاب العماره انهم يعملو بوابه بقفل جيد وتنقفل بعد صلاه العشاء وميدخلش الا الي شايل المفتاح والي يجيلو ضيف ينده عليه او يرنله اي حاجه ويريت يعملو استعدادهم باسلحه بدائيه حتي ( شومه , سكينه , طوب كتير ومن البلكونات والستات تحدف واديلو ومترحمش حد منهم وهما عمرهم مهيهوبوا نحيتهم تاني ابدا بس المهم بلاش القتل لان ه ممكن يجيب نتيجه عكسيه تماما لان اهل الصيع اكيد زيهم ومش هيسيبو حقهم لو حد منهم مات وهيخلوكم عبره للجميع وكمان ممكن يعملو محضر اثبات حاله في القسم ويبلغم بالي حصل علشان تبقو عملنم الي عليكم وخليك ايجابي والي بيموت مدافعا عن عرضه وماله واهله فهو شهيد ولا ايه

[صائد البوم]

يارب اكون افدتك وليا الشرف اني اول من رد عليك

[فيلمعربى]

شكرا اخى العزيز صياد البوم على الرد والتفاعل
وليك منى الف تحية

[gamopt80]

هنا فايدت السلاح, يارب الحكومة تفهم وتفتح الترخيص للناس المحترمه

[فيلمعربى]

مهو بينى وبينك اخى الكريم gamopt80 اعتقد لو تم فتح التراخيص لحمل السلاح اعتقد ان فية ناس كتير هتخاف اصلان تمسك المسدس دة لو قدر يشترى واحد لان ضرب النار لازم يتم عن طريق التدريب الاول
والله صاحبى لسة قافل معايا التليفون من شوية اللى انا حكيت عنة فى بداية كلامى وبيقولى انهم قاعدين خايفين من العيال اللى جت امبارح عندهم فى العمارة وربنا يستر

[gamopt80]

المشاركة الأصلية كتبت بواسطة فيلمعربى

مهو بينى وبينك اخى الكريم gamopt80 اعتقد لو تم فتح التراخيص لحمل السلاح اعتقد ان فية ناس كتير هتخاف اصلان تمسك المسدس دة لو قدر يشترى واحد لان ضرب النار لازم يتم عن طريق التدريب الاول
والله صاحبى لسة قافل معايا التليفون من شوية اللى انا حكيت عنة فى بداية كلامى وبيقولى انهم قاعدين خايفين من العيال اللى جت امبارح عندهم فى العمارة وربنا يستر

يا يا غالي ماهو لو كام واحد في العماره او في الشارع معاهم اسلحه مرخصه مكنش في خوف زي الي هما فيه دلوقتي
معليش يعني لو العيال دي رجعت بسلاح , حتى لو طبنجه تعبانه هيرعبوا شارع كله لانهم مش هيعرفوا يدافعوا عن نفسهم,وهيبهدلوهم لكن لما العيال البلطجيه دول يعرفوا ان في ناس في العماره معاها سلاح ويشوفوا دا بعنيهم ويضرب عليهم نار حتى لو تهويش بس يكون حاجه حي طبعا مش صوت
وقتها مش هيفكروا يقربوا ناحية الشارع مش العماره بس

[فيلمعربى]

طيب هو بالنسبة لسيارات الاغاثة العاجلة اللى هى بقت منتشرة اليومين دول هل تعتقد اخى الفاضل انها بتوصل بسرعة لمان البلاغ ولا بتتاخر زى بوليس النجدة اللى كام الواحد يتصل بيهم ايام حسنى كانوا يجيوا بعد ما الجريمة تحصل يعنى ممكن ساعتين او تلات ساعات دة لو جم اصلان
لكن سيارات الاغاثة العاجلة نظامها اية وما هو رقم تليفونهم