عاجل الشرطه تنجح فى ضبط صاحب محل أسلحة

[احمد فتحي]

(فى واحدة من أقوى الضربات الأمنية ضد تجار الأسلحة النارية والذخائر غير المرخصة .. أجهزة البحث بالقاهرة تنجح فى ضبط صاحب محل أسلحة وبحوزته 9 طبنجات صوت معدلة لإطلاق الأعيرة النارية الحية و36 طبنجة صوت و654 طلقة نارية مختلفة الأعيرة و10500 طلقة صوت)

أكدت تحريات إدارة البحث الجنائى بمديرية أمن القاهرة قيام ( أمير . إ . ع - سن 68 - صاحب محل سلاح كائن بدائرة قسم شرطة المعادى - ومقيم بدائرة قسم شرطة المعادى ) ... بالإتجار فى الأسلحة النارية غير المشروعة .
عقب تقنين الإجراءات وإتخاذ التدابير الأمنية اللازمة تم إستهداف المذكور وضبطه .. وبتفتيش أحد المخازن الخاصة به تم ضبط الآتى :
( 9 ) طبنجة صوت معدلة لإطلاق الأعيرة النارية الحية .
( 36 ) طبنجة صوت .
( 618 ) طلقة نارية عيار 38مم .
( 50 ) طلقة نارية عيار 22مم .
( 10500 ) طلقة صوت .
عدد ( 8 ) خزينة لطبنجة عيار 9مم .
بمواجهته إعترف بحيازته للمضبوطات بقصد الإتجار بدون ترخيص .

تم إتخاذ كافة الإجراءات القانونية اللازمة حيال الواقعة ، والعرض على النيابة التى باشرت التحقيق.

[هشام سمير]

محل كركور
الراجل دا كان عقيد جيش سابق
بس هى دى عادة الداخليه جهاز وسخ وولد ستين فى سعين
حسبنا الله ونعم الوكيل

[alsaher]

لاحول ولا قوة الا بالله وهو لو حيتاجر في الحي وحيفتح مجال لسوق غير شرعية مالقيش يحطهم الا في مخازنه.!

[عوض]

مسدسات محوله ازاى يقصدو محوله لبلى ولا لحى يا جماعه ؟

[elmasrey123]

المشاركة الأصلية كتبت بواسطة عوض

مسدسات محوله ازاى يقصدو محوله لبلى ولا لحى يا جماعه ؟

وهى تفرق كافة انواع مسدسات الصوت المفتوحة او المعدله سواء بلى او حى مجرمة بالقانون ويقع حاملها تحت طائلة القانون

[عوض]

المشاركة الأصلية كتبت بواسطة elmasrey123

وهى تفرق كافة انواع مسدسات الصوت المفتوحة او المعدله سواء بلى او حى مجرمة بالقانون ويقع حاملها تحت طائلة القانون

لا طبعا هو المفتوح وغير مشخشن يبقى اسمه سلاح حى
وايه ايه اسم المقزوف النارى اللى بيطلقه

[هشام سمير]

اللهم آجره فى مصيبته وابدله خيراً منها

[محمد حامد بلتاجى]

رجل كبيير . وشكله محترم ربنا ينجيه من المشكله دى على خير

[صياد وبس]

اللهم فرج عنه ونفس كربه .

[elmasrey123]

المشاركة الأصلية كتبت بواسطة عوض

لا طبعا هو المفتوح وغير مشخشن يبقى اسمه سلاح حى
وايه ايه اسم المقزوف النارى اللى بيطلقه

اسمه سلاح نارى يسمح باطلاق مقزوف هو البلى مشخشن لا فياريت بلاش فتى فى الامور القانونيه جرب اتمسك بمسدس صوت مفتوح وانته هتعرف

[telefighter]

معاك حق يا استاذ مصرى ... بس اضافة لكلام حضرتك اللى بياكد ان حمل مسدس الصوت فى الظروف التى تمر بها البلاد اصبح ذو شبهة جنائية ولكن لا توجد عقوبة لحمل مسدس صوت مفتوح غير معدل وليس به طلقات بلى لان وجود طلقات صوت فى المسدس اثبت انه محدث صوت وانتى الامر اما عن وجود طلقات بلى وتعديل فى المسدس ستكون مخالفا للقانون ويتم اعتبار الطبنجة كانها عيار 6.35 مثلا
اتمنى للجميع السلامة و الحرص على عدم حمل مسدس الصوت خارج المنزل حتى لا تقع تحت طائلة مخالفة القانون

[lord of the war]

المشاركة الأصلية كتبت بواسطة elmasrey123

اسمه سلاح نارى يسمح باطلاق مقزوف هو البلى مشخشن لا فياريت بلاش فتى فى الامور القانونيه جرب اتمسك بمسدس صوت مفتوح وانته هتعرف

علي فكره الراجل بيسال عادي جدا ومش شايف اي فتي قايله يعني (ياريت منستهزئش براي حد ) وهو بيتكلم من ناحيه السلاح الناري المشخشن

[عوض]

المشاركة الأصلية كتبت بواسطة elmasrey123

اسمه سلاح نارى يسمح باطلاق مقزوف هو البلى مشخشن لا فياريت بلاش فتى فى الامور القانونيه جرب اتمسك بمسدس صوت مفتوح وانته هتعرف

شكرا على ردك الزوق يا باشا بس انا ما فاتيتش انا اعرف ناس كتيير اتمسكت بمسدسات صوت مفتوحه ومحصلش اى حاجه على العموم شكرا جدا

[عوض]

المشاركة الأصلية كتبت بواسطة lord of the war

علي فكره الراجل بيسال عادي جدا ومش شايف اي فتي قايله يعني (ياريت منستهزئش براي حد ) وهو بيتكلم من ناحيه السلاح الناري المشخشن

شكرا اخويا الغالى الف شكر لرد غيبتى

[فكرى الفساخ]

يا أساتذة الخبر واضح وصريح - 9 طبنجة صوت معدلة لاطلاق ( الأعيرة الحية ) و 618 طلقة نارية عيار 38 مم .. الخ
معنى ذلك أنه سلاح يطلق الاعيرة الحية . وطبعا دى اخبارية محبوكة من احد المتعاملين معه من المقربين . ربنا يكفينا شر الخيانة . ويسترها معاه .
نصحنى والدى رحمه الله : امشى عدل يحتار عدوك فيك .
وعلى نصيحة الاستاذ مصرى - احرص على ما تقتنيه ان يكون قانونيا .

[big man]

يجماعه ده واحد بيتاجر في الحي وهو مش مرخص زعلانين ليه ؟؟؟؟

[alsaher]

المشاركة الأصلية كتبت بواسطة lord of the war

علي فكره الراجل بيسال عادي جدا ومش شايف اي فتي قايله يعني (ياريت منستهزئش براي حد ) وهو بيتكلم من ناحيه السلاح الناري المشخشن

والله انك راجل محترم يااستاذ عمر ومعاك حق ياليت نحترم وجهات نظر بعض لاننا بنكمل بعض وكل واحد بيشوف شي التاني مش شايفه
وفي مسدسات صوت بتنزل مفتوحة مفتوووحة من المصدر يادوب بس طبة الصوت الي بتتفك بمفك
وبتتحق اركان الجريمة لو انت معدل في السلاح تعديل معدني قوي حتى لو مش مششخن زي طبة البلي الطويلة مثلا ودي ممكن تعدي منها انت ونصيبك لكن لو بحوزتك كمان طلقات بلي خلاص انتهى الموضوع
* معلومة اي حديد يطلق مقذوف ناري قوي او ضعيف العيار بعيد او قريب المدى يعد في القانون المصري سلاح ناري.
بكرة حيطلبوا ترخيص من النجاريين لحمل مسدس المسامير

[elmasrey123]

ياجدعان علشان اريحكم بقه الى معاه مسدس صوت ومقفول شفتم مقفول واتمسك بيه فى الشارع هيتنفخ والى مش مصدق يجرب هو حرام الواحد ينصحكم

[big man]

المشاركة الأصلية كتبت بواسطة elmasrey123

ياجدعان علشان اريحكم بقه الى معاه مسدس صوت ومقفول شفتم مقفول واتمسك بيه فى الشارع هيتنفخ والى مش مصدق يجرب هو حرام الواحد ينصحكم

معلش يا مصري الناس دي حرام فيها النصيحه

[صياد وبس]

اللهم فرج عنه ونفس كربه .

[_SAIKO_]

لا طبعا هو المفتوح وغير مشخشن يبقى اسمه سلاح حى
وايه ايه اسم المقزوف النارى اللى بيطلقه

السلاح الحي لا يعني انه غير مششخن ..في اسلحة حية و ماسورتها غير مششخنة و ده عادي لانه بيرجع ل نوعية السلاح و نوعية الذخيرة اللي بيتم اطلاقها منه

ملحوظة : العيار من الذخيرة له اكثر من نوع

بالنسبة للمق1وف .. اي شي يخرج من فوهه السلاح يعتبر مقذوف لانة بيتم قذفة من ماسورة سلاح اي كان مسدس بندقية مدفع الي اخرة و ده معروف . كون مسدس البلي بيقذف بلي ف دة معناه انه سلاح ناري لانه قادر علي اطلاق مقذوف لكن المشكلة هنا انه معايير البلية نمرة 2 بالذات غير متوافقة مع قانون الاسلحة و الذخائر بالتالي قانونا غير مدرجة لكن قاتلة اذا اصابت اماكن حرجة ف الجسم ف يتم معاملتها معاملة السلاح الناري المجرم ... و ف الاول و الاخر كلة ب مزاج الداخلية

اتمني اني اكون وضحتلك شوية