العلاقة بين مدى و قوة الطلقة

[الصياد السكندرى]

السلام عليكم
أنا حبيت أنى أحط الموضوع ده علشان شفت أن فيه خلط
أولا مدى الطلقة : يحدد مدى الطلقة بعدة عوامل
1 - السرعة : فكلما زادت السرعة زاد المدى
2 - الوزن : كلما زاد الوزن قل المدى
3 - شكل و تصميم الطلقة : فكلما كان تصميم الطلقة من الأمام مسطح مثل جامو ماتش ( العلبة الحمراء ) كلما قل المدى و كلماكانت مقدمة الطلقة مدببة كلما زاد المدى و ذلك بسبب زيادة المعامل الباليسيتى
4 - الششخان : ده بقى مشكلة المشاكل 3/4 من الناس متأكدين 1000000/ 100 أنه كلما زاد طول الماسورة كلما زاد مدى الطلقة طيب تعالى نشوف
لو أنت ماسك سلك أو حبل و فى أخره ثقل و لفيته دائرتان علشان ترميه حيبعد عنك مثلا 3 متر و لو لفيته 7 أو 8 لفات حيبعد عنك مسافة أبعد
هى دى فكرة الششخان اللى موجود فى البندقية و لكن علشان تتحقق لازم الضغط خلف الطلقة يكون أكبر من الضغط اللى أمام الطلقة و إلا تحولت الششخانات إلى مقاومة أمام الطلقة
فى ناس كتير بيحبو يرهموا البنادق الخرطوش و ده أكبر غلط ( والله العظيم عارف أن البنادق الخرطوش مصقولة أى غير مششخنة ) بس النظرية حتنطبق عليها بردة يعنى لو طول الماسوره زاد عن مجال الأنفجار و زيادة الضغط داخل السبطانة مداها حيقل يعنى حيقل و فى حاجة مهمه أن شركات الأسلحة زى بنلى و بريتا و براوننج أكدو أن طول السبطانة فى البنادق الخرطوش ليس له علاقة بالمدى و لكن له علاقة بالأنتشار ما علينا خلينا فى الششخان
ده معناه أنه كلمل زادت عدد الششخانات أو زادت بروزها زادت سرعة الطلقة .
ثانيا الطاقة التى تحملها الطلقة :
1- الطاقة الحركية : هى الطاقة الموجودة فى الطلقة أثناء سريانها و تعتمد على الكتلة و السرعة و تساوى ( نصف الكتلة * مربع السرعة )
2- طاقة الأصطدام : كلما كان شكل مقدمة المقذوف مسطح مثل الجامو ماتش كانت طاقة الأصطدام عالية و تكون الطلقة مؤثرة أكبر لأنها تنقل أكبر كم من الطاقة الحركية إلى الجسم و لكن قدرتها على الأختراق أقل و كلما كان شكل المقذوف مدبب مثل الماستر بوينت أو الماجنوم يكون طاقة الأصطدام أقل و قدرتها على الأختراق أعلى لأتها تنقل أقل قدر من طاقتها الحركية .
كذلك تعتمد على الكتلة فكلما زادت الكتلة زادت طاقة الأصطدام .
ثالثا تأثير الطلقة على الجسم له عدى عوامل:
1- شكل المقذوف
2- كتلة المقذوف : فكلما كانت الكتلة أكبر كلما كان تأثيرها أعلى

فى حاجة مهمة قوى هى أن أى حد بيتكلم عن أوزان الطلقات أو البارود فى هذا المنتدى أو غيره بيتكلموا بالجرام لالالالالالالالالالالالالالالالالالالالالالالا
ليه لأن الطلقات بتتقاس بحاجة أسمها الجرين و هى تساوى 0648 . من الجرام ياريت ناخد بالنا من الحاجات دى علشان نبقى من أحسن و أفضل المنتديات إن لم نكن أفضلها
و أخيرا أعتذر عن الكتابة بالعامية و ليس بالفصحى لأنى على عجالة بسبب العمل و شكرا

[moustafa_hunter]

تمام يا باشة

[msgm]

تسلم على تعبك يا . الصياد السكندري . وإلى الأمام .

بالنسبة للجرين .. إحنا بنحولها بالجرام . لأن في مصر شغالين بالنظام المتري ال هو ال ملم و سم و متر و كيلو للأطوال .


و الأوزان جرام و كيلو جرام ..

و الطاقات . جول . أو نيوتن في المتر ...

و السرعة بالمتر و الكيلومتر .. لكل ثانية . و العجلة متر أو كيلو متر لكل ثانية تربيع ..

أما وحدة الجرين ..ال SLUG ما عندناش موازين في مصر بتوزن بالجرين .. عشان كده بنستخدم الجرام .




و يا ترى ... حد قدر يعرف علاقة التسارع للجبة و السسته مع ضغط الهوا وسرعة الطلقة ..
كل واحد يجاوب الي يعرفة . وفي الآخر حأقولكم .إيه العلاقة الصح ... وبالمعادلات الرياضية .!
عشان نحسب قوة البندقية . ومنها نقدر نحسب المدى عند أي زاوية إطلاق .و بالمعادلات إن شاء الله ..

[الصياد السكندرى]

أنا معاك يا محمد أن أحنا فى مصر شغالين بالجرام بس طلقة تساوى 14 جرين لما نحولها لجرام =14*0648.=9072. جرام يعنى أثقل الطلقات لا تتعدى الجرامين و ليس 14 و 20 جرام هذه هى وجهة نظرى فقط التى أردت أن أنوه عليها فقط و ذلك لكى نرتقى بالمنتدى و بالهواية
ولا أنت أيه رأيك يا محمد

[msgm]

طبعا يا الصياد السكندري كلامك ما عليهوش إختلاف . ألا وهو الإرتقاء بالمنتدى .وهو هدف نبيل جدا ..

و أنا كنت سعيد لما عرفت أنك كنت العضو الي في البواردي . و إتكلمت على الترخيص

و معلوماتك صح 1 gram (g) = 15.43 grains (15)
أي . الواحد جرام = 15.43 جرين


و بيأكدها الموقع التالي

و ده موقع تحويل أي قياسات http://peteducation.com/category_sum...cls=0&Cat=1305


حتلاقي كاتبين في خانة الأوزان 1 gram (g) = 15.43 grains (15)


و ده موقع بيعرض أغلب منتجات الرش من مختلف الشركات . وموضحا الأوزان بالجرين
http://www.dlairgun.com/pellets.htm




وشكرا لتنويهك . على المعلومة المهمة يا أحمد ..
و عايزين نشوف حل في الترخيص .

[venatic13]

شكرا جزيلا يا صياد

وتسلم علي المعلومات الرائعه

[الصياد السكندرى]

لا شكر على واجب يا محمد
يوجد فى الأنترنت منتديات كثيرة جدا عن الصيد و القنص و لكن للأسف لا يوجد بينها منتدى مصرى غير هذا المنتدى لذلك نريد أن نرفع شأنه و نضعه فى مكانه مرموقة بين باقى المنتديات و هذا بالتأكيد سيشجع أخرون على أنشاء منتدى مصرى أخر و من هنا تبدأ المنافسة الشريفة فى الأرتقاء بالمنتديات المصرية المختصة بالصيد لكى تنافس المنتديات الخليجية لأثراء المعلومات و النهوض بالهواية أكثر فأكثر فى العالم العربى أجمع و الأهم من النهوض بها هو نشر الخلق السليم فى الصيد من عدم الأسراف و التبذير إلى عدم أستخدام السلاح الغير مرخص مهما كانت الأسباب و الدواعى و عدم ترهيم أو تعديل الأسلحة أعتقد أن هه هى غايتى و هدف أغلب الأعضاء المصريين و الأخوة الخليجيين
أما بانسبة للترخيص والله العظيم أنا ما ساكت بحاول بشتى الطرق و لكن ما باليد حيلة , لو عرفت يا محمد الطريقة أستحلفك بالله أن تخبرنى أياها.
أما بالنسبه لى فى مفاجأه إن شاء الله قريبا سأفاجىء بها المنتدى و بهذه الفكرة نكون أول منتدى نفذها بين المنتديات العربية ولكن بها بعض المشاكل إن شاء الله ححاول أحلها و لو معرفتش حطلب مساعدتكم يا أعضاء المنتدى أتمنى أنكم تساعدونى.

[msgm]

شكرا على ردك السريع و المفيد يا . الصياد السكندري .

و من رأيي أن من أراد إن شاء منتدى صيد جديد .
فمن الأفضل الإنضمام لهذا المنتدى . . حتى لا يبدأهو من الصفر . ولكن يبدأ حيث إنتهينا نحن .
مما يحقق سرعة التطور و النمو ...

و لا يوجد في مصر حتى الآن تبذير و إسراف في الصيد ولله الحمد من أبناء البلد ..
إلا من شرذمة قليلة من الصيادين الأجانب. زوار البلد

و عندك حق . في موضوع ترهيم السلاح . فمهما توصلنا نحن . من علم . لن نجاري شركات أعمارها مئات السنون لديها مهندسين و خبراء في التصنيع .

و وعد مني سوف أخبرك بكل جديد في موضوع الترخيص ...!

أخوك محمد سيد .

[عماد النجار]

فعلا انت قلت المفروض ان الكل يعرفة بالنسبة لهذا الموضوع وشكرا لك يا ابو اسكندر