مسدسات البلى ... تنبيه هــــــــــام جدااا

[jamayka]

بدون اى مقدمات هحكى موقف شوفته النهاردة فى مستشفى حسبو فى مدينة نصر
كنت منتظر دكتور و فجأة ناس دخلو و سيدة (محترمة و كبيرة ) فى حالة انهيار و صريخ لأن ابنها الشاب عمره لا يتجاوز العشرين مضروب طلقة فى صدره و التيشيرت اللى كان لبسه كله دم ( يعنى اخترقت جسمه و استقرت )بسبب خلاف مع شاب صديقه يعنى مش بلطجى ولا مسجل خطر و معاهم ظابط و امناء من القسم و دخلو قسم الطوارئ
اتضح انه اتضرب بمسدس صوت محول لضرب البلى و قضية و اثبات حالة و سين و جيم و سلاح فى القضية كمان ناهيكم عن الحالة اللى كان اهل الولد فيها
ارجوكم ارجوكم ارجوكم يا جماعة يا ريت تفهمو ان مسدس الصوت مش لعبة سواء كان محول للبلى او للصوت فقط فى الحالتين المسدس خطر و لا يجوز استخدامه الا فى حالة التعرض لتعدى (بلطجى او حرامى) مش فى خلاف بينك و بين جارك او مع واحد زنق على عربيتك ... ارجو تكون الرسالة وصلت
اللهم بلغت اللهم فاشهد

[خالد أبو الفتوح]

ربنا يستر ( طيب كان الشاب دة فى غيبوبة ولا كان فايق وكانت حالتة إية ) يعنى مدى تأثير البلية فية إية
وشكرا لك على التحذير

[the hacker]

ربنا يسطر و لازم الى بيشيل سلاح يكون حزر جداً عشان السلاح مش لعبه خالص

[jamayka]

المشاركة الأصلية كتبت بواسطة خالد أبو الفتوح

ربنا يستر ( طيب كان الشاب دة فى غيبوبة ولا كان فايق وكانت حالتة إية ) يعنى مدى تأثير البلية فية إية
وشكرا لك على التحذير

هو كان فايق و الغيبوبة مش مقياس لأن بعض اصابات الرصاص الحى لا تسبب الاغماء بعكس اللى الناس اتعودو عليه من مشاهدة الافلام (لو بعيدة عن الاعضاء الحيوية فى الجسم و الشرايين الرئيسية) بس ده ميمنعش الخطورة اللى ممكن تسببها .. افرض لو لا قدر الله و جت فى عين او فى مكان سهل اختراقه ساعتها يبقى ايه رأيك ؟؟

[gamopt80]

ما في ناس هنا قالت ان موضوع البلي خطر يطلعلك ناس تقلك دا لعب عيال! ومستخفين بيه , وهو النتيجه
وفعلا ما ينفعش من اقل حاجه اروح اسحب المسدس واضرب بيه!! المسدس ميستخدمش الا في حالة الدفاع عن النفس يا جماعه !! يعني يكون الموضوع حياة او موت , مش عاركه مع واحد في الشارع اروح اموته علشان حاجه تفاهه واخد فيها اعدام

[jamayka]

المشاركة الأصلية كتبت بواسطة the hacker

ربنا يسطر و لازم الى بيشيل سلاح يكون حزر جداً عشان السلاح مش لعبه خالص

يا سيدى الفاضل السلاح شيطان فى يد كل من هو غير مؤهل و مدرب لحمله و قبل كل شئ ضبط النفس يا جماعة
تحياتى

[sultan]

نسبه كبيره من الى معاهم مسدسات صوت قلبنها بلى والداخليه بعد الحوادث دى هتنفخ الى هتلاقى معاه بليه فى جيبه ومش بعيد يكون فى حد مات ببليه ومش لقين الى موته وتلبسها انتا مهو البيه ملهاش بصمه تقول انها خرجه من المسدس الفلانى وبعدين يا اخونا وقفو بقى المهزله الى على المنتدا بتاعت البلى والطبه دى هتودو نفسكم فى داهيه رجاااااااء وقف التعامل على المنتدى فى المواضيع دى

[jamayka]

المشاركة الأصلية كتبت بواسطة sultan

نسبه كبيره من الى معاهم مسدسات صوت قلبنها بلى والداخليه بعد الحوادث دى هتنفخ الى هتلاقى معاه بليه فى جيبه ومش بعيد يكون فى حد مات ببليه ومش لقين الى موته وتلبسها انتا مهو البيه ملهاش بصمه تقول انها خرجه من المسدس الفلانى وبعدين يا اخونا وقفو بقى المهزله الى على المنتدا بتاعت البلى والطبه دى هتودو نفسكم فى داهيه رجاااااااء وقف التعامل على المنتدى فى المواضيع دى

فعلا اكبر مشكلة ان المسدس لو استخدم استخدام خاطئ نسبة الوصول للجانى هتبقى صعبة جدا
و انا و الله واحد من الناس اشترى المسدس مقفول و اتأذيت من مسدس صوت مش بلى حتى صديق ليا ضرب طلقة غصب عنه و الماسورة بينها و بين اذنى و الله اقل من 3 سنتى و بسببها ودنى بايظة .. يا رب الناس تقتنع

[the hacker]

المشاركة الأصلية كتبت بواسطة sultan

نسبه كبيره من الى معاهم مسدسات صوت قلبنها بلى والداخليه بعد الحوادث دى هتنفخ الى هتلاقى معاه بليه فى جيبه ومش بعيد يكون فى حد مات ببليه ومش لقين الى موته وتلبسها انتا مهو البيه ملهاش بصمه تقول انها خرجه من المسدس الفلانى وبعدين يا اخونا وقفو بقى المهزله الى على المنتدا بتاعت البلى والطبه دى هتودو نفسكم فى داهيه رجاااااااء وقف التعامل على المنتدى فى المواضيع دى

انا مع حضرتك يا استاذ سلطان دى مهزاله و لازم تقف و كفايه كده يا جماعه الى عندو مسدس بلى يخليه فى البيت او فى العربيه و يحمى بيه نفسه و بس

[gamopt80]

هو فعلا محتاجين نهدي شوية اليومين دول ونقلل المواضيع الي تخص البلي
ونخلي الكلام فيها في الخاص احسن
لان كده غلط والموضوع انتشر , دا بقى في ستات بيدخلوا يسالوا على موضوع البلي!!

[don'tshoot]

أنا مع كل كلام الاخوة السابق فعلا أنا عن نفسي كنت بفكر في موضوع البلي قبل كده بس الحمد لله صرفت نظر عنه نهائي... لما ابقي ارخص اجيب واحد حي وطبعا استعماله لا يكون الا في ظروف خاصة جدا وعشان الدفاع مش عشان يموت البني ادمين

اعتقد ان بالطريقة دي الجيش والداخلية ممكن ياخدوا اجراءات شديدة... الموضوع فعلا من الأول غلط خالص

[Biso007]

طبعا الموضوع معروف انه خطر من زمان و حتي من زمان و إحنا أطفال سمعنا عن حوادث ضياع العين نتيجة الهزار بالنبلة و برجل الهندسه .. خلاصة القول ان التهور لن يعدم وسيلة للاذي و ممكن كان الشاب ده يوصل المستشفي واخد مطوة في بطنه بس عشان الأخوة هنا اهتمامهم الرئيس بالأسلحة فنري الخطر منها مضاعف ... العاقل لن يقتل و لو في يده بندقية آلي و المتهور يقتل و لو بنص قالب طوب ... اللهم احفظ أبنائنا جميعا من كل شر.

[ahmadkader]

شكرا يا محمد بيه على الموضوع الهام ده ، و ياريت ياريت الناس تهدأ شوية ، لأن السلاح يا جماعة بالظبط إدمان عامل زى إدمان المخدرات ، فيا ريت ندمن بقى نوع مش مضر زى بنادق ضغط الهواء و الإيرسوفت و نمارس الصيد و الرماية و ده هيرضى حبنا للسلاح و فى نفس الوقت هيضيع وقتنا فى حاجة مفيدة ، يا جماعة أرجوكم السلاح غدار و الله العظيم ، و ممكن من أقل غلطة أو إهمال من أى واحد ممكن يضر أعز الناس ليه من غير ما يقصد

[doos99]

هذا هو نتيجه استخفاف حامل السلاح بخطورته و استخدامه علي سبيل اللهو
يا جماعه المسدسات سواء كانت صوت او حى ليست للمزاح انما للدفاع عن النفس في حالات الضروره القصوى فقط

[sultan]

للعلم فقط سمعت اشاعه ان محلاات بيع البلى جلها تعليمات متبعش بلى لاى احد الى لو كان معلوم استخدامه فين واولت اجرب وسئلت 3محلات انا كنت بجيب منهم بلى حديد الولى مفيش وكان فى وحده ست وقفه فى محل بصتلى بصه مش مظبوطه

[كفافى1]

ربنا يستر خلوا بالكم

[YOSSEF EL MASRY]

السلاح هو السلاح
والشخص اللي يحمل سلاح لازم يكون مؤهل نفسيا وعصبيا لحمل السلاح
يعني لو واحد شايل مسدس متعدل اومسدس حي ومرخص وانفعلاتة غير محسوبة وليس لدية القدرة علي التحكم في افعالة النتيجة واحدة بس اختلاف الاحكام علية لية دائما ننتظر الوصاية والمنع من الاستخدام من الحكومة لازم نكون اد المسئولة
كل من يحمل سلاح يجب ان يكون مقدر لهذة المسئولية جيدا ولكن في ناس وخداها منظرة للاسف
شكرا

[dr_mohasan]

المشاركة الأصلية كتبت بواسطة ahmadkader

شكرا يا محمد بيه على الموضوع الهام ده ، و ياريت ياريت الناس تهدأ شوية ، لأن السلاح يا جماعة بالظبط إدمان عامل زى إدمان المخدرات ، فيا ريت ندمن بقى نوع مش مضر زى بنادق ضغط الهواء و الإيرسوفت و نمارس الصيد و الرماية و ده هيرضى حبنا للسلاح و فى نفس الوقت هيضيع وقتنا فى حاجة مفيدة ، يا جماعة أرجوكم السلاح غدار و الله العظيم ، و ممكن من أقل غلطة أو إهمال من أى واحد ممكن يضر أعز الناس ليه من غير ما يقصد

أفهم من كلامك ده اننا منتظرينك فى طلعة صيد قريباً إن شاء الله ؟

خالص تحياتى لحضرتك يا دكتور أحمد

[hema777h]

لاحول ولا قوة الابالله



يا جماااااعة الناس مش عايزة تقنتع ان المسدسات المعدلة دي تعتبر زيها زي السلاح الحي في درجة الايذاء

تقريبا وان انت متستعملش المسدس الافي حالة الضرورة القصوي وان الي يكون قدامك مع سلاح او تكون مجموعة او يكون في خطر مباشر عليك او علي اهل بيتك مش من اقل حاجة اخرج السلاح لان الي واقف قدامك اقل شي ممكن يكون معاة سلاح الي ومتعود علي استعمالة اكتر منك منك بمراحل ويكون عندو طولة بال ومش بيخرج عن شعورو بسهولة بس في حالة ما هيلاقي واحد رافع علية سلاح في الحالة دي هيكون واحد تاني لان ساعتها هيقول يارح ما بعدك روح وفي الحالة دي هيضربك في مقتل مش هيفكر انو يرهبك بضرب نار في الهواء او الكلام دااا وغير كدااا مخرجش السلاح وانا واقف مع صاحبي واقول افرجهم علية لان في منهم الي ممكن ميكونش عندو اي خلفية في السلاح ويستعملو غلط حتي لو كان في طلق صوت مش بلي ....

وارجو من اللة ان المرحلة دي تعدي علي خير

[jamayka]

اشكر الاخوة اللى تفاعلو مع الموضوع بايجابية و وعى و يا رب الناس كلهم يفكرو بالطريقة دى ساعتها الوضع هيختلف

[اسلام_وى]

كلامك صححححححح

[Zero]

مقدرش أقول غير
حسبى الله و نعم الوكيل
و ربنا ينتقم من كل شخص بيستخدم أى شئ يضر بأى شخص
و على فكرة العيب مش من المسدسات المحوله لبلى زى ماكتير من الأعضاء ماقالت
العيب على المتخلفين إلى بقوا ماسكين سلاح دلوقتى سواء أليكتريك أو مسدس أو غيره
أنا قبل كدة شوفت سواق عربيه ملاكى و بتاع ميكروباص زنق عليه و نزل و قعد يشغل الأليكتريك شوك كأنه مصاصة فأيده فياريت ضبط النفس أولا و أخيرا لكل الناس لأن فى الأخر إلى بيعمل كل المناظر دى لما بيتمسك بيبقى عامل زى الكتكوت الغرقان

[اسلام]

اكتر حاجه بكرها فى المنتدى الرائع دا الهوجه بتاعت مسدسات البلى دى
ثم ان المسدسات دى خلت كل الاعضاء تجار سلاح هههههههههههه

[sayedlabib]

صح يا جامايكا لازم فعلا كل انسان يحس ويفهم ان السلاح ده مش لازم يتمسك اصلا الا فى الحالات الضروريه جدا جدا جدا يعنى تهجم حرامى او بلطجى عليك وانتا امن فى بيتك مش فى خناقة مثلا وشكرا على الموضوع الجميل اللى المفروض يكون له عامل فى تنبيه الناس الى خطورة الموضوع

[smsmn8888]

صوتى اتنبح علشان افهم الناس ان الموضوع تا مش لعبة وربنا يستر بجد

[samirpop2]

يا جماعه لو سمحتم خلو المنتدي للصيد مش للصوت